Obb bobb obb !!!!
|
HA HA, Ég veit sko alveg hvað ég ætla að gera um í kvöld. Hef alltaf vitað það, var aldrei í neinum vafa. Ég held nú það, enda er ég einstaklega mikil akkúrat manneskja!
|
Ég er alveg ömurlega öfugsnúin í dag. Og þegar ég hugsa nánar út í það er ég oft svona á galmársdag. Í mér eru inbyggðar væntingar til kvöldsins, hvort sem mér líkar betur eða verr. Núna vil ég bara að þessi dagur taki enda sem fyrst.......alla vega vona ég að ég fari bráðum að snappa úr þessum ömurlega gír svo ég geti farið að ákveða hvað ég ætla að gera í kvöld og kljúfa humarinn.
|
Fyrir sjö árum vann ég mína síðustu vakt á hinum mikilfenglega vinnu- og skemmtistað Café au lait, hún var tvöföld.
Fyrir sjö árum var í síðasta sinn opið á Café au lait og ég blandaði og seldi einhverja merkilegursu drykki sem ég hef á æfi minni blandað; piparmyntulíkjör í eplasafa, kalúa í malt, creme de cassis í mjólk.
Fyrir sjö árum var tregablandin hamingja í Hafnarstræti 11.
Fyrir sjö árum spilaði Palli og fleyri náungar á bongótrommur í Hafnarstætinu eftir lokun, við lítinn fögnuð íbúa götunar.
Fyrir sjö árum álpaðist ég heim með náunga með sítt hár, í fjórða skiptið síðan rétt fyrir jól.
Fyrir sex árum, mínus tveir dagar, fæddist mér og náunganum dóttir.
Siðan höfum við gift okkur og eignast eitt afkvæmi til.
Í kvöld hámar hann í sig popp yfir ægilegum spennutrylli á meðan ég held upp á daginn með bjór og tölvu.
Verður þetta betra?
|
Þorbjörg eignaðist vin í dag sem heitir Tótur. Ég hitti mömmu hans, voða viðkunnanleg stelpa sem kvaðst heita Jóhanna. Ég er bara alls ekki viss um að ég geti treyst fólki sem skýrir son sinn Tótur!
|
Jæja, bara kominn enn einn grár dagur. Ætli maður meiki að hanga inni í allan dag? Ég skil nú ekki einu sinni hvers vegna ég er að velta svona fíflalegum spurningum fyrir mér. Veit að ég þoli ekki við heilan dag inni hjá mér. Veit líka að ég verð að fara að kaupa inn fyrir afmælið og svona, en ég er samt ekki búin að ákveða hvað ég ætla að gera á gamlárskvöld. En ég veit sko hvað ég ætla að gera á nýársdag. Fara í dýragarðinn og gefa dóttur minni falegt bleikt reiðhjól með körfu og maríhænubjöllu, og elda svo uppáhaldsmatinn hennar fyrir hana um kvöldið. Það verður sko gaman og skítt með þetta fjárans gamlárskvöld...það tilheyrir hvort sem er gamla árinu og ég vil frekar einblína á það næsta og hafa það skemmtilegt eins og hægt er.
|
Við Þorbjörg Salka sváfum til klukkan tíu. TÍU!! ég held að það hafi einu sinni gerst á þeim sex árum, mínus þrír dagar, sem hún hefur lifað. Svo láum við svolítið og kjöftuðum og átum morgunmat klukan að verða ellefu og núna finnst mér ég vera búin að missa af deginum. Finnst eins og ég hafi skrópað í einhverju og svikist undan. Samviskusemin að sliga mig.
En nú skal haldið af stað að leita að reiðhjóli fyrir afmælisbarnið, ætli það verði ekki hefði að gefa henni hjól á þriggja ára fresti. Svo þarf að undirbúa veislu aldarinnar, baka bangsakökur og svona.......
|
Skrítið að vera öll saman í svona fríi. Við sofum eins lengi og hægt er og förum seint að sofa. Borðum óhollan mat og horfum á vídeó. Í gærkvöldi dró ég famelíuna útí klukkutíma gönguferð fyrir svefninn í staðinn fyrir að sitja og glápa þangað til börnin sofnuðu fyrir framan imban. Annars er ekkert að frétta, enda ekki við því að búast úr aðgerðarleysinu og ég er ekki búin að finna út úr galmárs.......
