Obb bobb obb !!!!
|
Ég verð alltaf meira og meria einhverf í þessum próflestri. Hef það á til finningunni að ég eigi eftir að hverfa einn daginn. Fara niðrí kjallara og aldrei koma upp aftur. Djös....ég vona ekki.
|
Hahahahaha.
Málfræðiverkefni 0
Heiðrún 2
|
Mig langar að blása, blása, blása. Blása mig hása, hása, hása. Eða frekar dæsa rækilega. Í eitt skipti fyrir öll. Mér finnst svo leiðinlegt að vera svona á dæsinu uppfull af eirðarleysi. Bara þrjár vikur eftir. Ég hlýt að lifa það af því það er svo gaman að lifa öllu jöfnu.
|
Börnin, sem sváfu uppí í nótt, duttu framúr með fimm mínótna milli bili um klukkan þrjú í nótt. Ég er enn í vafa um það hvort ég hafi ýtt þeim. Ég svaf illa og lengi og er löt. Ó svo löt og sit hér með málfræðiverkefni sem ég þafr að laga og ég bara glápi upp í loft. Ætli það fari ekki að koma að því að ég þrýfi köngulóarvefina úr hornunum!
Æi, ætli ég drullist ekki til að læra fram að hádegi og fari svo út að leika við börn og fullorðna í garðinum. Verð líka að muna að taka lax út úr frystinum......
|
Það er alvöru strandvörður að vinna í sundlauginni minni, ber að ofan og svaka brúnn og sætur. Ég er viss um að hann hefur einhvertíma sótt um í Baywatch.
|
það gegnur nú lítið að slóra. En samt er það nú það eina sem ég geri almennilega þessa dagana. Nema þegar ég tek á mig rögg og skýst út í sjoppu til að kaupa súkkulaði. Þá er nú ekkert slór á mér og enn síður rétt á meðn ég treð því í andlitið á mér, ó nei, ó nei.
|
Ég er að hugsa um að fá mér svona eins og eitt prinsip. Eitthvað alveg fáráðnlegt til að hengja mig endalaust í. Veit samt ekki alveg hvað það ættti að vera. Kannski bara að fara aldrei fram úr rúminu nema þegar er sól!
|
Þegar hún kom aftur heim, stóðu tvær konur á tröppunum. Önnur var rauð en hin svört. Þessi rauða dökk en sú svarta ljós.
"hæ" sagði hún.
"hæ" sögðu þær.
Hún smokraði sér framhjá og fór inn í sturtu.
|
|
Hverju ætti ég að ljúga núna??
Æi, mér dettur ekkert í hug......
|
Rétt eftir að vekjaraklukkan hringdi, byrjaði lúðrasveit að spila
" det er så deiligt at følges ad" fyrir utan gluggan minn. Líklega er það orðum aukið að kalla þetta lúðrasveit, mundi líklega frekar falla undir skilgreininguna "flokkur" þeir voru bara fjórir eða fimm. Einnig er það líklega aðeins ýkt að segja að þeir hafi verið fyrir utan gluggan minn, og þó. Ekki voru þeir fyrir innan hann, en þeir stóðu nær næsta húsi en mínu. En þetta var svo skemmtilegt að ég fór rakleiðis aftur upp í rúm þegar þeir höfðu lokið sér af og lagði mig. Au per stúlkan vakti mig svo klukkutíma seinna. Ég veit ekki hvernig ég hef getað lifað án hennar hingað til og hef ekki hugmynd um hvernig mér á að takast það eftir að hún fer, núna þegar ég er komin á bragðið.
|
"Dís minna drauma, með fagurgræna sauma" eiga þeir eftir að syngja mennirnir sem elska mig í laumi, ef ég fæ fínu, fínu kápuna sem ég sá í dag.
|
Ég er jafn lengi að fara með krakkana í skólan og húsvörðurinn í gulu blokkunum er að fara með sex ruslafötur að tæma. Þetta var fróðleiksmoli dagsins!
