Obb bobb obb !!!!
|
Þá er ég búin að læra blaðamennsku. Ég skil ekki alveg að fólk nenni að læra þetta í fjögur ár, mér finnst helgi alveg nóg. Ég var bara helvíti góð og átti ekki í neinum erfiðleikum með að skrifa "alvöru blaðamanna dönsku." Lét verða skotinn í mér strák, hann heldur reyndar að ég sé tuttugu og tveggja gella. Gekk bara út frá því að við Alice værum á svipuðum aldri, spurði ekkert og mér fannst ég ekkert þurfa að leiðrétta það. Hann hefði kannski hætt að vera skotinn. Kennarann heillaði ég auðvitað alveg upp úr skónum, hann vill endilega hitta mig eitthvað og taka við mig viðtal um Ísland og Íslendinga; einhverskonar portrett. Hann veit hvað ég er gömul og grunaður um að vera hómósekual svo hann er ekki mjög skotinn í mér. Svoltið samt örugglega!!
|
Það er voða þreitandi að skrifa glæpafréttir heilan dag. Okkur hjónum fannst vera besta ráðið að láta kartún nettvörk svæfa börnin, það var einhvernvegin óhugsandi að leggja þau vakandi í rúmið og lesa fyrir þau. Siggi hetja fór nú samt inn með AG og er enn að berjast við hann. ÞS sefur hins vegar vært fyrir framan imbakassan og litla lánsbarnið vært í mínu rúmi. Ég vildi að ég væri þar líka en í einhverju stundarbrjálæði setti ég í þvottavél og verð nú í refsingarskyni að bíða eftir að hún klári.
|
......Já, og nú er ég ad skrifa glæpafréttir eftir lögregluskýrslum. Besservisseren er sem betur fer thagnadur í bili en ég vinn allt of hratt midad vid samnemendur mína. Er alltaf búin löngu á undan theim. Ég hugsa samt ekkert minna en their.......held ég!
|
Í thessum töludu ordum er ég á námskeidi í bladamennsku. Púff, allstadar eru thessir fjárans besservisserar sem thurfa ad segja frá öllu sem their hafa lesid, séd, heyrt eda bara dreymt. Ótholandi fávitar bara, sem stela tíma frá mér.
|
Ég er búin að gefast upp á að gera við gollteyjuna mína, svörtu, og er búin að henda henni. Ætti ég pening myndi ég fara strax og kaupa mér nýja og kannski myndi ég splæsa í brjóstarhaldara handa
Hel, það er ekki hægt að hafa hana svona. Ég verð að viðurkenna það að ég hef miklar áhyggjur af brjóstahaldaraleysi þeirrar konu.
|
Var að enda við að kaupa miða fyrir mömmu til mín fyrir krónu. Guð má vita hvernig og hvenær hún kemmst aftur heim til sín!
Flugleiðir bjóða far til baka fyrir 78.224
krónur!
|
Í tilefni af fuglasöng og sólskini í dag, hef ég ákveðið að hefja formlega biðina eftir vorinu. Hún einkennist af gleði og eftirvæntingu og varir eins lengi og verða vil!
|
Sáluhjálp og þrif i dag.
Afrek gærdagsins var að klára kexpakka!
Það veit enginn hvað gerist á morgun.......
|
Ætli sé ekki kominn tími á að fjárfesta í hrukkukremi einhverskonar, eða öllu heldur andhrukkukremi. Alla vega finnst mér ég ekki þurfa að bæta á mig fleiri hrukkum, allt í einu er bara komið alveg hellingur af þeim án nokkurs fyrirvara eða viðvaranna. Maður fer að halda að þetta með fertugsaldurinn sé satt!
|
ohhh, engin ritstuld, enginn hasar. Það var bara hún Sibba þrastar sem skrifaði þetta.
Hins vegar er smá hasar í veðrinu, hér er búið að vera tilbrigði við bil síðustu klukkustund
|
Í dag þarf ég að reyna að komast út á bókasafn með sjúkan drenginn til að finna út hvort mogginn hafi birt frétt eftir mig.
