Obb bobb obb !!!!: 08/01/2008

Obb bobb obb !!!!

föstudagur, ágúst 29, 2008

Stundum er löngunin svo mikil að líkaminn engist af þrá. Andadrátturinn verður ör, en þungur um leið og það er eins og þindin sé komin upp í háls.
...annars er svo sem allt gott, en mikið getur þetta verið hvimleitt.
Jú, annars, húsið sem ég vinn í nötrar í vindinum. Það er eins og sé stöðugur jarðskjálfti. kannski eru þessi líkamlegu einkenni bara sjóveiki, riða...

¶ 11:17 f.h. 5 comments

fimmtudagur, ágúst 28, 2008

Æi, ég nennti ekki að setja inn myndir í gær.
En við sömdum texta, fjölskyldan, á meðan við horfðum á orðuveitinguna-

Standa þeir þarna með orðuna sína
hæ faddi rí faddi ra la la
Forsetinn er kominn frá Kína
hæ faddi rí faddi ra la la
Þeir eru allir í einni röð
og þjóðin hún er kát og glöð.
Hæ faddi rí, hæ faddi ra, hæ faddi rí faddi ra la la.

¶ 9:07 f.h. 0 comments

miðvikudagur, ágúst 27, 2008

Stór dagur í dag; litla barnið mitt er byrjað í skóla. Ég set myndir inn seinna í dag.
Ekki minna virði er kommentið sem ég fékk frá Þorbjörgu í morgun þegar hún sagði að ég væri eins og kona frá miðöldum!
Einmitt lúkkið sem ég var að reyna að ná fram........noooot!

¶ 9:44 f.h. 8 comments

þriðjudagur, ágúst 26, 2008

Arnaldur datt á andlitið og missti tvær tennur í gær. Ég var ekki heima, en þetta var víst mikill hasar sem endaði á slysó. Þorbjörg var líka mjög fúl yfir því að nú væru þau búin að missa jafn margar tennur. Og ég þarf heldur betur að fara í bankann fyrir tannálfinn. Sjálf fór ég á fund, það var ákaflega hressandi og uppbyggilegt. Gott, ég ætla að gera meira af því.
Svo er það að frétta að ég er með skelfilegar harðsperrur í kálfunum, örugglega út af því að ég fer upp sjö hæðir í stiganum á hverjum morgni. Ég ætla samt ekki að hætta því, frekar teygi ég þegar upp er komið. Annars er bara allt gott.

¶ 9:23 f.h. 6 comments

mánudagur, ágúst 25, 2008

Mig langar svo að vera samviskulaus stundum. FARÐU BURT SAMVISKUBITSHELVÍTI!
Annars er bara allt gott...

¶ 12:58 e.h. 5 comments

mánudagur, ágúst 18, 2008

Um helgina fór ég í sveitina. Gekk á tvö fjöll, bakaði heimsins bestu pönnukökur ( með bláberjum og banönum, mmm)tíndi ber, fór í göngutúr, spilaði slönguspil og fór í sund. Það var gaman. Takk

¶ 2:18 e.h. 0 comments

föstudagur, ágúst 15, 2008

Hún Jóda mín og Atli hennar eignuðust stúlkubarn í nótt. Til hamingju með það!

¶ 8:35 f.h. 0 comments

fimmtudagur, ágúst 14, 2008

Ég óska mér góðs og skemmtilegs kærasta.

¶ 2:43 e.h. 9 comments

miðvikudagur, ágúst 13, 2008

Áfram með smjörið. Gönguferð í hádeginu með verkfræðideildinni og hjólatúr seinni partinn. Í milli tíðinni verð ég í vinnunni.
Partý-fjör-stuð-mergjað-kúl-gjeggjað!

¶ 8:10 f.h. 0 comments

mánudagur, ágúst 11, 2008

Átti frábæra helgi með mínum frábæru börnum og vinkonum. Dans og gleði og sund og hjólatúr. Takk fyrir mig.

¶ 8:19 f.h. 3 comments

föstudagur, ágúst 08, 2008

Lifa, það er svo gaman að lifa...
Fór að borða með bestustu vinum mínum í gær, hjá besta bróðurnum í bænum. Mmm hvað það var gott og gaman.

¶ 8:10 f.h. 3 comments

fimmtudagur, ágúst 07, 2008

Ætli sé gott að setja rúgbrauðsneið í hvítlaukssaltið ef það er orðið hart? Svona eins og maður gerir við púðursykurinn...

¶ 8:11 f.h. 1 comments

miðvikudagur, ágúst 06, 2008

Hvað gerir maður ef maður fattar að það er miklu meira púff á hægri erminni en þeirri vinstri í miðjum vinnutímanum?
Ekkert!

¶ 4:16 e.h. 2 comments

þriðjudagur, ágúst 05, 2008

Ég elska rútínu. Hlakka til þegar allir eru komnir á sína staði.

¶ 8:10 e.h. 3 comments

sunnudagur, ágúst 03, 2008

Ég er búin að ættleiða fjölskylduna hennar Kötu. Nú þarf ég bara að láta þau taka mér sem einni af hópnum. Það hlýtur að takast.
Var í skorradal, þar var gaman.
Takk

¶ 10:15 e.h. 3 comments