Annars er það helst að mér finnst gaman að læra að öllu jöfnu, en þegar ég má helst ekki gera neitt annað, finnst mér það ekkert gaman. Fæ móral í hvert skipti sem ég stend upp til að pissa og ég tala nú ekki um ef ég fer á milli húsa til að fá mér kaffibolla. Í gær lærði ég voða lítið og það varð til þess að líkaminn fékk móral og fór að búa til alls kyns kvilla einkenni. Mér varð flögurt og óglatt og fékk hálsbólgu og hita, túrverki og fyrirtíðarspennu. En allt var þetta tilbúningur og ímyndun hin mesta. Best að drullast til að taka sig á svo ég leggist ekki í rúmið út af móral.
|
Ég er í sambandi, á 370 gígabæt, farin oní kjallara að læra.......og hættu svo að éta póstana mína, þaddna bloggerinn þinn, þaddna.
|
|
Nei, ég er ekki full. Tølvan er ónýt og ég er ad læra. Djøs..ad geta bara ekki verid full alltaf!
|
Absalon.......
baaaara gaman!
|
Sólin skín
og mamma mín
kemur í dag.
|
"Svona á lífið að vera mamma!" sagði hún með bros á vör maulandi bollu með súkkulaði og ég gat ekki verið meira sammála henni.
|
"Það er svo gaman að vinna og vinna. Vinn'eins og brjálaður, aldrei neitt frí....."
Singstar í gær, naturcenter í dag.
ble......
|
Í gærkvöldi fór ég með frændan í bíó til að athuga hvort það myndi þagga niður í honum í smá stund. það gerði það svo sannarlega, í smá stund. Svo fór hann aftur að spjalla, búa til hljóð og kveikja á hjólaljósunum og svona, það var voða skemmtilegt þó að myndin væri ekkert spes. Við gerðum um það samkomulag að þegar ég væri orðin gömul kerling færi hann með mig í bíó og gæfi mér stærsta ísinn og risapopp. Það finnst mér vera hið fínasta samkomulag.
Í dag ætlum við svo að kíkja á hafmeyuna og tjilla barasta, held ég svei mér þá. En fyrst þurfum við aðeins að hvíla okkur smá.......
|
Ég er hýr og ég er rjóð......
Var alveg búin að gleyma því hvað það getur verið skemmtilegt að spila kleppara og skítakall. Kannski það verði "hæ gosi" næst? Hvur veit? En nú er í það minnsta komið kaffi!
|
Í dag ætla ég að taka til í skápunum mínum. Bæði andlegum og veraldlegum skápum. Það verður svo gott að vera búin að því að ég hlýt að skella mér í lærdóm eftir það.
|
Andsk....hversu mikið þarf ég eiginlega að drekka til að ná úr mér þessari helvítis óværu?????
|
Síðasti sögutíminn...... gæti verið titill á lélegri sakamálasögu, en er raunveruleikinn minn í dag.
Á morgun fáum við Steinarr frænda og allir eru voða kátir yfir þeim óvænta glaðningi. Ég held að ég geri bara eins og hún mamma mín sagði mér og byrji ekki að lesa neitt að ráði fyrr en sautjánda mai. Það hlýtur að vita á gott ef maður byrjar að lesa á þjóðhátíðardegi Eika Hauks.
|
Mikið er gott að sofa aðeins meira en maður þarf. Ekki of mikið samt, bara aðeins. Eftir viku verð ég nýbúin að baka pönnukökur fyrir au per stúlkuna sem verður þá ný komin. En pönnukökur fær hún bara fyrsta daginn, síðan verður hún að gera sér hafragraut og súrmjólk að góðu. Gaman að fá au per til að dröslast með.
|
Ég er tóm. Vonlaus en samt vongóð. Sár og leið, en samt ánægð og hamingjusöm. Ringluð en samt svo skýr í kollinum. Það er ekki öllum gefið að vera ég.