|
Við Ag fórum í remíseperken og virtum fyrir okkur aumingja dýrin sem húktu í öll í drullusvaði. Eina kvikyndið sem var í stuði þarna, fyrir utan okkur auðvitað,var hani nýkominn úr mútum sem gólaði eins og hann ætti lífið að leysa. Ætli ég bregði ekki bara á það ráð að fara að borða svo ég hafi eitthvað að gera í janúar. En annars er mál málanna að finna út úr því hvar gamlárskvöldinu skal eytt og með hverjum.
|
Ég stóð mig ótrúlega illa í jólboðinu í gær ( ekkert skrítið kannski, úttroðin af epli...), kom seint og fór snemma. Reyndar hafði ég AG mér til afsökunnar. Hann var sofandi þegar partýið byrjaði og svo þegar við komum og allt í fulum gangi, vorum við bæði bara svo öfugsnúin að við fórum fljótlega heim aftur. Það var líka miklu betra, bara rólegheit. En nú þarf ég að fara að byrja að borða klukkan orðin tíu og ég ekki búin að fá mér neitt nammi....ekki eitt!
|
Jóladagur, vídógláp, lestur, leikur, nammiát, nammiát, nammiát. Veisla........svo er ég búin að pína ofaní mig epli svona til að friða samviskuna.
|
Þá er hann kominn aðfangadagur.
Juleaftensdag, heitir hann á dönsku og aðfangadagsmorgun hlýtur þá að vera
juleaftensdagsmorgen. En á morgun þá kemur, ef guð lofar, jóladagur sem er á dönsku
juledag. Jólakvöldið er þá auðvitað
juledagsaften. Það er sem betur fer engin hætt á að rugla þessu tvennu saman;
juledagsaften og
juleaftensdag, sérstaklega ekki ef maður hefur í huga að
lille juleaften var í gær!
|
Í morgun fékk ég morgunmat í rúmið, volgt vatn og fransbrauð með osti. Ég er heppin að eiga svona stóra stelpu.
|
dúbidúbidúúúú...klukkan ekki hálf þrjú og ég er komin í jólafrí. Búin með ritgerðina, hahaha og nú verð ég í fríi fram til 3. jan. úúgrah!
|
Síðasti vinnudagur á þessu ári......best að reyna að koma einhverju í verk.
|
Ég gerði ógilega fyndinn brandara í gær. Málið er bara að enginn hefur sagt neitt um hann. Ætli allir séu vanir að fá bændablaðið í póstkassan sinn?
|
Í gær uppfylltist draumur sem ég er búin að eiga frá því að ég man eftir mér. Í tívolí voru svona rólur sem fara hátt og snúast í hring, svona eins og eru í öllum bandarískum bíómyndum ef farið er í skemmtigarð eða markað. Það vara rosalega gaman í þeim, mann kitlaði í magan allan tíma en eftir að ég kom heim var ég svolítið sorgmæd yfir að eiga þetta ekki lengur eftir. Þess vegna ætla ég ekki að lesa Gerplu fyrr en ég er orðin gömul. Ég heyrði nefnilega Böðvar Guðmundsson segja einhvertíma að honum þætti óskaplega leiðinlegt að eiga ekki eftir að lesa Gerplu af því að hún væri svo skemmtileg. Ágætt að geta lært af mistökum annarra.
|
Mikið var gott að skríða örþreitt og pakksödd upp í rúm klukkan tíu í gærkvöldi eftir skautaferð og grænmetissúpu með The Elgaards. En þrátt fyrir hátt í tíu tímasvefn, þá er ég bara ennþá hundþreitt en er samt bara búin að sofna einu sinni fram á bókina sem ég er að lesa. Er sko nefnilega að lesa mér til um rómantíkina í enskri ljóðagerð og ætla svo að skrifa um hana ritgerð á morgun. Reyndar ætla ég líka að bjó'a famelíunni í jólatívolí seinnipartinn í dag. Túrpass og allan pakkan barasta og enda á að bjóða þeim út að borða áður en við höldum heim í háttinn. Ég fæ stundum gjörsamlega nóg af því að vera alltaf að spara allt við okkur svo nú ætla ég bara að brýna vísakortið og reiða til höggs í tívolí.
Annars var helgin bara meinhæg ef undan er skilið smá partý á móti á laugardaginn en það var nú svo yfirvegað ( eða ég í því... ) að það skemmdi ekkert sunudaginn en átti þó líklega einhvern hlut í þreytu gærkvöldsins.
Pósturinn truflaði lesturinn aðeins í morgun (og lílega hefur hann bjargað mér frá því að sofa) og kom með fangið fullt af jólapökkum til okkar, jibbíkóla og ég er bara frain að hlakka smávegis til jólana. En nú hætti ég og fer að lesa meira, því það er alveg greinilegt að ég hef ekkert að segja og er bara að bulla eitthvað til að losna við að lesa........og það gengur ekki.
|
Jólafrí, jólafrí aaaaalstaðar...
