Obb bobb obb !!!!
|
Jæja, mér líður svolítið betur núna eftir að hafa borgað 6339,22 danskar krónur í netbankanum. Finnst ég vera voða fullorðin og bera mikla ábyrgð. En fyrr í dag, hins vegar, var ég alveg við að henda kjötbollunum út um allt og kasta mér grenjandi í gólfið. Það rann allt í einu upp fyrir ÞS að Siggi væri fluttur út. Greyið barnið, grét og grét og átti verstu mömmu í heimi. Sagði bara að ég ætti að hringja í hann og segja honum að flytja aftur inn, punktur og basta, bannað að breyta!
Ef allt gæti bara verið svona einfallt; punktur og basta og bannað að breyta og allir standa við sitt og eru bara góðir og góðir.
En ég gaft ekki upp, var pollróleg og kyngdi kettinum sem var í hálsinum, faðmaði og elskaði. Gat ekkert annað. Vonandi verða sárin ekki mjög djúp og gróa fljótt. Fokk hvað það er vandlifað stundum.
|
Aftur heimsk í dag. Þetta er bara orðinn vikulegur viðburður.
|
Jákvæðni, jákvæðni, jákvæðni. Jákvæðni komdu til mín.
|
Þá er það komið á hreint. Ég þoli ekki drasl og óreyðu. Mér líður illa líkamlega, fæ bólur, hægðartregðu og verð stressuð. Bara á tómu drasli. Merkilegt. Og merkilegt að fatta þetta svona seint í lífinu. Og betra seint en aldrei. Og ég er farin....
|
Hva? Kominn laugardagur. Missti ég af föstudeginum?
|
Jahérna. Aldrei fæ ég þetta spark í rassin sem ég er alltaf að bíða eftir. Núna var ég að fá til baka verkefni sem ég skilaði í janúar með hugarfarinu; -
enginn sagði að það þyrfti að skila þessu réttu- og viti menn......Godkendt.
|
Mér fannst ég heldur betur eiga skilið að sofa út í morgun og skríða svo frammúr og fá mér góðan morgunmat í rólegheitunum. Og ég gerði það bara.
Annars ekkert sérstakt svo sem....
|
Gærdagurinn átti að vera rosalegur lærudagur en þegar upp var staðið varð hann bara heimsóknardagur. Fyst komu Ingibjörg, Birta og Björn Rafnar í hádegismat/kaffi. Svo þegar ég var búin að lesa eina og hálfa blaðsíðu í Hamletti þá kom Bryndís í kaffi. Ég fattaði reyndar eftir á að ég bauð henni bara einn kaffibolla, kannski var það voðaleg ókurteisi, en þá getur hún bara fengið meira þegar hún kemur til að ná í sígaretturnar sínar. Svo gat ég lesið í hálftíma, náði svo í börnin og við fórum í bananaköku og kaffi há Telmu og kó. Rosa gott og gaman en ég auðvitað allt of uppgefin til að lesa eftir að ég var búin að koma krökkunum í háttin. En koma tímar koma ráð. Kannski ég reyni að særa Sjeikspír fram um helgina og fái hann til að segja mér undan og ofan um Letta beibí.
|
Mér leiðist. Langar að safna skeggi.
|
Mikið ofboðslega er erfitt fyrir mig að drullast í gang á morgnanna þessa dagana. Vaknaði klukkan þrjú í nótt í kvíðakasti yfir því að það væri alveg að koma dagur. Og harkan sem ég þarf að beyta mig til að komast í skólan er einna helst lík mútum. Í dag lofaði ég mér að ég megi fara aftur uppí ef ég hundskast í skólan. En það versta er að ég verð líklega ekkert búin að gleyma því neitt eftir skóla, þó að þá verði ég glaðvakandi og hress. Þá kem ég samt til með að taka mér góða stund í að reyna að sofna bara af því ég var búin að lofa mér því.
Mér veitir annars ekkert af að fara í skólan. Oft hef ég verið heimsk og vitlaus en aldrei eins og núna. Men, hvað bráðgáfð kvikidi eins og ég getur verið heimskt!
|
Oj, tölvuskjárinn sem pabbi gaf mér fyrir sjö árum er að syngja sitt síðasta. Bölvað helvítis drasl, bara. Dugir ekki skít. Djók.
Allir á mínum bæ eru svakalega fínir í dag, með bleikt nagglalakk á tánum. En svo eru sumir enn fínni, líka með á fingrunum. AG var alla vega rosa montinn að sína dagmömmunni naglalakkið sitt. Talandi um dagmömmur, ég vona að drengurinn fái bráðum leikskólatilboð, hann er alveg búinn að fá nóg af þessum smákrökkum og vill greinilega fara í einhverja stórslysaleiki og spæderman og dufffff. Duff er eitthvað svona stráka....hoppa niður af einhverju með prik og segja "dufff". Hef aldrei skilið það almennilega, en mér sýnist hann vera kominn á greinilegan "hópduffaldur".
