Mig dreymdi Árna Magnússon aka Borgar bassaleikara í nótt. Fyrir hverju ætli það sé? Ha? Jóda og Stína? Merkilegt hvernig hann dúkkar alltaf upp annað slagið í huganum á mér...
Núna er ég alveg að fara á ball með dönsku vinkonunum...já vottar fyrir því að ég sé smá full. En er það ekki bara holt?  ¶ 10:19 e.h. 3 comments

  Stundum líður mér eins og líf mitt sé grjónagrautur og ég sé kanilsykurinn. Málið er bara að ég er ekki viss um hvort mér finnst það gott eða vont.  ¶ 11:02 f.h. 6 comments

  Verð að skaffa mér smærri útgáfu af Joan Collins sundbolnum mínum. Þessi bleiki ljóti gengur ekki þegar ég get átt von á að hitta sæta pabbanum úr leikfiminni hans AG í lauginni. Hann var þarna áðan með dætrum sínum og vini. Sem betur fer stóðu þeir enn fyrir utan þegar ég kom út og sem betur fer var ég í súper fleignum bol og ótrúlega sæt. Hjúkkits!  ¶ 4:39 e.h. 4 comments

  Jæja, eru ekki allir í stuði bara?
Skólaganga mín, nja reyndar ekki gangan sjálf, því hún gengur ágætlega, frekar er það menntunin sem fer fyrir ofan garð og neðan þessa dagana. Ég sit í tímum og rembist við að telja sjálfri mér trú um að þetta sé skemmtilegt og áhugavert. Og það tekur svo mikinn tíma að ég fylgist lítið sem ekkert með því sem fram fer. Og samt virkar þessi heilaþvottur ekki almennilega, því mér finnst bara ekkert skemmtilegt í skólanum. En ég gefst ekki upp, held ótrauð áfram með að reyna að plata sjálfa mig. Sýndarveruleiki og tölvuspil rúla feitt!
Nú þarf ég alvarlega að fara að huga að íbúðakaupum á Íslandi. Eftir níu mánuði verð ég búin með skólann og þarf þá bara að halda eitt sumarfrí, pakka í gám og flytja. Níu mánuðir eru ekki lengi að líða nema þegar maður er með barn í maganum. Og ég er ekki með neitt svoleiðis.
Annars finnst mér ég eiga frekar erfitt með að lifa í núinu. Alltaf eitthvað framundan til að skipuleggja og dreifa huganum með. Á næstunni er sumarbústaðarferð til Vordingborg í haustfríinu og afmælið mitt. Bústaðurin er negldur, en ég veit ekki alveg hvað ég ætla að gera með afmælið. Jú, ég veit að ég ætla að halda veislu, en hvernig og hvar er óráðið og ég nenni ekki að pæla í því. Ég er búin að ráða Ingibjörgu sem coordinator, ætli það sé ekki samhæfill á íslensku. En það kemur í ljós hvernig verður. Jóda, Stína og Lára hér með skora ég á ykkur að koma! Þið getið allar sofið á flatsæng á gólfinu hjá mér.
En nú ætla ég að fara í þvottahúsið og þrífa svo því að í dag kemur Maja Sölkuvinkona í heimsókn og á morgun eru það Birgitte og Gitte sem koma til mín. Og þá þýðir ekkert að hafa allt í skít og drasli. Ó nei, ó nei...  ¶ 8:33 f.h. 7 comments

  Hvis den pointe jeg prøver at nå fram til med denne lille artikel, har passered forbi jer er der ingen håb at hente...  ¶ 7:24 f.h. 10 comments

  Núna rétt í þessu keypti ég tvo tyggjópakka og skildi eftir í ISO. hmm, sagðist ég ekki vera að fara að skrifa grein? Jújú, ég er búin að því!
En alla vega, ef einhver á leið um kassa 5 í ISO þá má sá hinn sami eiga tyggjópakkana, ég ætla að kaupa nýja í sjoppunni...  ¶ 1:15 e.h. 4 comments

  Í dag ætla ég að skrifa litla grein fyrir kommunikationsteori tímann minn á morgun. Ég rúlla því nú upp eins og reyndir reykingarmenn rúlla sér jónu!  ¶ 8:21 f.h. 0 comments