Er í jólafríi í dag og á morgun og hinn ætla að gera alskonar jóló, ef ég nenni. Nenni alla vega ekki að skrifa neitt blogg núna!
|
Í nótt dreymdi mig að ég dræpi mann með berum höndum. Hann hét Atli og ætlaði sjálfur að drepa mig með kjötsax, svo það var í sjálfsvörn. Einnig dreymdi mig að Björn Rafnar dytti ofaní göturæsi og þar oní var straumhörð á en samt náði ég að hlaupa að næsta brunni og veiða Björn uppúr áður en hann druknaði. Og að lokum dreymdi mig að ég var að kaupa mér vikumiða til íslands á netinu með Icelandair frá 22. janúar fyrir 14 krónur aðra leið. Fyrir hverju ætli þetta sé?
|
Ég fæ líka að fara í tvöfaldan ljóðatíma í dag, ligga ligga lái.
Og á morgun......setningargreiningarmaraþon! Já, ég má bara vera glöð að hafa alltaf eitthvað fyrir stafni fátt er eins ömurlegt og aðgerðarleysið. Sem betur fer þarf ég ekki að díla við það helvíti. Annars skilst mér að það séu að koma jól bráðum og ég ætti að fara að koma mér í gírinn. Stefni á að vera komin í hann eftir maraþonið á morgun klukan 15:30.
|
Ég er alveg að missa tökin á henni dóttur minni. Hef satt að segja ekki hugmynd hvað ég á að gera við hana eða hvernig ég á að taka á henni. Það er orðið svo slæmt að nágranninn sagði að það væri ágægjulegt ef ég kæmist í gegnum daginn án þessa að berja hana. Reglulega ánægjulegt. Ég vona þá að þessi dagur verið jafn ánægulegur og allir aðrir hingað til. Merkilegt hvað svona lítil stelpa á auðvelt með að toga í rétta strengi svo ég gjörsamlega fríka út á hálfri mínútu. Stend froðufellandi og örkrandi svona um það bil helming af tímanum sem við eyðum saman. Held ég, ég hef svo sem ekki hugmynd um það hvað þetta er slæmt en þar sem ég er gjörsamlega með þetta á heilanum svo mér finnst ég alltaf vera að skammast. Ohhh, frekar ömurlegt að vera ég þessa dagana. Og þó að það sé fullt af fólki sem hefur það miklu miklu verra en ég, þá getur mér samt alveg liðið illa.
|
Nú er ég búin að lesa ljóð lungað úr deginum og ég verð hreynlega að koma út úr skápnum sem antíljóðaunnandi....finnst megnið af þessu bara ekkert skemmtilegt. En það er nú önnur saga, ég þarf bara að geta skrifað um þau, sem betur fer eru ekki gerðar kröfur á að ég njóti þeirra líka. Svo ákvað ég að þrífa svolítið hjá mér, af því að ég nennti ekki lengur að lesa. En nennti því eigilega ekki heldur, svo ákvað ég að fara að skrifa jólakort.....nenni því eigilega ekki heldur.....fá mér kaffi? nehhh....getur verið að ég sé eirðarlaus? nehhhh...
Ef einhver vill kaupa handunna jólamerkimiða er hægt að panta þá hjá mér, þeir voru geisivinsælir á jólamarkaðinum.
Je ræt, heimilið er undirlagt í þessum listmunum mínum og ekki fer ég að henda þeim. Best að drulla sér út bara.
|
Jólamarkaður, jólamarkaður, jólamarkaður, refshalevej, refshalevej, refshalevej, 80, 80, 80, í dag, í dag, í dag.
|
Þá er stóri skonsudagurinn runninn upp. Þarf að baka miljón skonsur fyrir markaðinn á morgun, eða kannksi frekar fimmtíu.
