Það er svo mikið að gerast í félagslífinu að ég er komin með bæði fælni og kvíða. Finnst ég þurfa að afplána allt sósallífið. En samt er gaman, jájá, mjög gaman. En samt finnst mér það eitthvað strembið...
Verð að reyna að njóta bara!  ¶ 9:02 f.h. 3 comments

  Við áttum stórskemmtilega kvöldstund með Siggu Lísu og börnum í gær. Fengum dýrindis mat, fullt af snakki, leiksýningar og fleira gott.
Við erum annars öll voða þreytt og núna er ég viss um að það er ekki bara mig sem langar í sumarfrí!  ¶ 6:46 f.h. 1 comments

  Hvort er betra eimskip eða samskip? Og hvað er ódýrast?  ¶ 9:52 f.h. 6 comments

  Hér koma nokkrar og nokkrar til, neðar...




  ¶ 8:46 f.h. 2 comments

  Jæja, hér koma þær þá...



  ¶ 8:33 f.h. 1 comments

  voðalega er eitthvað grátt hjá okkur hér í danaveldi í dag. Hvar eru eiginlega sumarið og sólin?  ¶ 10:09 f.h. 2 comments

  Það er svo mikið búið að ganga á á heimilinu síðustu daga að ég veit ekki einu sinni hvar ég á að byrja. Afmæli og afmæli og afmæli og sant hans og fyllirí og bon bon land og ég veit ekki hvað og hvað.
Alltaf þegar er búið að vera mikið um að vera fæ ég óstjórnandi þörf til að þrífa hjá mér. Það er einmitt á dagskrá í dag, en ég kem mér ekki að verki. Veit ekki hvort það sé af því að það sé skítugt heima hjá mér, eða hvort þetta sé eitthvað sálrænt. Að mér finnist ég þurfa að taka til inni í mér. Skiptir svo sem ekki öllu máli, geri eflaust hvoru tveggja.
Stefni að því að setja inn myndir frá öllu húllumhæinu eftir þrifin, en það er aldrei að vita hvað þarf að bíða lengi eftir þeim.
Annars vil ég bara þakka kærlega fyrir soninn og klykkja út með gullkorni frá því í annarri ferð í röð í hringekju í gær; "ég verð örugglega bara kringlóttur, mamma, ég er búinn að fara í svo marga hringi"!  ¶ 9:18 f.h. 7 comments

  í dag koma ferðalangarnir mínir heim, Þorbjörg og mamma. ÞS er komin og skemmti sér svo vel að mér skilst að hún vilji einna helst búa í kofanum sem þau voru í með bekknum sínum og kennurum. Svo trúði hún mér fyrir því að hún og fjórir aðrir hefðu stolist í limbó um nóttina þegar kennararnir voru sofnaðir. Ég er af einhverjum ástæðum pínu stolt af því.
Arnaldur fór í leikskólann klyfjaður ís og kókómjólk því hann hyggst halda upp á afmælið sitt þar í dag. Þetta er svo alvarlegt mál að honum stökki bros á meðan hann kom öllu haganlega fyrir ísskápnum.

Mig langar í sumarfrí...  ¶ 10:59 f.h. 6 comments

 
Draumur á jónsmessunótt.  ¶ 7:27 f.h. 2 comments

  Dagarnir fljúga frá mér og allt í einu eru bara fjörutíu dagar þangað til ég flyt. Alveg finnst mér þetta magnað og ég verð nú að viðurkenna að ég er orðin smá smeyk...  ¶ 9:05 f.h. 12 comments

  Suma daga finnst mér ég vera svo lítil og vanmáttug og bíð bara eftir því að einhver komi og bjargi mér. Aðra daga, get ég tekist á við allt í heiminum. Er róleg og yfirveguð, stór og sterk og enginn þarf að bjarga mér.

Lúsablésinn er að fara í hyttetur á morgun, svo dagurinn fer í lúsaþvott og kembingar. Það er ekki frýnilegt að senda hana af stað með lús í farteksinu, þá koma nefnilega allir hinir heim með svoleiðis líka.

Sérvitringurinn ætlar að halda afmæli í leikskólanum á föstudaginn, heima á sunnudaginn og svo förum við í bon bon land á sjálfan afmælisdaginn. Er að pæla í að spreyja handa honum gamalt ÞS hjól í afmælisgjöf, þó að hann vilji það alls ekki. Kannski tekur hann við því ef ég kaupi líka handa honum kappakstursbílastöffið sem hann er búinn að óska sér svo lengi.

