Í gær sá ég svansegg, sveppi og skömmustulegan gráhegra. Ég veit ekki hvað hann skammaðist sín fyrir, en hann þóttist ekki sjá mig og svaraði mér engu þegar ég heilsaði honum. Í dag er ég svo búin að lesa og leggja mig jöfnum höndum. Skrifa svolítið líka og éta súkkulaði. Ætli að úr verði ritgerð einhvertíma?
Nú veit ég ekki hvað ég á af mér að gera...langar mest út að leika, en þori ekki af því að ég Á að vera að læra. En hvort ætli sé betra að fara út að leika eða þykjast vera heima að læra?  ¶ 12:46 e.h. 2 comments

  Sól úti og í sinni núna. Reyndar blæs aðeins líka, en það getur komið sér einkar vel ætli maður að fljúga flugdreka.  ¶ 6:34 f.h. 2 comments

  Ég er búin að ákveða að skerða hvorki hár né skegg fyrr en ég er búin með ritgerðina. Ég er strax orðin utan við mig... það hlýtur að lofa góðu!  ¶ 10:09 f.h. 3 comments

  Þá erum við komin heim. Þorbjörg merkti leiðina; ældi í bílaleigubílinn, flugvélina og leigubílinn. Sem er ekkert nema gott, því þá rötum við til baka!  ¶ 12:18 e.h. 3 comments

  Síminn minn á Íslandi ef einhver þarf að hringja er: 6595276
Sól, snjór, matur og svefnleysi. Og við erum varla lent!  ¶ 6:15 e.h. 2 comments

  þá erum við ferðbúin. Ég veit reyndar ekki hvað er í töskunum, en það kemur í ljós þegar við tökum upp úr þeim hvað þær geyma. Krakkarnir eru eðlilega órólegir og ég held að móðirin þurfi að fá sér róandi til að lifa daginn af. Þá gerir hún það bara!  ¶ 7:58 f.h. 2 comments

  Ég fór í mat til Birgitte í gær. Kunni mér auðvitað ekki hóf frekar en fyrridaginn og át yfir mig og lá svo á meltunni þangað til síðasta lestin fór. Þóttist nú bara nokkuð góð að hafa náð að hlaupa niður á stöð á 14 mín í stað hinna opinberu 21. En ég var ekki alveg eins góð þegar ég gekk í rólegheitum um Nörreport og horði á eftir öllum síuðstu strætóunum sem fóru í áttina heim til mín. Svo tók ég mér stöðu við staur og fór að bíða eftir næsta vagni. Sem auðvitað kom aldrei. Loksins þegar ég fattaði að það væri enginn strætó væntanlegur rauk ég af stað og labbaði heim í nóttinni.  ¶ 8:09 f.h. 2 comments

  ohh, mig vantar eirð. Getur einhver sent mér smá eirð? Bara pinkupons...  ¶ 11:03 f.h. 6 comments

  Mér finnst voðalega skrítið að vera ekki með börnin mín og vera "bara" heima. Hitti þau aðeins í gær og var bara næstum farin að skæla af því að ég saknaði þeirra svo mikið. Já, en bara næstum. Er búin að ákveða að halda öllu skæli í mér þangað til 13. mai. Þá verður opnað fyrir flóðgáttirnar og ég grenja fyrir árið. Annars er ég að rembast við að læra, gengur ágætlega. Það er ekki annað hægt að gera fyrst að börnin eru að heiman svo að ég geti lært áður en við förum í fríið. Mmm, fríið. Mikð hlakka ég til að fara í sund og leika mér við vinina mína á íslandi. Kannski kemst ég á hestbak líka, ég hef aldei farið á hestbak og langar mikið að prófa. Annað sem ég ætla að gera á ísl., grafa upp línuskautana mína. Eða reyna það, hef ekki hugmynd um hvar þeir eru niður komnir. Við ÞS, fórum nefnilega út að skauta í gær, ég á alltof stórum og stórhættuegum skautum, en það var svaka gaman. Jæja, nú þarf ég að drífa í að láta tímann líða svo ég komist í frí.  ¶ 8:41 f.h. 7 comments

  Ég fékk ofnæmi í gær. Fyrir einhverju sem ég át, en ég veit ekki hverju. Nún hætti ég ekki á að borða neitt annað en hrökkbrauð. Það er allt í lagi, því mér finnst hrökkbrauð gott.  ¶ 8:46 f.h. 1 comments

  Ekki vaknaði ég klukkan átta til að hlaupa. En það er í lagi. Ég hleyp bara seinna í dag, þá verður líka sólin farin að skína. Núna: læra...  ¶ 7:10 f.h. 0 comments

  Vellyktandi, finnst mér skemmtilegt orð. Mig langar að bera á mig vellyktandi og fara út á galeiðuna. Mér finnst galeiða líka skemmtilegt.  ¶ 6:18 e.h. 2 comments

  Ég var svo utan við mig og einkennileg eftir jógatímann í gær að á undarlegan hátt tókst mér, þegar ég var að koma dýnunni fyrir inni í kompu, að lemja hausnum og nefinu í eitthvað, hurðakarm og hillu, held ég, með þeim afleiðingum að í dag er ég ekki einungis með strengi heldur líka sár á nefi og kúlu á haus. Þetta er einhver ljótasta settning sem ég hef sett saman lengi, en hvað um það. Það ljóta verður að vera til svo hið fallega sé fallegt.
Ég er farin að læra...  ¶ 10:00 f.h. 2 comments

  Ég er lukkunar pamfíll. Aldeilis og sérdeilis lánsöm, alltaf hreint. Ef þetta heldur svona áfram, get ég ekki átt von á öðru en einhvern daginn þegar ég opna wordskjal í tölvunni þá: tata.... fullkomin BA ritgerð.
Já svei mér þá hvað þetta er ágætt allt saman!  ¶ 7:47 f.h. 2 comments

  Ó ljúfa líf... þú ert dásamlegt, yndislegt og undursamlegt. Takk!  ¶ 7:30 f.h. 6 comments