  Ég er búin að vera að læra síðustu daga. Get reyndar ekki sagt að ég kunni nokkuð meira fyrir vikið en ég er þó búin að lesa þó nokkuð. Eftir setu við bækur allan gærdaginn fór ég með AG í leikfimi og fríkaði út. Það er alveg spurning hver fór með hverjum í þetta skiptið, ég var alla vega ekki mikið með honum í frjálsa tímanum. Þann tíma brúkuðum við Herdís til að gera fimleikaæfingar með borða og þó ég segi sjálf frá vorum við nokkuð þokkafullar.
Arnaldur er annars fastur í steinasöfnunar fasa. Kemur heim úr leikskólanum með vasana fulla af grjóti fyrir mig og ég þarf að "mjúka" það allt um leið og það kemur upp úr vasanum. Í fyrradag voru stenarnir sextíu talsins. En hann færir mér ekki bara steina, blessaður, best er þegar hann tekur upp úr vasanum ryðgaðar skrúfur, gúmmíhringi, skinnur eða gamla ventla. Þá horfir hann djúpt í augun á mér, hallar undir flatt og segir undur bíðum róm: þetta er handa þér mamma. Og þið getið ekki ímyndað ykkur hvað ég verð glöð. Launa honum hvern hlut með kossi á vanga.
Annars held ég að ég sé farin að sjá í gegnum hann. Ég held að hann sé að reyna að múta mér til að kaupa fleiri bíla handa sér. Hann spyr mig á hverjum degi hvort ég sé búin að kaupa handa honum nýjan bíl og alltaf svara ég nei og svo þegar ég stend með ryðgaða skrúfu í höndunum og lítinn brosandi dreng fyrir framan nefið á mér þá hugsa ég með mér; af hverju kaupirðu ekki nýjan bíl handa þessum strák?
ÞS er líka upp á sitt besta. Nú er það skák sem á huga hennar allan, er búin að læra einhverjar opnanir og nokkrar Sikileyjarvarnir, eða hvað þetta nú heitir. Ég vona að hún geti kennt mér svolítið og svo verð ég að reyna að kaupa Sigurbjörn Björnsson til að æfa með henni þegar hann er á landinu. Hann er nefnilega eini "taflmaðurinn" sem ég þekki. Tungumálin tvö flækjast stundum fyrir henni dóttur minni, eins og ég held að sé reyndar með flest tvítyngd börn. Núna er hún á nokkrum dögum ekki bara búin að læra mannganginn, viðrukendar opnanir og varnir, heldur líka nöfnin á taflmönnunum, auðvitað. Mér finnst ekkert fyndið að hún skuli kalla hrókana turna, þeir heita það jú á dönsku. Öllu fyndnara er þegar hún kalla peðin baunir og biskupana skoppara! (Hér gæti ég komið með lagnar orðsyfjafræðilegar útskýringar á þessum mismælum, en það tæki fúttið úr þessu)
Ég sjálf er bara sæmilega góð. Vinstra hnéið hefur verið að angra mig eftir að ég fékk nýju skóna. Ég get nefnilega hlaupið svo langt og svo hratt í þeim að ég ofreyndi hnéið og hef ekkert getað hlaupið í marga daga. Svolítið spaugilegt. Annars er ég á leiðinni í afmæli til EÓM á laugardag en fyrst ætla ég á alvöru stefnumót í kvöld. Úúúúúú....  ¶ 7:13 f.h. 7 comments

  Það var gaman um helgina. Rosalega gaman meira að segja. Krakkarnir voru frábærir allir sem einn, samferðakonan ómetanleg, gestgjafarnir ljúfir og veitingar miklar og góðar. Heim komum við með sjö krukkur af eplachutneyi og tvö kíló af niðursneiddum eplum. Ef fólk (pabbi) vill smakka þá þarf það að koma í heimsókn, þetta er nefnilega ekki nema tveggja landa chutney svo það er ekki hægt að ferðast meira með það, nema innanlands. En það eru allir velkomnir í heimsókn eins og venjulega. Myndavélin mín var í einhverju óstuði en við sjáum til hvort ekki finnast einhverjar myndir frá þessarri helgi þegar fram líða stundir.
Ástarkveðjur
H  ¶ 8:44 e.h. 3 comments

