Obb bobb obb !!!!
|
Haldiði ekki bara að sumarið hafi komið fyrir rest.
Ég var ekkert að fylgjast með og svo bara;
PLÍNG!!! Komið sumar og ég að verða brún. Óhemju sæt er ég svona með frekknur og brúnnar axlir.
|
Tónleikar með SKE í
Stengade 30 í kvöld. Hlakka til og ligga lá.
|
Þá er ég búin að vera í Póllandi.
Ég held að ég fari ekkert meira til útlanda næstu þrjár vikurnar eða svo.
Gdansk er ekki bara skipasmíðaborg. Hún er bara eins og venjulegar borgir, þar sem býr fólk. Það lítur bara út eins og við, meira að segja sá ég fullt af litlum skeitarastrákum sem voru allveg eins og strákarnir hérna. Þeir töluðu bara pólsku, það var eina sem var öðruvísi.
Ég hélt samt að
allir þarna væru voða óhamingjusamir og gráir og leiðir yfir að vera bara alltaf að vinna í skipasmíðastöð!
Ein voða vitlaus eitthvað.
|
Ahhhhh, komin heim. Nú fer ég ekkert til útlanda fyrr en á morgun!!!!
|
Hér var að enda við að skapast hefð; Ein flaska af rauðvíni kvöldið áður en farið er í flug til Íslands. Ég er sem sagt á leiðinni til Ísl. á morgun. Er að fara til að vera við jarðaför afa míns, sem var ekki ruggludallur.
Þannig að þið getið gengið út frá því að ég blogga lítið um helgina.
ég bið ykkur vel að lifa að sinni og sé ykkur í fyrramálið!!
|
Við hjónin erum gé e eð vaff ei ká
geðveik!
Fórum út í búð til að kaupa í matinn, sem við og gerðum. En við keyptum líka tvo farsíma og gettóblaster.
Af hverju? Af því að við erum vitleysingar.
|
Af hverju má maður ekki byrja minningargrein um afa sinn svona: " Afi þinn var rugludallur" sagði Mikki refur við Hérastubb bakara en það er ekki hægt að segja það um hann afa minn.?
Akkkkkurrrrrigggggi ?????
|
Arnaldur skilur ekki neitt í neinu. Engin stóra systir og hann fær 100% athyggli foreldra sinna. Var meira að segja trítaður út að borða þar sem hann nagaði brauðskorpu og fékk að horfa á
viftu í tæpan klukkutíma.
Kólóní er málið!
|
Æi fokk, ég var búin að hella úr skálum reiði minnar út af fólki sem getur ekki sagt sína skoðun á málunum. Segja frá andahjónunum sem eru hér fyrir utan gluggan að spyrja eftri Sigga af því að hann gaf þeim brauð í gær. Segja undan og ofan frá því hvernig "kólóní" virkar, af því að stelpuskottið mitt er í svoleiðis nokkru fram á föstudag. Svo ýtti ég í einhverju bríaríi á kontról og zetu eins og óð væri og auðvítað fóru öll skrifin til fjandans. Og auðvítað nenni ég ekki að skrifa það allt upp á nýtt!
|
Allir era gera ða, allir era gera ða, allir era gera ða goooooott!
|
Þá ætti ég að vera búin að halda upp á brúðkaup forsetans nóg. Hér er búin að vera þriggja daga veisla með fánum og blöðrum og ég veit ekki hverju og hverju. Ég er voða glöð yfir þessum ráðahag, alveg fyriri utan hvað ég er veik fyrir sannri ást!
Ég veit svo sem ekkert hverju ég ætti að ljúga í ykkur, enda ætti maður alls ekki að venja sig á að ljúga mikið. Þess vegna hætti ég bara.
Bæ
|
Kæri Óafur Ragnar Grímsson og Dáríður Grímsson,
Hjartanlegar hamingju óskir í tilefni brúðkaupsdagsins. Megi þið eiga góða daga saman og vonandi stuðning frá íslensku þjóðinni!
