Obb bobb obb !!!!
|
já og auðvitað: vekja, fæða, klæða, skeina, þurrka, mata,lyfta, kyssa, veifa, springa, hlaupa, skipta, hjóla, kaupa, elda, Þvo, labba, tala, hugsa, hika, og
bæng!!!!!
|
Skóli, vinna, strönd, sól, grilla, hjóla, hlaupa, borða, liggja, brenna, drekka. Phúúúfffff , erfiður dagur.
|
Ég er bara farin að sofa mér. Gólfið verður bara að skúra sig sjálft!
|
Hér er kominn
Óli, hann er nágranni minn. Ágætis náungi svo sem, sást samt til hans í fótbolta í gær sem er ekkert annað en ógeðslegt og ég hélt að hann væri hafinn yfir þannig vitleysu. Líklega er best að ég fari að venja komur mínar meira á heimili hans og hafi með mér bjór, brennivín og sígarettur, svo hann verði bara ræfill. Ég skal leggja mitt af mörkum!!!
Niður með íþróttir
|
Það var alveg gaman í hádeginu. Sat úti á grasi í brennandi sól, át afganga og drakk volt vatn í góðum félagsskap. En mikið var annars leiðinlegt í skólanum í dag. Danir eru mestu froðusnakkar sem finnast. Og þá dreg ég heldur úr!!!
|
|
Ætli þaö sé góð hugmynd að geyma lykilinn sem maður geymir fyrir litla frænda í blómapottinum við hliðana á tölvunni? ja, ég gleymi honum alla vega ekki núna. Var að byrja aftur í skólanum, held ég geri núna mynd um fisk sem verður slægður. Og manninn sem sem slægir hann. Ég vil að hún heiti "Jonas og fisken". Þetta verður meiriháttar góð mynd.
Nú bið ég í síðasta sinn; Get ég fengið námslánið mitt?
Núna strax
|
Þessi dagur er dulbúinn. Hann þykist vera sunnudagur!
|
Hvað er það eignlega sem gerir mig að konu? Brjóstin, legið, eggjastokkarnir, heilinn? Ætli mér myndi finnast ég minni kona ef ég léti taka mig úr sambandi? En ef yrði tekið af mér annað eða bæði brjóstin, yrði ég þá minni kona í eigin augum? Er ég kannski ekki kona?
Bévítans tilvistarkreppa!!!
|
Ég er í kvíðakasti. Svo miklu kvíðakasti að ég gat með herkjum skúrað stofugólfið. Svo miklu kvíðakasti að ég get ómögulega þurrkað af og tekið til. Ég verð eiginlega að leggjast upp í rúm og lesa smá og gá hvort þetta líður hjá (vá!). Það ljós rann upp fyrir mér í morgun að dagmamman sem hann Arnaldur er búin að vera að venja sig við síðustu þrjár vikurnar er að fara í þriggja vikna frí eftir viku. það þýðir að Arnaldur fer til annarrar "mömmu" á meðan og ekki held ég nú að hann verði ánægður með það. Hún á heima í Christianshavn þannig að ég verð að vakna fyrir allar aldir, hjóla með bæði börnin þangað, skila honum og fara svo með Þorbjörgu í leikskólann og svo út í Kastrup í minn skóla. Mér fallast gersamlega hendur.
Svo ef þetta er ekki nógu kvíðavekjandi , þá lánaði ég í góðmennsku minni frænda mínum þvottakortið mitt í gær. Hann ætlaði að fá að þvo eina vél og skila kortinu strax aftur. En viti menn, hann er ekki enn þá kominn, svara ekki í símann og ég þykist vita að hann sé þegar lagður af stað í sumarfrí til Ítalíu. Ef ég er ekki með þvottakort get ég sko ekkert þvegið þangað til hann kemur aftur eftir tvær vikur.
|
Það er ekki gaman að vera heima hjá sér í sól og blíðu, með veikan krakka, þegar maður á að vera að undirbúa veislu kvöldsins. Ég get ekkert gert, ekki einu sinni vaskað upp svo ég komi kjöthleif oní vaskinn sem þarf að þiðna hið fyrsta. Heldur ekki skrifað þetta, eiginlega, nú öskrar krakkinn eins og ljón og vill líka blogga.
|
Ég vil fá námslánið mitt!!!!!