Mér nefnlilega skilst það. En enginn frá mogganum hefur sagt orð við mig um það. Þetta er svoltið eins og vera í tvælætsóni. Enginn var skrifaður fyrir fréttinni, enginn fréttaritari er í kaupmannahöfn fyrir moggan, ég veit ekki um neinn sem skrifaði um sama atburð, þannig að annað hvort eiga þeir bara eftir að senda mér greiðslu, mogginn stundar ritstuldir eða bara eitthvað allt allt annað!!
|
æ hvaða vitleysa er nú þetta?
engin, allt komið í lag!
|
Á laugardagskvöldi? fór ég á voða skrítna leiksýningu. Henni hefur veri? lýst hér sem innsetningu eða gjörningi í gagnrýni, en samt er etta leikhús og gangnrýnin hefur verið góð. Við Siggi fórum á extra langa sýningu, sem var frá kl: 20 til kl: 08 en við entumst samt ekki allan tímann.
Það var hleypt inn í hollum og fyrst gekk maður inn í myrkvaðan gang og svo inn í salinn. Þegar þangað kom, var manni skipað úr skónum af höstum kerlingum, sem tuðuðu yfir því hvað maður væri lengi og töngluðust á að þær hefðu mikið að gera. Hjá þeim fékk maður svo númer og þurfti að fara með það í afgreiðsluna til að láta skrifa sig inn, það var svoleiðis stimplað og skrifað og fyllt út og svo fékk maður númer sem maður þurfti að passa uppá og hafa tilbúið ef maður yrði skrifaður upp. Skapvondu kerlingarnar gengu um salinn og tékkuðu á því að áhorfendur gerðu ekkert af sér. Við vorum skrifuð upp fyrir að setjast á sviðsbrúnina og skömmuð í kjölfarið. Ef maður þurfti að fara á klósettið varð maður að skila númerinu og fá einhver annan passa til að komast út og svo varð maður að skrá sig aftur inn að klósettferð lokinni.
Salurinn, sem er svona meðal íþróttasalur að stærð, blasti svo við baðaður rauðri birtu. Allt var í einhverskonar eftirstríðsárafíling, sjúkrarú?m á aðra höndina, hótelrúm á hina, langborð, skúlptúr, sem í héngu einhverjar kynjaverur, og bílhræ í miðjunni. Undarleg tónlist fyllti svo upp í sýningarsvæðið og hún var svo áhrifarík að allt í einu var ég orðin voða döpur án nokkurs tilefnis.
Leikarana þekkti maður á því að þeir voru í skóm og svo átti maður bara að ganga um og hnísast í eigur þeirra og tala við þá til að ná því hvað leikritið gekk út á.
Það var ekki að virka í okkar tilfelli. Og reyndar voru mjög fáir áhorfenda aktífir, þ.e.a.s. eitthvað að blanda geði við leikarana. Við lásum nokkrar dagbækur, skoðuðum myndir og töluðum við Hollí Wood sem var í ástarsorg af því að maðurinn hennar var stunginn af og svo vorum við bara alveg uppgefin og fórum heim í miðjum klíðum.
Þetta var samt allt voða vel gert, allt útpælt og proppsað í botn en fyrir áhorfendur, eins og okkur, (og örugglega flesta) sem eru vanir að láta mata sig á leiksýningum, var þetta allt of erfitt eitthvað og mikið mál.
Samt langar mig að fara aftur og komast að því hvað málið er. Ég hef varla hugsað um annað síðan á laugardaginn og mér er ekki vel rótt með að hafa farið að sjá einhverja snilld og ekki skilið baun!
|
Merkilegt að manni verði ekkert úr verki með vælandi strák á handleggnum. Þetta er orðið eins og einhver bévítans útvöxtur!
|
Jájá... Arnaldur aftur orðinn eitthvað lasinn!
|
Nú hlýtur bara að vera búið að slá ketti úr öllum tunnum kaupmannahafnar!
|
Ég fékk smá í magann þegar ég kom með fiðrildið í leikskólann í morgunn. Við okkur blöstu fjórar "hard kor" prinsessur, með hárkollur, kórónur og bleikan varalit. Í smá stund hélt ég að fiðrildið vildi líka vera prinsessa og að dagurinn væri ónýtur.
En þá setti það bara á sig vængina, alsæl, sagði eitthvað á fiðrildamáli og var svo rokið.
En áður en við lögðum af stað, reyndar þegar við vorum að borða himneskan morgunmat sem Siggi útbjó, voru uppi miklar samræður um það af hverju Siggi vildi ekki bara senda skilaboð í skólan sinn þess efnis að hann kæmist því miður ekki í dag, af því að hann væri að faraí fastelavnsfest í leikskólanum. Henni fannst hann vera frekar leiðinlegur að vilja það ekki.
|
Nú er ég búin að fatta af hverju ég finn mig ekki almennilega í lífinu. Ég er nefnileg, og á að vera, balletdansmær. Og af því að ég fattaði þetta bara í gærkveldi og af því að ég hef aldrei á ævinni dansað ballet held ég að frami minn í balletheiminum verði aldrei að neinu. Svo er ég líka örugglega orðin of gömul og komin með gigt í vinstra hné þannig að ég gæti aldrei orðið atvinnudansari.