Kveðja
Íslendingur
|
Kaupmannahöfn er falleg kl: 4:30 á fimmtudagsmorgni, jafnvel þegar maður er ófullur. Þá vaknaði ég nefnilega til að fara að taka upp Ágúst nokkurn sem vaskar upp á þessum tíma. Undarlegt hverju fólk tekur upp á. Ekki veit ég þó hvort okkar er undarlegri ég eða Ágúst. En sá allra undarlegasti er án efa eiginmaður minn. Hann vaknaði nefnilega líka. Til að sjá hvernig augun í mér líta út kl. 4:30. Þegar hann er vakandi á þessum eru þau nefnilega alltaf lokuð, einstöku sinnum kannski rauðleit og fljótandi!
Núna er ég að komast á ról eftir tvo lítra af kaffi og hálfan poka af bruðum. Áhugavert með eindæmum.
|
Hey, ég panta ekki sól bara grátt og logn, ókey?
Annars ætlaði ég að segja ykkur að ég þoli ekki svona eitthvað fraudíst-undirmeðvitundar-drauma-rusl. Af hverju í andskotanum dreymir mig að frú Elgaard virði fyrir sér beran rassinn á mér, lengi vel og segi svo að hann sé
svo fallegur?
Andksotans helvítis vitleysa bara.
|
Í þrumum og eldingum lagði ég af stað í morgun á hjóli með kvikmyndatökuvél, ljós og drasl sem maður notar við svona athafnir. Mér lá við druknun í mestu hviðunum en komst á áfangastað. Reyndi svo að leita mér að skjóli á meðan ég beið eftir kollegum mínum sem tóku strætó á tökustað. Það tókst ekki svo ég hékk hundblaut undir tré í korter, skálfandi úr kulda í hitanum. Tók svo fyrsta viðtalið rassblaut og rennblaut og hundfúl í ofanálag.
þetta gekk samt ágætlega en á morgun panta ég sól !
|
Mér finnst svolítið gott á Ingibjörgu Sólrúnu að komast ekki á þing. Hún er svo sjálvumglöð um þessar mundir að ég er komin með algert ógeð á henni.
Ætli hún hafi farið að skæla, ég hefði gert það. Ég held samt að hún sé ekki alveg mennsk. Hún hefur örugglega ekki skælt.
|
Ætli það standi eitthvað um lyftulaus fimm hæða hús í mannréttindasáttmála sameinuðuþjóðana? Ég var að hjálpa honum Einari Óla vini minum að flytja í gær. Hann getur bara verið fegin að hann var að flytja úr þessarri íbúð, annars yrði hann að dúsa þar alla sína daga. Ég myndi alla vega ekki hjálpa honum að flytja þaðan aftur. Þetta er hreint helvíti svona daginn eftir. Harðsperrurnar eru að drepa mig.
En hvað voru þeir MIkael Torfason og Dr. Gunni að bauka á Holmbladsgade kl. 10:30 í morgun. Ætli þeir séu byrjaðir saman???
|
Þetta er allra versta kosningarvaka sem ég hef verið á. Hér eru allir sofandi nema ég og klukkan ekki nema rétt rúmlega hálf tólf !
Ég er barasta við tölvuna heima hjá mér, nennti ómögulega í Jónshús. Það er nefnilega nótt úti og ekki vil ég vera úti í henni, ekki undir neinum kringumstæðum.
Ætli ég reyni ekki að hanga uppi þar til fyrstu tölur eru komnar. Magnað hvað við hér í danmörku erum fljót að klára daginn. Það er enn kvöld á Íslandi en nóttin komin hingað !
|
Ég er sólbrend á hægri vanga og á nefinu hægramegin. En það er allt í lagi því ég var að heyra heimsins besta brandara. Hann er svona: það var einu sinni kona með stutt hár. Svo dó hún!
|
Hver hefði trúað þessu. Eiginmaðurinn minn sem enginn vill kaupa er kominn inn í Statens teaterskole í leikmyndahönnun. Ha, ha ha þið vilduð hann ekki svo þið getið sjálfum ykkur um kennt!
Hí á ykkur, ég á hann.