NÚNA
|
Ég vil fá sjátátið mitt aftur!!!!
NÚNA
|
Ég veit hvernig maður getur bjargað sér fyrir horn ef maður er í klikkaðislega lélegu formi og ætlar að fara að hlaupa úti. Ekki það að ég sé eitthvað að spá í því, síður en svo. En ef einhver er að pæla í þessu þá er málið að verða sér út um voða pró teyjubindi og setja um hné sér ( það sést best á hnénu nebblega). Bera sig svo ferlega illa við hlaupin og stynja voða mikið og svona, þá halda allir að maður sé að glíma við
íþróttameiðsl!
|
Ég veit ekkert um sjátátið mitt, það er htlm-inu eða er það html, jú líklega er það html, en það kemur ekki fram á síðunni minni. Glætan eitthvað að ég nenni mikið meira að pæla í þessu. Læt allt eiga sig í bili og einbeiti mér að því að hafa brotna tönn.
|
Ég fór í dýragarðinn og braut í mér tönn. Sá allskyns skemmtileg dýr, ókapa og lemúra og svona. Svo var líka alveg ótrúlega mikið af ófríðu og óheppnu fólki. Kannski hefur verið einhver ó-dagur í dag. Magnað samt að svona ófrítt fólk skuli geta fjölgað sér. Ég verð hins vegar að gera mér ferð á panum-institúdið og tékka á því hvort brotið mitt sé nógu áhugavert til að tannlæknanemar getir lært eitthvað á því. Ekki gerði ég ráð fyrir að borga svona mikið fyrir dýragarðsferðina nógu er svona túr dýr samt.
|
Ég er að fara út í spássitúr með spússa mínum. VIð eigum nefnilega brúðkaupsafmæli í dag og líka reyndar í gær. Eða sko..... við giftum okkur eigilega tvo daga í röð: Einu sinni alvöru, með oþoræst giftara, það var 20. júlí og einu sinni plat en það var 21.júlí. Við höldum auðvitað platdaginn hátíðlegan.
|
Ég held að Danir séu búnir til úr öðru efni en við hin. Örugglega
salti. Það meiga ekki falla þrír dropar úr lofti, þá eru þeir hættir öllu því sem þeir kunnu að vera að gera og farnir inn; Og þeir læsa sko á eftir sér svo að regnið komist ekki inn. Börnin eru sérstaklega viðkvæm. Þau eru klædd í regngalla, þeim pakkað inn í plast, látin spenna upp regnhlíf og umsvifalaust send inn. Ekkert er eins ógeðslegt og blaut börn, það vita nú allir.
|
Fátt finnst mér jafn óþolandi og þegar börnin mín neita að sofna á kvöldinn. Vita þau ekki að kvöldin eru mín, þau eiga ekki að trufla þessa fáu tíma á sólarhring sem ég hef til að halda geðheilsunni. Núna geta þau prísað sig sæl að vera ekki niðri í ruslatunnu, bæði tvö. Það er bara af því að við erum með gesti!
|
Þá er næsta mál á dagskrá að fara út á flugvöll og sækja föður og systur tvær. Smáfólkinu gengur eitthvað illa að sofna, en tvíbreið vindsæng hjálpar mikið til þegar spennan er að ná hámarki.
Í dag eru gömlu grannarnir fluttir út og nýjir inn, þó ekki í sömu íbúð. En við fengum uppáhaldsfólkið okkar í íbúðina beint á móti okkur. það er ansi hætt við því að við vitum ekki lengur hver eigi hvaða börn eða hvaða maka, ef því er að skipta, innan skamms. Það verður örugglega einhverskonar komúnufílingur hérna.
|
Ég er farin að halda að það sé bara daglegt brauð að fólk fái birta grein í mogganum. Ekki eitt "til hamingju", ekki heldur "gott hjá þér Heiðrún" og ekki einu sinni "það gengur bara betur næst!"