Héðan í frá hugsa ég allt mitt líf út frá því að ég sé balletdansmær á eftirlaunum.
Hvað ætli dansarar fari að gera eftir að ferlinum líkur?
|
Í gær gekk ég um lendur landbúnaðarháskólans í Höfn. Það var svolítið eins og að vera í Oxford. Eins og að vera í gönguferð inni í bíómynd.
.....en nú er ég farin í kaupmannahafnarháskóla að ræða við námsráðgjafa.
bæ
|
Nú er ég búin að lesa eitt skemmtilegt.
Í Danmörku ganga fleiri dæmdir sakamenn lausir en sitja í fangelsi. Óheppin hann Árni að búa ekki hér. Det kongelige Teater er líka miklu stærra en Þjóðleikhúsið, þannig að hann hefði getað borgað sér miklu hærri laun!
|
Er ekki búin að lesa neitt, sjá neitt eða heyra neitt skemmtilegt.
|
Ég er enn þá með hor í hausnum.
|
Það er ekki að spyrj að mér. Geri það sem ég tek mér fyrir hendur með stæl eða sleppi því bara. Núna er ég með kvef, t.d. og þá fæ ég ekkkert smá kvef neitt. Eyrnabólga, iðrakvef, hor, aumingjaskapur og hiti. lagnar bara aftur uppí. Aftur og aftur og aftur.........
|
Stundum er eins og ég sé geðklofa. Aðra stundina tuða ég yfir öllum leikföngum barnana, sem þau bæ ðe vei leika mjög sjaldan með, og hina stundina rýk ég í bæinn með þau að kaupa dót. Nú vorum við mæðgurnar að koma inn úr dyrunnum með Shellys leikvöll og eitthvað álíka fyrir AG. Eftir tvo daga verður helmingurinn kominn undir sófa, einn fjórði hluti brotinn og restin á botninn á leikfangakassanum. En mikið verður gaman þangað til.....
|
Nei, fer ekki, og ekki hann heldur. Ætlum bara á vídeoleiguna í staðin, eigum bara útstáelsið inni ef betra tilefni gefst. Ókey, þá vitiði það og veriði svo sæl.
|
Þá er búð að prufukeyra meiköppið fyrir fastelán ( það er sambland af bolludegi og öskudegi). Þorbjörg ætlar að vera fiðrildi og vill að Arnaldur sé drekafluga. Hmmm, veit ekki alveg hvernig ég geri það.
Ég, hins vegar, ætla að vera rithöfundur á farstelán.
Í kvöld er hjónunum boðið í galaveislu hér á garði. Það er sko fyrir alla sem eru aktífir. VIð erum jú bæði í einhverjum nefndum og ráðum og þess vegna er okkur boðið. Veit ekki alveg samt.
Siggi er að pæla í að senda mig bara eina ef við fáum ekki pössun, til að spara matarpening. Ég borða víst mest hér á heimilinu. Veit ekki samt............
|
Á mig herjaði eyrnabólga, bara svona upp úr þurru; blúbbs.....komin með eyrnabólgu.
Þá stakk ég bara hvítlauk í eyrað og lagðist svo á hitt ( það græna) svaf á því í nótt og tara: allt miklu betra í dag.
Lítið suð í dag og ekki þessi óþolandi drömm end beis taktur sem ælaði mig lifandi að drepa í gær.
Þorbjörg átti sórleik í gær, eins og svo oft áður. Við sátum og gæddum okkur á tei og brauði eftir að þau komu heim úr leikskólunum í gær, vorum bara eitthvað svona að spjalla. Það allt í einu stynur hún: "Hannes, Hannes....ég sakna svo langafa míns" ( hann dó sko síðastliðið vor ) Svo fór hún inn í herbergi og kemur svo aftur með eitthvað fyrir aftan bak og spyr elsku mömmu sína hvort hún megi horfa á teiknimyndir. Nú, af því að mömmunni var svo illt í eyranu leyfði hún það. Það næsta sem hún, mamman, sér er hvar stúlkan situr með mynd af langafa sínum heitnum í kjöltunni. Hún var að leyfa honum að horfa á teiknimyndir af því að henni fannst svo leiðinlegt að hann væri dáinn. Svo sátu þau þarna saman og annað slagið spurði hún :" Er þetta ekki skemmtilegt" "Júúúú" svaraði hún svo fyrir hann djúpri röddu!