EN ég vona nú að tölvuskárinn komi fyrst, þarf örugglega að fiffa einhvern díl og kaupa mér almennilegan skjá sem dugir næstu tíu ár. Ég nenni ekki svona vesi.
|
Konudagur. Ég er einhverkonar kona, þetta hlýtur því að vera dagurinn minn!
|
þau eru miklu klárari en ég, börnin mín.
Á leiðinni heim frá Íslandi keyptum við okkur nammistauk sem átti að eta úr þegar væri disney-sjó í sjónvarpinu. Ekkert endalaust nammivæl, bara étið úr stauknum á föstudagskvöldum yfir teiknimyndunum. Svo er víst endursýning á laugardagsmorgnum, en í mínum huga er það alls ekki alvöru disney-sjó, svo ég sagði bara við AG í svefnofunum í morgun " jájá, tvö nammi!". Hélt örugglega bara að hann væri að leika, eða mig að dreyma eða eitthvað. Alla vega grunaði mig alls ekki að stóra systirin hefði klifið lóðrétta skápbrún og náð í nammistaukinn. En það var ekki fyrr en henni blöskraði nammiát litla bróðurs og hún kom með baukinn inn í rúm til mín svo ég gæti passað að hann æti ekki allt upp til agna, að það rann upp fyrir mér að það væri líka disney á laugardagsmorgnum og þá má maður éta upp úr stauknum!
|
Ég ætla lítið að skrifa, frekar að gera eitthvað af því sem ég þarf að gera í dag. Það gengur örugglega glimrandi vel því ég er búin að hlaupa og er komin í kjól.
|
Við AG þvoðum gluggana í dag og stofan stækkaði um fjóra fermetra. Það er alveg deginum ljósara, ég mældi það.
|
Ætli maður verði að hafa lögheimili á Íslandi til að vera kosin kynþokkafyllsta konan?
|
Múmínsnáðinn, Mía litla, Morrinn, Kikkaadú, Nemó, Dóra, Marel, Mannfreð, Benedikt búálfur, Dídí og Greppikló eru gjörsamlega búin að taka yfir heimilið. Vonandi fara þessi veikindi að taka enda. Enda get ég ekki átt í venjulegum samræðum við venjulegt fólk. Hins vegar ég ég talað við teiknimyndapersónur og börn. Held því þá bara áfram eitthvað enn.
|
úfffff, ég er andlaus og þreytt. En alls ekki í eins mikilli einangrun og ég hélt. Ég er með lús!
|
Heimasíminn minn er dauður, gsm-inn virkar bara innanlands, einn krakki veikur og ég aftur komin með vogrís. Skil það alls ekki, þetta með vogrísinn. Hef aldrei fengið þetta áður en svo er allt í einu er allt vaðandi í þessum kvikyndum í augunum á mér. Ælti þetta sé refsing fyrir að horfa á eitthvað óæskilegt? Extreme makeover kannski?
En hvað er þá þetta með fokking símana? Ég tala sko ekkert mikið í svoleiðis, en finnst óneitanlega betra að það sé hægt að ná í mig. Ó vell, ég tek þessu samt með jafnaðargeði. Kannski smá einangrun sé málið.
|
Það er voða erfitt að fá góðan nætursvefn með hitagemling við hliðina á sér sem biður um vatn á hálftíma fresti. En ætli ég sofi ekki bara betur næst.
|
Ég á ÆÆÆÆÆÐISLEGA vini.
En er svo líka með hafragraut í klofinu, mjög ósexí.
|
Helgin er búin að vera afar upplýsandi fyrir mig. Ég hef m.a. komist að eftirfarandi:
Mér finnst óþolandi að ferðast í lyftu.
Mér finnst fransbrauð gott.
Mér finnst flestir hundar ljótir.
Mér finnst flestir sem eiga hunda ljótir.
Mér finnst svarthærði pönkarinn sem á hund ekki ljótur, en hann á líka þrjú börn sem ég held að vegi upp á móti hundinum.
Bubbi hafði rétt fyrir sér; það er gott að elska.
Það hefur ekkert upp á sig að fara út að hlaupa timbraður.
Ég get hlaupið miklu meira en ég hélt.
Vinir eru það næst besta sem maður á.
Fjölskyldan það besta.
Lopapeysur og gúmískór rúla.