Annars er ég bara í því í dag að láta gestgjafa mína dani fara í taugarnar á mér, svo mikið meira að segja að ég hjólaði utaní einn í morgun uppi á norrebrú. Þessir asnar skipta um gír eins og moðerkokkers, maður gæti haldið að hér væru einhverjar brekkur. Ef maður lætur danina fara svona mikið í taugarnar á sér er maður sjálkrafa miklu betri. Miklu miklu betri.
Mig vantar svartan kjól og svart pils. Og hættiði svo að hafa svona heitt hérna, ég er öll löðrandi í svita , alltaf.
|
sko Heiðrún en ekki greinin!
|
Það er grein eftir Heiðrúnu Ólafsdóttur í Daglegu lífi í dag. Gott ef hún er ekki bara ég.........
|
Mínir elskulegu nágrannar eru að flytja til íslands, rosalega á ég eftir að sakna þeirra. Best að nota næst síðasta kvöldið til að fá þau til að passa.
|
Loksins kom hún rigningin sem ég er búin að bíða eftir í allan dag. Nú fer hitinn vonandi aðeins að lækka.
Kannsli ég ætti að koma mér í samband við Bin Laden og bjóða honum dóttir mína í skæruhernað. Hún er orðin aðal villingurinn á svæðinu, stelur mottum frá útidyrum fólks og í dag dröslaði hún hjóli með hjálpardekkjum, nýmáluðu, bleiku, niður af áttundu hæð og út á götu.
Hún fann það!
|
Ég verð að fara að byrja bráðum aftur í skólanum. Annars baka ég allt í klessu. Í dag er ég búin að baka tvær döðlukökur með súkkulaði og frístæl skonsur, frá því á hádegi nota bene!!!
Sonur minn á eftir að hugsa til baka með miklum unaði til þess tíma er hann var í aðlögun hjá dagmömmunni, alltaf kökur og gúmmilaði.
|
Nú er ég orðin svo þroskuð að þegar börnin mín eru bæði önug og ómöguleg á morgnana læðist stundum að mér sá grunur að það gæti haft eitthvað með mig að gera. Kannski ég hafi bara verið önug og ómöguleg í morgun en ekki þau.
Arnaldur byrjaði reyndar daginn á að éta upp úr sykurkarinu, það getur ekki verið gott fyrir neinn. Þorbjörg var hins vegar svo þreytt í fótunum að hún komst eki fram úr. Ég skil að hún sé þreytt eftir allt labbið, alla leið úr sínu rúmi og í mitt, á hverri nóttu.
Ég er að hugsa um að verða aldrei einstæð móðir
|
Hvað er eiginlega í gangi, eru allir dauðir eða hvað?
Þá fer ég bara líka!
|
Líklega er ég bæði húsmóðir og hóra, gift konan!
|
|
Ég held ég vilji heldur vera húsmóðir en hóra. það eru kannski ekki miklir peningar í því en það getur verið voðalega skemtilegt ef maður hefur nægan tíma.
|
Kunningjakona mín var að byrja að vinna á hóruhúsi. Hún er á barnum og græðir svo sem ekkert mikið á því. Ég spurði auðvitað hvenær hún fengi stöðuhækkun, þe.e byrjaði að selja sig. Ekki sagði hún neinar líkur á því, hún virtist alveg handviss um að standast álagið. Ég veit ekki hvort ég myndi geta unnið á barnum fyrir 100Dkr á tímann plús 100kr fyrir hverja flösku af áfengi sem ég seldi ef ég vissi af öllum peningunum sem færu á milli handa í næsta herbergi. Hvað ætli þyrfti að bjóða mér mikið af krónum til að ég seldi mig? Svolítið skerí að pæla í þessu. Kannski gerist ég bara hóra á Pleiboj eksklúsíf klöbb og hætti við að gera spennuþáttaröð eftir bókunum hans Arnaldar.