|
Ég er með algjört ógeð á valentínusardegi. Finnst þessi markaðsetning hafa tekist allt of vel og vald mammons endurspeglast í endalausum auglýsingum. Nú á maður að gefa ástinni síma, bíl og íbúð auk blómanna, súkkulaðsins og undirfatanna ( sem maður passar svo örugglega ekkert í þegar maður er búinn með súkkulaðið). Já, sönn ást á bara einn dag og ef þú getur ekki ( eða vilt ekki ) gefa ástinni inni nýjan síma og sjónvarp og tvo bílfarma af hjartalöguðu súkkulaði þýðir það bara að þú elskar ekki nóg.
Á valentínusardag ætla ég að ég að éta mín hjörtu, af því ég elska svo heitt.
Hér verða á boðstólum steikt svínahjörtu í brúnni sósu með kartöglum og létt soðnu brokkólíi. Bara í mótmælaskyni.
|
Nei, ég myndi líklega segja "gró öpp meeen" ég segi næstum því aldrei "mar". En ég þurfti ekki að segja neitt við hann. Hann svaf bara í nýja rúminu án þess að æmta og án þess að skræmta, vandaði sig voða mikið að nota allt rúmið og datt ekkert fram úr. Hann hefur örugglega lesið bloggið mitt, því hann gjörsamlega harðneitar að nota smekk! Stóra systirin meira að segja setti á sig smekk í morgun til að sýna gott fordæmi, en allt kom fyrir ekki. Frekar sleppir hann því að borða en að láta sjá sig með smekk.
Ég fatta ekki hvaðan þessi börn hafa alla þessa stæla og dynti. það er ekki eins og foreldrarnir hefi einhverjar sérstakar skoðanir á hlutunum eða haldi í einhverja gamla vana! je ræt.......
|
Ég er búin að taka í sundur rimlarúmið og Arnaldur formlega fluttur inn í neðri kojuna. Börnin mín sumsé orðin fullorðin og héðan í frá verður ekkert smábarnakjaftæði. Bleian verður bara tekin af og snuðinu hent og ef hann kvartar segi ég bara "gró öpp mar"!
|
Kæruleysi, smæruleysi!
Bara best að leika sér eins mikið og maður getur. Og hætta bara að hugsa um stund. Ég get það nefnilega, gleymt mér gersamlega í bílaleik t.d. og svo eftir smá stund eru slæmu hugsanirnar á undanhaldi. Og svo veit ég líka að gleðin er besta víman!!!
Mér sýnist sólin meira að segja ætla að skína í dag.
|
Það er erfitt en með góðri hjálp Arnaldar, sem er búin að skreyta stofugólfið með tölum, tekst mér að halda sönsum og vera jákvæð. Það liggur einhver ömurleiki yfir mér og mínu lífi þessa dagana. Svo mikill að mig langar stundum að hlaupast á brott. Bara út í buskann. En það má ég ekki, ég er efnilega svo ábyrgðarfull.
|
........hver og hver og kann á virðisaukaskatt!
|
Læknirinn okkar er í fríi og sá sem við fórum til í staðinn er svo rangeygður að ég vissi ekki hvert ég átti að horfa. Það var ógerningur að horfa í augun á honum. Endaði á að stara á nefið á honum sem var reyndar mjög áhugavert. Stórt og bólugrafið. Gott að hann getur bætt augun upp með því.
|
Eyddi gærdeginum í þögul mótmæli. Ég er ekki viss um að þau hafi nokkur áhrif, en í lok dags var ég búin að þegja nógu lengi til að geta sagt í hverju mótmælin fólust. Vona bara að það verði tekið mark á þeim.
Annars er AG enn veikur og þúsund sinnum pirraðari en í gær. Það eina sem getur róað hann er skrúfbitasettið hans Sigga þannig að nú situr hann með það á gólfinu. Ekki segja Sigga það samt, það má nefnilega alls ekki leika með það, ekki fyrir nokkra muni.