  Ég er að fara í ferðalag á morgun ásamt nágrannakonu minni og börnum okkar. Ég hlakka svakalega til enda á ég ekki von á öðru en að þetta verði stórkostleg ferð. Við ætlum til Lundar að tína epli og gera svo úr þeim chutney. Svo ætlum við að elda mat fyrir læknana sem ætla að lofa okkur að sofa í litla gestahúsinu þeirra. Og það eru kisur og allt og við förum með hraðlest og yfir stóra brú!  ¶ 9:26 e.h. 3 comments

  Mér er það mikil ánægja að greina frá því að ég er komin í tvær "grúbbur". Loksins er ég að samlagast samfélaginu. Í Þessum grúbbum mun ég svo vinna næstu vikurnar sem mér á án efa eftir að finnast afskaplega skemmtilegt. Ég hreinlega elska hópavinnu og ekki er hún nú verri þegar maður vinnur með dönum, sem allir sem einn eru mjög miklar félagsverur og finnst það vera skylda sín sem manneskjur að segja sína meiningu á öllum hlutum. Og þá meina ég öllum hlutum..." jeg vil bare lige sige at jeg er helt enig med Heidrun og jeg glæder mig rigtigt meget til at arbejde sammen med alle jer...bla bla"  ¶ 9:46 f.h. 9 comments

  Stundum er þetta bara ekkert mál. Mig langar ekkert í og hugsa ekki einu sinni um það. Aðra daga er þessu þver öfugt farið, þá langar mig stöðugt í og hugsa ekki um neitt annað. Suma daga er í mér snefill af aga og ég harka af mér. En svo koma aðrir dagar þar sem sjálfsaginn er týndur og mér finnst ég eiga það skilið og læt það eftir mér. Ég er fíkill.  ¶ 6:29 f.h. 6 comments

  Ég get ekki sofið á nóttinni. Mig dreymir stórfenglega undarlega drauma, vakna á hálftíma fresti og fæ oppsessífar hugsanir og finn mig knúna til að athuga í tíma og ótíma hvort hurðin sé ekki örugglega læst. Ég kann þessu afar illa. Mér finnst gott að sofa á nóttinni og vont að vera þreytt á dagin.  ¶ 9:27 f.h. 0 comments

  Ég lærði það um helgina að maður má ekki neita þyrstum manni, konu eða barni um vatn. Það er víst bannað með lögum. Næst þegar einhver neitar mér um vatn ætla ég að framkvæma borgaralega handtöku, þó ég sé ekki neitt rosalega þyrst!  ¶ 5:15 e.h. 1 comments

  Ef ég væri Hemingway myndi ég vera með veisluna í farangrinum, en af því að ég er ég og er bara heima þá er ég með veisluna hér. Annan daginn í röð...  ¶ 5:04 e.h. 5 comments

  Fyrsti skóladagur. Keypti bækur fyrir 773 krónur. Kaffið hefur lækkað niðurí 3,25 bollinn. Það þýðir að ef ég drekk u.þ.b. 1031 kaffibolla er hef ég fyrir skólabókunum með mismuninum.
Ég drekk reyndar ekki mjög mikið kaffi í skólanum enda er ég þar ekki oft, en gróflega reiknast mér svo til að það taki mig 206 vikur að drekka alla þessa kaffibolla. Ég held ég nenni ekki að vera í KU næstu 3,9 árin svo ég held að ég noti bara yfirdráttinn fyrir bókunum!
Hins vegar er ljóst að ég fer að drekka meira kaffi í skólanum, þetta er kærkomin búbót. Kannski býð ég í næsta kaffiboð í mötuneytinu við Njalsgade...  ¶ 9:32 f.h. 11 comments

  Mikið eru fæturnir þungir þriðja hlaupadaginn eftir sumarleti!  ¶ 10:53 f.h. 2 comments