Svo er það hitt verkefni dagsins, öllu vandasamara, en það er að kaupa mér bol/blússu/topp/fyrir partíið í kvöld. Það hljómar svo sem nógu auðveldlega en vandinn liggur í því að um þessar mundir er greinilega alls ekki í týsku að hafa ermar á svona flíkum og auðvitað þarf ég þá að vilja það sem er ekki til. Það er nú einu sinni vetur á þessu skeri og ég get ekki hugsað mér að fara að galgopast norður í bæ án erma. Svo nú er bara að vona að einhverstaðar, kannski á einhverri fornsölu, leynist einn sparilegur erfripartur með ermum.
|
Svei mér þá ef allur bekkurinn var ekki bara timbraður í skólanum í dag. Við létum öll eins og hálfvitar og það var bara rosalega gaman. Hlakka orðið til að fara í júlefrokostinn annað kvöld. Það eina sem skyggði á var fjárans verkefnið sem kennarakvölin klíndi á okkur og við eigum að skila í janúar.
|
Ég er alveg að drepast úr minniháttarkend. Finnst allt sem ég geri frekar glatað og held því statt og stöðugt fram að þeir sem segja það ekki alslæmt séu bara að stríða mér. Komi svo saman í hópum og hlæi að mér. Vá, ekkert smá ofsóknaræði.
En ég ætla á skauta, er ágæt á þeim og ef einhverjir sjá mig detta eru það allavega ókunnugir og þeir geta þá bara stofnað útibú"hlæjumaðheiðrúnu"félagsins.
Vona svo sannalega að ferðin hressi mig við.
|
Ég er búin að endurheimta trú mína á jólasveina. Í morgun bárust tveir kassar af dóti og stöffi frá Íslandi, ég sá engan póststimpil, en mig grunar að þeir komi úr Esjunni. Alger hundaheppni að krakkarnir fengu ekki að opna kassana áður en þeir lögðu af stað í skólan. Ég er alla vega himinn lifandi þó mér finnist vanta smá bréfstúf ( hehe, bréfSTÚF).
það er síðasti séns fyrir mig að læra setningargreiningu almennilega fyrir jólin. Veit samt ekki hvort ég eigi eitthvað að vera að því, það væri synd ef ég myndi svo bara gleyma öllu yfir hátíðarnar. Gerði prótítýpu af skonsuhjörtunum í gær........bjútífúl, þú ég segi sjálf frá. Það verður slegist um þetta á markaðinum. Æ gess æ em som kænd of a súperstar.....
|
Jæja. Við erum ennþá heima, en vonandi er þetta síðasti dagurinn. AG er svo frískur að við þurfum að drífa okkur út að hlaupa eða eitthvað.
Síðan síðast er ég búin að syngja inn í tölvu. Svolítið tómlegt svona eftir á að horfast í augu við að söngframinn sé allur. Það var miklu rómantískara að eiga þetta eftir. Vonandi fæ ég að vera með í fjöldasöngnum, þá ætla ég sko að vera með geggjaða stjörnustæla....hehe.
Annars er ég að framleiða jólamerkimiða sem verða seldir á einhverrjum samnorrænum jólamarkaði um helgina. Einnig verða til sölu skonsuhjörtu eftir sama höfund á sama stað og tíma.
|
Ég heiti því hér með að blogga ekki fyrr en allir á heimilinu eru orðin frískir.
|
Ég get svarið það, við Arnaldur Goði erum ennþá/aftur veik. Annað hvort erum við aumingjar eða þá að það hvílir á okkur bölvun.
|
Blöhhhhh er skvoleiðis dugleg að skrefa.......er bara alveg að klepraaaaaaaaahhhhhh. Og ef það er ykkur finnst það ekki nóg þá koma aukaupplýsingar sem gætu vakið óhug meðal lesendahhhh: Maginn á mér lafir yfir buxnastrenginn. uuuhhhhhhööö....
|
Úff hvað er erfitt að vera að berjast við að halda sér vakandi og skrifa ritgerð um leið. Þyrfti að komast yfir eitt stk. kaffisúkkulaði, er vissum að ég myndi glaðvakna við það. En ég verð bara að halda áfram að stinga hausnum út um gluggan á kortersfresti til að vakna af því að það er ekki til neitt kaffisúkkulaði í Danmörku.
|
Hámark ógeðs og niðurlægingar hefur verið náð; Sonur minn ældi framan í mig. Ég veit ekki hvort ég eigi að vera umhyggjusöm vegna þess að hann er enn veikur eða bara skammast mín. En eitt veit ég, það er sko að ég er
ekkert glamúrus núna.
Svo við ég bara hvetja alla sem hafa eitthvað um sonnet 106 eftir sjeikspír að segja, að láta ljós sitt skína og senda mér annað hvort póst eða commenta bara.
|
Í dag ætti ég að fá verðlaun fyrir smásögu og að skila ritgerð. En það lítur út fyrir að hvorugt verði. Ritgerðin er varla byrjuð og utan úr bæ berast mér þær fréttir að búið sé að fresta verðlaunaafhentingu. hfmmf fresta, kresta.......
En í staðin skrifa ég ritgerð og verðlauna mig bara sjálf ef þurfa þykir.