Læknisferð og kjúklingur á döfinni. Segiði svo að maður sé ekki með plön!
|
Vinnudagur, skautadagur, innkaupadagur, puntudagur, þorrablótsdagur.........góður dagur!
|
|
Ég tek þetta aftur, hann er duglegur að hjálpa. Sérstaklega við það sem hann hefur áhuga á. Hverjum finnst svo sem gaman að þvo þvott? Núna er hann að endurraða í hnífaparaskúffunni, eitthvað sem er búið að liggja lengi fyrir og áðan sópaði hann moldinni sem kom undan skóm systur hans út um allt svo hún væri ekki í haugum á ganginum.
|
Við veikinn erum að þvo. Hann er ekki mjög duglegur að hjálpa og grenjar í hvert sinn sem við komum inn úr þvottahúsinu. Úrið mitt er týnt og tröllum gefið.
|
Það er ekkert að gerast hjá mér þessa dagana. Kem nákvæmlega engu í verk og á fullt í fangi með bara að vera. Er samt alveg að hugsa fullt fullt og bíð spennt eftir að hugsanirnar breytist í gínur á húsþökum!! Eða réttara sagt breytist í gjörðir. Og þá er víst eins gott að vera tilbúinn þvi ég á von á meiriháttar flóði eftir svona langan doða.
Fór í dag út í Kristjaníu að hjálpa til að undirbúa þorrablótið en var kölluð þaðan eftir skamma stund af henni Lisbethu. AG var nebblega orðinn alvöru veikur og er enn.
Svo ég þarf ekkert að hafa af því áhyggjur að gera neitt af viti á morgun, get það nú ekki mikið með veikan strák og get heldur ekki farið að blóta í Stínu. Ætli ég sé þá ekki bara súkkulaði á morgun.
|
Ég sá kall sem stóð fyrir utan hús og gelti. Eins og hann væri varðhundur. Bara stóð og gelti hástöfum og það leið langur tími þangað til ég fattaði að hann var að hnerra!
|
aha, þetta byrjaði í hausnum og vann sig niður hálsinn aftanverðan og breiddist svo út um allan kroppinn. Slen.........................
|
Fór á bókasafnið í morgun til að sofna ekki heima hjá mér. Ekki það að ég vilji frekar sofna á bókasöfnum, heldur til að sleppa við að sofna yfir höfuð. Er voðalega þreitt þessa dagana og finnst alger aumingjaskapur að sofna aftur. Finnst að það hljóti bara þunglyndissjúklingar að gera og ef ég myndi sofna yrði ég sjálfkrafa þunglynd og ég við það sko ekki. Í staðin sat ég við tulvu á bókó, dánlótaði ljósmyndum sem ég get svo ekkert notað, er ennþá þreitt og morgunverkin hafa ekki borið neinn árangur. Hefði ekki verið betra bara að sofna sér? Hef tekið ákvörðun um að sofna eigi síðar en 21:05 í kvöld.
Annars er allt bjart og fallegt.
|
Púff, hvað mér finnst erfitt að vera leiðinlegi náunginn. Varð að vera það í kvöld á fundi með umhverfisnefd stúdentagarsins sem ég bý á. Það er nefnilega hálfvita-asna-moðerfokker-drulludeli sem titlar sig sem formann og skipar fólki í embætti eftir eigin geðþótta og ég er nú aldeilis ekki sátt við það. Tókst með leiðindum mínum að hafa af honum tvö stór verkefni sem hann veldur enganvegin. En mitt næsta trikk er að reka hann úr formannsstól og gera hann síðan útlægan.........Lifi byltingin!
|
mmmmmm, yndislegur morgun með fjölskyldukúri til klukkan hálf átta. Eginn að flýta sér og allir í stuði.
|
Þetta er nú meiri tíma og peningaeyðslan. Að setja upp svona leiðinlega leiksýningu. Ég var að sjá mestu afskræmingu af Tjekov sem ég hef nokkru sinni séð. Þetta var ekki einu sinni afskræming, bara hópur af fólki uppi á ljótu sviði að fara með texta. Fussum svei!
|
Konan sem er alltaf heima að gæta barna og bús; Ég, er að fara út núna þrjá daga í röð. Ég er alveg strax komin með " ég er aldrei heima hjá börnunum mínum" komplex. Sem er náttúrulega bara búllshitt og kjaftæði. Í gær var mér boðið í matarboð sem ég þáði, í kvöld er ég að fara út að borða með Einari Óla og Herði og á morgun í leikhús með Sigga. Og á þorrablót næstu helgi! Hvar endar þetta útstáelsi eiginlega??