|
Til hamingju með daginn, mömmur.
|
Fúff, hvað er búið að vera mikið að gera hjá mér í morgun. Ég sé ekki fram á að geta keypt skóna fyrr en í fyrsta lagi eftir klukkan tvö. Ansans ári.....en best að halda á.
|
Ég er lasin. Ekkert svaka mikið samt, en nóg samt og ég nenni því ekki. Er að verða búin með hvítlauksbirgðir heimilisins og ef þýstingurinn á kalda vatninu hefur minnkað í nágrannabyggðarlögum er það vegna gífulegarar vatnsneyslu minnar. Æ, best að leggjast aðeins....
|
Þar sem ég var í mikilvægum erindagjörðum að ráfa um í amagercenter urðu á vegi mínum skór. Fínir skór. Fínir, fínir skór úr skýíra gulli. Má ég eiga þá?
|
Skrítið að vera að fara í síðasta bókmenntatíma fyrir próf, sem er ekki fyrr en í lok júní. Mér finnst við nú alveg hafa getað nota aðeins fleyri tíma. Sérstaklega í ljósi þess að minn bekkur er búinn að lesa fjórum skáldsögum meira en hinir bekkirnir. Ekki það að þetta hafi verið leiðinlegar sögur, síður en svo, en ég skil bara ekki þetta kerfi, ekkert frekar en svo margt í þessu landi. Eða bara löndum yfirleitt, kannski skil ég bara frekar fátt þegar til kastana kemur. En það er líklega málið að komast í gegnum þetta í stað þess að skilja hvernig í öllu líður. En í dag, eins og marga aðra daga, er uppáhalds veðrið mitt; rigning. Ég á reyndar frekar mikið af uppáhalds-alls konar, en þrátt fyrir það er það allt alvöru uppáhalds. Ég er greinilega mjög heppin að finnast svona margt vera nógu gott til að vera uppáhalds.
Þá er best að fara í uppáhalds regngallann sinn og hjóla á uppáhalds hjólinu sínu í uppáhalds veðrinu sínu í uppáhalds skólann sinn til að fara í síðasta tíman í uppáhalds faginu sínu. Jújú!
|
Gaman, gaman, klukkan er hálf níu og það er fjórtán stiga hiti. Gott ef það verður ekki bara grafið eftir bikiníum í dag og flatmagað í garðinum með bók eftir skóla. það stefnir allt í það, svei mér þá!
Hér heltist niður bæði kaffi og safi í morgun. Mental note: bara fast fæði í morgunmat hér eftir.....
|
Ég elska svona daga þegar allt er eins og það á að vera. Maður vaknar aðeins of seint, gleymir að hringja símtalið mikilvæga sem maður átti að hringja. Fer svo í skólan þar sem samnemendurnir hlæja bæði að manni og með manni. Kemur svo heim og leikur úti í garði áður en maður eldar fiskibollur og kartöflumús sem maður endar svo á að henda meirihlutanum af í ruslið eftir að krakkarnir hafa sogið það besta úr því og skoðað það með munninum og spítt svo út úr sér. Á svona dögum er oft rigning og það skiptir eiginlega engu máli þó það spryngi á nýja hjólinu, maður gerir bara við dekkið um kvöldið. Það er svona dagur í dag og mér líður vel.
|
Ég er búin að setja niður kartöflur, eða sko nei, það var ekkert ég, heldur börnin mín. Ég sá um gæðaeftirlit. Svo er ég líka búin að læra og líma myndir á karton. Núna vona ég að ég uppskeri eins og ég hef sáð!
|
Við ÞS erum á leiðinni að fara að reyna að fá okkur skólagarð til að rækta grænmeti í í sumar. Oh hvað það verður gaman. Koma heim á sunnudögum með splunkunýjan mais og tómata og allskonar stöff.
Ég lærði í gær, ekkert mikið, en meira en ég hef gert undanfarnar þrjár vikur eða svo. Áfram Heiðrún!