En kannski kemur það ekkert á óvart, hann er ansi klár. Hins vegar kemur meira á óvart hvað allir eru æstir í þessa uppvöskunarmynd. Leiðbeinendurnir okkar eru svo æstir yfir þessu að helst vilja þeir vera með í verkinu. Við höfum verið að fá fyrirspurnir frá allskonar fólki sem vill vera með. Svo við erum bara í voða góðum gír. Nema kannski helst ég , mér finnst vera svolítið stressandi að öllum skuli finnast þetta svona bríllíant hugmynd. Hvað ef allt klikkar?
|
Það eru allir voða spenntir að vera með í uppvöskunarmyndinni, sem átti fyrst að verða sería en verður það nú ekki. Bara mynd. Allir viðmælendur hafa sagt já við að vera með og þeir hafa líka allir þurft að segja mér eitthvað frá hvernig þeir vaska upp, þegar ég hef falast eftir þeim. Tökur hefjast á fimmtudag, gaman gaman.
En nú ætla ég að hafa sjónvarpskvöld og kannski þrífa ísskápinn svona með öðru auganu!
|
Ég held að við mæðgur höfum náð okkur í fótsvepp í sundi um daginn. MMMmm,
ná ví hef mössrúms bítvín ár tós!
Það er af okkur ískyggileg táfýla. Núna þurfum við að klína á okkur einhverju ógeði til að losna við þennan fjanda.
Sundlaugin hins vegar, var ótrúlega lík sundhöllinni í Reykjavík. Gaman væri að vita hvort kom á undan í þetta skiptið hænan eða eggið.
Bæ
|
Lítið notaður eiginmaður til sölu!
Velmeðfarinn, lítiðnotaður eiginmaður til sölu. Aðeins tveir eigendur, til sölu nú vegna ofnæmis. Barngóður og handlaginn og fæst á sanngjörnu verði. Sérstaklega góður í hjólaviðgerðum og dútli ýmiskonar en á það til að vera algerlega óþolandi.
Er kassavanur!
|
Það er svo mikið sumar eitthvað að ég nenni alls ekki svo mikið sem kveikja á tölvuni þessa dagana. Núna er ég í skólanum að bíða eftir honum Jonna og svo bara út í sólina. Næsta mál á dagskrá er heimildaþáttaröð um uppvask. Spennó, spennó!
|
Það benti mér einhver á það í gær að ég er
gift, tveggja barnamóðir á fertugsaldri. Mér finnst þessi lýsing hljóti að eiga við einvherja aðra en mig!
|
Konur hafa lægri laun en karlar af því að þær eru óstabílli vinnukraftur. Af því að þær hugsa frekar um börnin þegar þau eru veik og svoleiðis.
Konur eru frekar heima hjá börnunum þegar þau eru veik og svoleiðis af því að þær eru með lægri laun. Innkoma heimilisins minkar minna ef þær missa úr vinnu.
Ergo?
Hvernig er hægt að breyta þessu,
núna?
Ég stend allavega á gati.
|
Einn hópurinn í skólanum mínum gerði mynd sem átti að gerast á sjöunda áratugnum. Til að ná sem bestum áhrifum frá þessu tímabili þá ákváðu þau að hafa myndina
svarthvíta. Húrra fyriri þeim.
Sjitt, ég held ég verði bara að reyna að drekka þennan súrleika úr mér. Á einhver bjór?
|
Þá ætti að vera kominn linkur til Heljar og það er rosa hellirigning.
Í dag var min fyrsta kvikmynd frumsýnd; "Skår i fasaden" En film af Heiðrún Ólafsdóttir . Ekki er hún nú mjög góð, en mynd varð það engu að síður. Til hamingju með það.
Pössunarpían okkar er í fríi og djöfullinn sem við erum búin að taka vini okkar í rassgatið, pössunarlega séð. Ég er búin að vera að klára frumraunina og Siggi á fullu í inntökuprófi. En við hljótum að ná að borga þeim þetta til baka fyrr eða síðar. Í siðasta lagi í himnaríki, það er á hreinu.
Annars bara ekkert, ég er bara full af einhverju súru drasli úr þessari mynd, eins og til dæmis að húm Camilla frá Jódlandi getur ekki sagt "pillerne". Hún segir bara "Pillaeen" og getur ekkert að því gert greyið. Súrt.