Ég er hins vegar í alls konar pappírsstandi; senda og ljósrita og sækja um og segja upp, ekki alveg það skemmtilegasta, en nauðsynlegt.  ¶ 9:54 f.h. 4 comments

  Ég átti alveg frábæra helgi með henni Jódu minni. Bæjarferðir, böll, sushi, rigning og sól. Hélt upp á þjóðhátíðardaginn með krökkunum í hellidembu á laugardaginn. Það rigndi svo mikið að við komum heim með rúsínuputta!
Svo fór ég í restina af gæsapartíiunu hennar Fjólu og það var nú ekkert leiðinlegt, skal ég segja ykkur.
Reyndar endaði helgin ekki vel, fór að sofa með grátstaf í kverkunum og sting í hjartanu...  ¶ 10:14 f.h. 5 comments

  þá er ég búin að segja upp íbúðinni. Heima hjá mér sova nú fjórir, tveir eru vakandi og þrír farnir í skólann. Svo rignir...  ¶ 7:23 f.h. 3 comments

  Ég er alveg að verða búin að mana mig upp í að taka þátt í þríþraut 1. júlí. Reyndar er það bara einn tíundi af venjulegu gerðinni, en nóg er nú samt. Mig vantar bara gott hjól, held að það sé ekki gott að vera á ömmuhjóli með körfu í svona keppni...  ¶ 3:38 e.h. 0 comments

  Mikið ofboðslega er ég lánsöm og rík.  ¶ 3:44 e.h. 4 comments

  Asni, arabi, kúkur, skítur.
Hóra, mella, tussa, píka.
Arg og garg og djös...
Ég féll í prófinu, en ætla samt að grilla með krökkunum mínum í kvöld og vera í sumarfríi og ætla heldur ekki aftur í próf í Kaupmannahafnarháskóla. Ég er alveg búin að fá nóg!  ¶ 9:31 f.h. 11 comments

  Klukkan er tíu mínútur yfir níu og ég sit hér með antýstress te, á brjóstahaldaranum og pilsi, svo gott sem einu fata. Úti er heitt; 23 gráður og vindurinn mælist fjórir metrar á sekúndu. Ég er að fara í síðasta prófið í Kaupmannahafnarháskóla og ég held að mér verði ekkert kalt...  ¶ 7:07 f.h. 3 comments

  Yndislegu börnin mín færðu mér morgunverð í rúmið. Ávaxtasafa, banana, apríkósur og smartískex. Nú fer ég að læra og svo á ströndina á eftir og í prófið á morgun.  ¶ 8:00 f.h. 3 comments

  Var rétt í þessu að kaupa flugmiða til Íslands 1. ágúst. Við lendum ca. kl. 14. Svo nú er það bara spurning hvað við eigum að gera um verslunarmannahelgina?
Húsafell? Skorradalur? Þjórsárdalur? Vestmanneyjar? Akureyri?
Við erum svo sem opin fyrir öllu...  ¶ 7:06 e.h. 13 comments

  Fjórir dagar í munnlegt... heheh
Það er svo mikið sumarfrí í mér og sólin skín svo skært að það er ekki séns að ég nenni að læra núna. Stefni samt á að drullast í gegnum þrjá tíma í dag. Það verður bara að duga.  ¶ 9:37 f.h. 1 comments

  Fimm dagar í munnlegt próf.
Fimm dagar í sumarfrí.
Nítján dagar í afmæli AG.
Fimmtán dagar í hyttetur hjá ÞS.
Tíu dagar í Jódu.
Níu dagar í Siggu Lísu.
Fimmtíu og sex dagar í flutning.

Mig langar í digestive kex með karamellu og svo langar mig í ferðalag til útlanda. Bara þegar ég er búin með kexpakkann, samt.  ¶ 8:01 f.h. 5 comments

  Eyddi laugardeginum að mestu í að horfa á eitt tré og finnst þeim tíma afar vel varið. Á sunnudaginn las ég í bók, ekki var það mikið síðra, en aðeins þó.
Í dag fór ég svo á bókasafnið og glápti út um gluggann. varð ekki mjög mikið úr verki, en hafði þó opna bók fyrir framan mig, svo ég vona að eitthvað hafi náð úr henni og upp í heila.
Mér finnst þetta líf vera voðalega skrítið og ég er líklega á meðal þeirra skrítnustu sem lifið í því núna...  ¶ 3:20 e.h. 4 comments