Ég er bara alls ekkert svo slæm.
|
Loksins er ég hætt að vera þunn.
|
Ókey, lúrinn varði miklu lengur en til tíu og mér líður eins og mauki fyrir vikið. Hlaupatúrinn stendur enn út og býður þolinmóður en ég ætla að reyna að komast óséð fram hjá honum þegar ég fer út í búð. Þarf að kaupa, hamlett, fisk, afmælisgjör, myntu, kóreander, rækjur, hvítvín, eitthvað í forrétt, og salat.
Best að skríða til nágrannakonunnar með kaffibollan og fá hana til að stappa í sig stálinu.
adjö.
|
Hvað á þetta eiginlega að þýða? Mega veisla í kvöld og vakna eins og ég veit ekki hvað. Með kvef sem dugar fyrir lítinn ættbálk um hávetur. Fæ mér hvítlauk og hvíld til tíu. Hlaupatúrinn verður bara að bíða þangað til.
|
Svoltið glatað að vera ein heima hjá sér í singstar. Eða hvað? Ja, ég verð þá bara lúði...það er hægt að vera margt verra. Til dæmis náriðill.
|
Ég nuddaði svo mikið á mér sólar plexusinn í jóganu í gær að ég fæ örugglega marblett. En þá verð ég bara ekkert í magabolnum í singstar partýinu á morgun. Prufukeyrsla í kvöld. Allir velkomnir.
|
jájájájá, búin með hljófræðina og málfræðina. Sagan fer með mér í strætó og svo verður bara sungið! Æm rólin!
|
Mér líður eins og ég geti all núna. Svolítið eins og ég sé guð. kannski ég taki mér stöðu við ljósarofan í dag og segi "verði ljós" og kveiki svo annað slagið. Bara til að sanna fyrir mér að ég er ekkert síðri en Hann.
Ég, nefnilega, fór út að hlaupa í morgun. Í morgun! Fyrir hádegi og það sem meira er fyrir klukkan níu. Fúfff, hvað ég er ógeðslega dugleg. Ég hef eiginlega leyfi til að sluxa það sem eftir lifir dags, en ætla samt að læra fram að hádegi og leggjast svo í singstarið. Jájá ó sei sei...
|
Skoh, singstarið kostar fimmhundruð kall og námslánið mitt ekki komi. Get fengið það hundraðkalli ódýrara í einhverri netbúð en þá tekur það 1-2 daga að koma til mín, en aftur á móti....get ég borgað það með ísl. vísa. Spurningin er hins vega hvort ég get beðið svona lengi. Hafði hugsað mér að skippa lærdóm á morgun, fara strax klukkan átta í fyrramálið og fá lánað pleysteisjonið og syngja svo alla helgina. Hmm, erfiðar og miklar ákvarðanir að taka.....
|
Hvað gerist á svona degi?
Það er alla vega ekki eins skíta fokking kalt og undanfarið, svo ég hætti líklega að ofkæla börn vina minna. Hef svolítið verið í því. Ég er að hugsa um að fara í jógatíma og kaupa singstar í dag. Jibbíkajei!
|
það er svolítið asnalegt að vera hérna í þessum kosningum. Manni er alls,alls ekki sama, en getur bara ekkert gert. Fékk svolítið óbragð í munnin þegar ég gekk inn í sundhöllina og á stærsta vegg hennar brosti við mér ógeðið hann Andres Fogh (eða hvernig það er nú skrifað). Fór samt og synti í grunnhyggju minni en svo þegar ég kom út gekk ég beina leið inn í "sigurhátíð" Venstre. Það var samt enginn merkilegur kominn, bara fullt af lífvörðum, jakkafataklæddum öryggisvörðum og sjónvarpsfólki. Og svo auðvitað ég með rauð augu, klórþvegið hár og óþekka krakka.
|
Ótrúlegt frat....krakkarnir eru í fríi en ég þarf að mæta í skólan.
|
|
Mmmmmm. Hún er komin, sólin.
|
Hvað eru áróðursmeistarar stjórnmálaflokka að pæla þegar þeir senda sælgæti með áróðursbréfunum? Vita þeir ekki að kosningaraldurinn er átján ár en ekki átta! Eða treysta þeir kannski á að frekja barna og stjórnsemi sé orðin svo mikil að börnin ráði því hverja foreldrarnir kjósa. "Mamma, kjóstu V því þeir gáfu okkur nammi. Þeir eru góðir!" Mér fannst alveg gott að maula framsóknarópalið hér í denn, en ég skil þetta samt sem áður ekki. Enda henti ég molanum sem kom inn um lúguna mína í morgun. Vildi ekki eiga á hættu að fasismi vinstriflokksins festist í hálsinum á mér og drægi mig til dauða. Nógu eru margir dauðir samt.