  Það eru ekki margar nætur sem ég hef sofði óáreitt síðustu sjö og hálft árið. Get ómögulega giskað á hversu margar þær eru, en án efa eru hinar, þar sem ég er vakin, langtum fleyri. Ég er svo sem löngu orðin vön þessu og er farin að sjá fyrir endan á sjúklegri svefnþörf sem vaknaði hjá mér í kjölfarið á því að ég átti ÞS. Þá fannst mér ég aldrei geta sofið nóg og notaði hverja stund sem gafst til að fá mér kríu, reyndar varði þetta ástand næstum sleitulaust þar til AG fæddist og grípur mig stundum enn.
En nú er þetta sum sé að breytast. AG er loksins farin að sofa í sínu rúmi nótt og nótt og auðvitað endar á því einn daginn að hann kemur ekki upp í til mín. En þó svo að ég þrái ótruflaðan nætursvefn óskaplega heitt og njóti þess að sofa heila nótt, þá er ég ekki tilbúin fyrir það líkamlega. Þegar ég vakna, eins og í morgun, og ekkert barn hefur vakið mig heila nótt, þá er fyrsta hugsunin að það sé eitthvað að þeim. Ég hleyp í hendings kasti og tjekka á því hvort þau anda ekki örugglega. Þau gera það. En þá verð ég að stökkva inn á klósett, því að blaðran er alls ekki tilbúin fyrir óslitin nætursvefn þó að ég sé það...  ¶ 6:11 f.h. 2 comments

  Tomorrow, tomorrow, I love you tomorrow. Its only a day a way!  ¶ 1:06 e.h. 2 comments

  Ég er með fiðrildaflokk í maganum.  ¶ 6:14 f.h. 3 comments

  Mig dreymdi kóngafólk í nótt, bæði Mary og Joakim. Og við vorum á flótta í einhverri æsispennandi framvindu. Ég veit svo sem hvaðan spennuelimentið kemur, er að lesa mikla spennusögu í augnablikinu, en mér er alveg fyrirmunað að sjá hvers vegna í ósköpunum mig dreymir allt í einu kóngafólk. Þau eru ekki búin að vera í fréttum, ég er ekki búin að vera að spá í hvers vegna þau séu ekki í fréttum, ég hef bara yfir höfuð ekki neitt leitt hugan að þessu hyski lengi. Kannski það sé málið. Alir þegnar konungs verða að leiða að honum, eða hans fólki, hugan að minnsta kosti einu sinni í mánuði...  ¶ 7:12 f.h. 3 comments

  Þá er haustið komið. Það stimplaði sig inn klukkan 5:47 með ofsalegri rigningu og háfaða roki. Ég læddist fram í stofu í myrkrinu og settist við gluggan. Syrgði sumarið sem ég sá fjúka í burt eða skolast niður í pollana með rigningunni. Kannski það sé hægt að ná í síðustu dreggjarnar af því með því að vaða pollana í dag. En mér finnst að því sé bara lokið og nú meigi næsta árstíð koma. Haustið. Með löngum gönguferðum og heitu kakói. Gulnuðum laufblöðum og köldu nefi. Lopapeysum og skólabókum. Ævintýraferðum á versterbro. Haustið verður gott.  ¶ 8:49 f.h. 0 comments

  Við mæðgurnar erum í bláum kjólum og eigum báðar gullskó. Á eftir ætla ég í mína. Ég veit ekki hvað hún ætlar að gera. Hún er búin að glápa á sjónvarpið síðan klukkan sjö, svo ég næ engu sambandi við hana.
Nýju hlaupaskórnir eru yndislegir, ég á eftir að hlaupa hratt og langt í þeim. Arnaldur er samt ekki alveg á því að ég eigi að vera að hlaupa yfir höfuð. Ég geri það þá bara í laumi fyrir honum. Sólin skín á köflum enda er sommerferst í dag.  ¶ 8:07 f.h. 2 comments

  Með sár á hnénu.   ¶ 9:09 e.h. 6 comments

  Fyrir utan Stínuhús   ¶ 9:04 e.h. 2 comments

  Árangurinn!   ¶ 6:33 e.h. 2 comments

  Börnin gera að graskerinu...   ¶ 6:15 e.h. 0 comments

  og pabbinn hjálpar til.   ¶ 6:14 e.h. 0 comments

  Ský   ¶ 6:00 e.h. 0 comments

  Ég er nú meiri haugurinn, svona þegar ég tek mig til.
Nýja lífið hefst á mánudaginn, ég er víst búin að lofa sjálfri mér því. Þangað til ætla ég að lifa og njóta, éta og hrjóta, syngja og fljóta um í alsnægtum.
vale  ¶ 9:07 f.h. 0 comments