|
Mér leiðist og mig langar að horfa á sjónvarpið. Það er bara í sumarfríi hjá okkur svo það er ekki hægt. Best að leggja bara fleiri kapla og fara svo að lesa.
|
Ég get svarið það, ég er barasta búin að elda kvöldmatinn og gera bókhaldið fyrir Einar Óla. Ég get bara farið út að leika mér. Ligga ligga lá!
|
Ég væri alveg til í að vera kona af austurlensku bergi brotin. ( voða erfitt að finna nákvæmlega rétta orðið hér, en ég er að meina svona innflytjanda konu með slæðu, arapakellingu!) Þær virðast nefnilega aldrei vera að flýta sér. Ég hins vegar er alltaf eitthvað að flýta mér, jafnvel þó ég sé ekki að fara að gera neitt sérstakt, þá flýti ég mér samt. Meira kannski drýf mig. Já, ég er svona drýfa mig týpa. Núna ætla ég að drýfa mig að fá mér kaffibolla. Þetta er bara orðin einhver fjandans vani. Mér finnst þetta frekar hvimleitt. Ég vil frekar vera svona afslöppuð kona með sæðu, sem hef nægan tíma til að gera hvað sem er. Ég sé svona konur aldrei hlaupa á eftir strætó eða hlaupa yfirleitt. Þegar ég kem á morgnana með Þorbjörgu í leikskólann, lafmóð og kófsveitt á sóðustu stundu, ( hún er sko í svona "skovbørnehave" og tekur rútu út í skóg á hverjum morgni og má ekki koma of seint því þá er rútan bara farin og enginn leikskóli fyrir hana þann daginn) lalla þær sér í makindum með börnin sín strokin og fín og flýta sér ekkert þó að klukkan sé þrjár mínótur í níu. það er eins og þær viti eitthvað sem við " hin vestrænu" vitum ekki. Kannski Allah hafi eitthvað með þetta að gera. Kannski ekki.
|
Þegar ég kom heim úr vinnunni voru allir heima hjá mér með svuntur að baka brauð. Það var nú gaman!
|
Þeir eru nú ekki alveg sanngjarnir þessir nágrannar okkar. Fyrst biðja þau okkur um að passa fyrir sig, sem auðvitað er ekkert mál. En núna vilja þau ólm fá okkur í partýið. Hmmm, hvernig snýr maður sér í því?
|
Ég hef aldrei séð fallegar tær. Aldrei séð tær og hugsað með mér; mikið eru þetta fallegar tær. Hér þar sem ég bý er mikið lagt upp úr því að konur séu með vel snyrtar og hirtar tær og auðvitað lakkaðar táneglur. Karlmönnum finnst víst ákaflega kynæsandi að horfa á berar sólbrúnar tær með rauðu naglalakki. Gott að ég er ekki karlmaður.
|
Jæja núna ætla ég að deila með ykkur minni bestu uppskrift hingað til.
Maður tekur möndlurnar, súkkulaði stubbana og bingókúlurnar sem mamma manns sendir manni í tilefni afmælis sonar mans ( NB sem maður tímir ekki að bjóða gestunum uppá) og setur í grænt sívalt plastbox með loki. Fær sér við og við úr því í þrjár vikur og svo þegar er tæplega helmingur eftir setur maður það á eldarvélarhellu. Svo fær maður manninn sinn til að elda pasta á föstudagskvöldi á næstu hellu við plastboxið. Hálftíma eftir mat, á meðan börnin eru í baði fær maður sér ilmandi volgar og hálfbráðnaðar karamellur. mmmmmmm
|
Magapína er vond pína. Ekki alveg eins vond og tannpína þó. Hvað ætli séu til margar pínur?
|
Ég þoli ekki Icelandair, Davíð Oddsson, fólk sem fílar Davíð Oddsson og drykkjarmjólk.