ÞS harðneitar að láta einhverjum tannálfi tönn sína í té, þó hún fái mögulega peninga fyrir. Ég skil hana reyndar alveg, hún er búin að bisa við að láta hana vaxa. Ryðjast í gegnum bólginn góm og svo allt mausið við að losa hana aftur. þetta er ærinn starfi og mér finnst, eins og henni, réttara að hún eigi tönnina en ekki álfurinn. Hún fær bara peninga hjá mér í staðin, fyrir skynsemi og staðfestu.
|
Hvað er borga tannálfar fyrir veljulega framtönn úr barni? veit það einhver? Þetta er nefnilega tímamótadagurí lífi okkar. Fyrsta tönnin úr fyrsta barninu dottin úr.
|
Það er allt eitthvað svo hverullt. Þeir sem fóru heim, fóru út. Hér í dag, farin á morgun. Tvöfallt sálarlíf. Jahérna, hvar endar þetta?
|
Já, þetta er margslungið. Göngutúr, endur, rennibraut, kaldar tær, bað, búð, bollur, ís, Matthildur, strípisjó og fleyra.
|
Laugardagur, laugardagur! Hvað berð þú í skauti þér?
|
Ég er bara alveg ofboðslega skotin í mugisyni og rúnu. Alveg svona næstum því alvöru skot, mig kitlar í magan við að heyra raddirnar þeirra og langar til að hjúfra mig að þeim. Skemmtilegt.
Ég er að fara út á bókó að læra, en nennir einhver að hafa mig í mat hjá sér í kvöld? Ég lofa að vera stillt og skemmtileg og klára allan matinn minn.
|
Mér líður eins og ég ímynda mér að bjórflösku með sígarettustubb oní myndi líða ef hún hefði tilfinningar.
Sjúsk.
Sef til hádegis og tek svo stöðuna.
|
Á eftri ætla ég að baka lummur úr hafragrautsafgangnum. Það er kúl að baka lummur, sérstaklega úr hafragrautsafgangi. Ég er kúl.
|
AG bjó til fyrsta alvöru brandaran sinn í gær þegar ég eins og asni spurði hann, angandi af kúkafýlu, hvað hann væri með í bleiunni. Hann hugsaði sem lengi um og sagði svo sposkur: "Tómatsósu".
Þetta þótti svo findið að í morgun fór hann undir borð og tilkynnti okkur mæðgum að hann væri að búa til meiri tómatsósu í bleiuna.
|
Vá , ég fíla þetta sólskin alveg í tætlur. Klukkan rétt níu og sólin skýn svo skært að ég er alveg á barmi þess að fara út að þvo gluggana! Reyndar var ég nokkuð úfin og mygluð þegar ég skreið á lappir en það er ekkert sem húfa og varalitur geta ekki bætt úr. En hvernig er það, vaknar einhver ómyglaður einhvertíma? Það væri svolítið eins og að vakna úr yfirliði, held ég, að rísa bara á fætur, með hárið vel greitt og nýburstaðar tennur og vera rosa hress, klukkan eitthvað snemmt.
Ó well, farin að sleikja sólina og sárin.
|
Fékk tölvupóst frá hljóðfræðikennaranum þar sem hann gaf mér upp heimalærdóm fyrir fyrsta tíman. Mikið var það skemmtilegt, verð að reyna að geyma þessa tilfinningu eitthvað fram á vor ef ég skildi verða eitthvað leið á þessu. Svo skoðaði ég eggjaleiðarana mína í sónar, fyrst þann vinstri svo hægri. Það var líka rosa gaman, sá meira að segja egg og mér líður eins og hænu fyrir vikið.
|
Ég fór ókristilega snemma að sofa í gær, ég hef nefnilega fyrir því heimildir að kristur hafi aldrei farið að sofa klukkan átta, en það gerði ég hins vegar. Svo fékk ÞS einhverja sviðsskrekksmartröð; vaknaði upp við það að hún ætlaði að syngja, en allir voru að hlæja að henni. Þetta fékk svo á móðurina að hún vakti til klukkan eitt í nótt. En samt var ég hin hressasta þegar klukkan hringdi kl. 06:03 og það var bara af gömlum vana sem ég snúsaði smá.
Dagurinn í dag verður helgaður heimilsiverkum af ýmsum toga með örlitlu skóla ívafi....bara örlitlu!
|
Við hefðum ekki getað fengið betri móttökur. Sólin brosti prúðbúin við landganginn með fangið fullt af góðum fyrirheitum. Gott að vera kominn heim og gaman að vera búin að vera í svona skemmtilegu ferðalagi.