Drykkjarmjólk! Er ekki lengur hægt að drekka venjulega mjólk eða hvað? Helvítis fávitar bara sem kaupa drykkjarmjólk.
|
Sverrir er ekki lengur í náðinni hjá mér. Þórdís hinsvegar er komin í hóp hinna útvöldu. Til Hamingju með það Þórdís og Sverrir - Það gengur bara betur næst.
|
Í dag er ég búin að éta á tveggaj tíma fresti. Er samt ekki orðin södd. Það er líka allt í lagi því feðgarnir eru rétt í þessu að elda kjötbollur og brúna sósu og allt sem með því heyrir. Ef ég verð ennþá svona svöng á morgun verð ég kanski bara að fá næringu í æð. Það fer svo mikill tími í að borða svona mikið.
|
Sko, við flugum til þriðju sæstu borgar Búlgaríu. Hún heitir Varna ( BAPHA ) og þaðan keyrðum við á stað sem heitir Albena og þar vorum við svo meira eða minna í tvær vikur. Málið er bara að Albena er eiginlega ekkert Búlgaría, bara "túrista-eitthvað". Algerlega, fullkomlega gelt. ( var ég að skrifa að þetta væri hundgá eða búið að gelda það??)
En sólin var heit og góð, sundlaug úti í garði, strönd niðri á strönd og svona eitthvað bara. Við fórum samt alveg líka til Búlgaríu, það fréttist mera að segja af okkur í
Bólevíu!
Við fórum bæði í borgina og í litla nálæga bæi það sem voru ekta búlgarar og allt, sígaunar og asnar og kallar með geitahjarðir og hei á hestvögnum.
En Albena er eiginlega bara frekar ógeðslegur staður. Ég er bara fegin að þurfa ekki að fara þangað aftur, enda engin ástæða til þess. Ég er voða brún og Siggi á rafmagnsgítar, svo við erum ofaná með þetta. En ég fer ekki ofan af því að skíturinn í Búlgaríu er skítugri en annar staðar þar sem ég hef komið.
|
Það er voða gott og gaman að vera í útlöndum en ekkert jafnast á við að vera heima hjá sér, borða góðan mat með góðum vinum og fá sér einum of oft á diskinn, ef þannig vill til.
Palli Borg og Ingunn komu við hjá okkur á leiðinni út á flugvöll, það er svo gott að fá svona fólk í heimsókn. Það skiptir engu máli hversu langt er frá síðustu heimsókn það er alltaf eins og við hefðum hist síðast í gær.
Annars ekkert bara, ég bara nenni ekki að segja Búlgaríusögur. Só sorrí. Eina sem ég segi er að ég verð að fá mér vinnu núna í sumarfríinu. Verð, en ég nenni því samt ekki. Verð , verð, verð............
|
Jæja þá er þessi dagur kominn. Arnaldur er búin að fara í sína fyrstu heimsókn til dagmömmunnar. Ég er ekki alveg sátt við að hún vilji að við tölum við hann dönsku þegar við erum hjá henni. Hvað kemur henni það við?
En ætli sé ekki bara vænlegt að vera samvinnuþýður.
Við vorum að eignast "ská frænda" . Björn Rafnar Ólafsson er kominn í heiminn og ég ætla að fara að sjá hann á eftir, hann er með mömmu sinni uppi á spítala af því að hann þurfti endilega að snúa strengnum utan um hálsinn á sér og koma út um magann í kjölfarið. Bölvað vesen á þessum strákum alltaf !!!
Á ég að segja ykkur frá Búlgaríu????
Kannski seinna.
|
Hvaða vitleysa er þetta búið að breita án þess að hafa samráð við mig og allt í fokki........
|
Ahhhh komin heim ? gust og b?rilegan hita. Eitt meiga ?eir eiga ?arna ? B?lgar?u, ?eir geta haldi? ? manni hita!
