Obb bobb obb !!!!
|
Ég alveg gersamlega steinsvaf í hausinn á mér í alla nótt, vaknaði hvorki við næturbrölt eiginmannsins né krakkanna. Ekki fyrr er ég var beðin um að finna snuddu klukkan hálf níu, svo dormuðum við AG til klukkan hálf tíu. Það er vægast sagt mjög sjalgæft að það sé sofið svona lengi á mínum bæ, ef það hefur nokkurntíma komið fyrir.
Ég ætla að dunda mér heima við í dag, en Siggi ætlar að nota bílaleigubílin og keyra eitthvað, ég er ekki rúntmanneskja og held mig því heima við.
Helvítis háskólinn átti að svara mér í dag, en pósturinn kom með einn skitinn reikning svo ég þarf að bíða meira. Og þá geri ég það bara!
|
Magnaður dagur hjá mér. Byrjaði á að vakna á berri jörðinni, nánast, með poka yfir mér og undir. Síðan er ég búin að fara í tvo rússíbana, grafa eftir gulli, róa á bát, éta rótkill í danskri vegasoppu, skipta á rúminu, hoppa á fimmtán mismunandi trambolínum, renna mér í rennibrautum, vatns og ekki vatns, svæft sæl börn og síðast en ekki síst...... sýnt sundlaugarverði bæði brjóstin á mér í einu! Og svo margt margt fleira reyndar líka.
|
Loksins er ég búin að eignast kælitösku. Finn samt ekki enn fyrir hamingjunni sem hún átti að færa mér, en það hlýtur að koma. Ég er alla vega á leið út úr bænum.
|
Þær eru farnar að ráðast á börnin mín, flugufjandarnir. Ef þetta er ekki stríð.....
Við pöntuðum okkur bílaleigubíl í gær og erum að bauka við að opna kretitkort svo við getum sótt hann klukan tólf, það er nægur tími svo sem!
Svo höfum við í hyggju að keyra eitthvað á bílnum og gera eitthvað þegar við komum þangað. Besta plan sem við höfum nokkurn tíma gert, og erum við samt fræg fyrir góð plön.
|
Ég ætla ekki að leyfa þeim að vinna helvískum flugunum. Eins og stendur hafa þær samt yfirhöndina. Ég er bara búin að ná að drepa tvær, en þær hafa ráðist á mig a.m.k. fjórum sinnum, helvískar. Örugglega í þeim einum tilgangi að drepa mig.
Sofnaði með flugnaspaða í fanginu í gær og sem betur fer höfðu þær vit á að láta mig vera í nótt. Það er ekki vænlegt að mæta mér úrillri með flugnaspaða.
Allir í Jónshús, allir í Jónshús......
|
Merkilegt hvað sumar konur virðast hafa mikið pláss undir höndunum. Þær geta spásserað um bæin með pæjutöskur svo stórar að þær virðast geta innihaldið hálfa búslóð, á öxlinni án teljandi vandræða. Mér hefur alltaf þótt þetta voða sjarmerandi. Sérstaklega á sumrin, þá finnst mér rosa spennó að fara út með stóra strandtösku, fulla af einhverju dóti, og líta út fyrir að vera að fara að gera eitthvað voðalega skemmtilegt. En alltf klúðra ég þessu lúkki. Taskan ( og ég hef prófað fleiri en eina) er alltaf að detta út af öxlinni og ef mér tekst að klemma hana upp á bak lít ég út eins og ég sé með stærðar kryppu en alls ekki fyrir að vera að fara að gera eitthvað skemmtilegt. Peysan eða jakkinn er allur í stórri krumpu undir haldföngunum( eða hvað það nú heitir) og engin klassi yfir mér. Skammlaust, að því ég sjálf tel, get ég verið með örveski svona á öxlinni, en aðeins í skamma stund í einu, án þess að missa kúlið.
Hvað ætli maður geti lært svona kúnstir?
|
Ég er stærsti hvalur í heimi og ég syndi um með merkilegan svip!
|
Ég er farin til Brede, kem vonandi aftur........
|
Mikill hamagangur í dag. Ég fór í fílds að kaupa vetrargalla á börnin og svo fékk Siggi veslunaræði. Vildi bara vera í búðum allan dagin. Við AG fórum hins vegar bara heim að leggja okkur og enduðum með að sofa til klukkan sex, svo kvöldið verður skrautlegt.
|
Ferð dagsins var farin út á strönd í rigningu og trekki. Með okkurí för slóst Gunnar SigguLísuson sem reyndist hinn mesti veiðimaður. Afli dagsins er kominn ofan í karöflu til álsins Gunnars ( sem heitir í höfuðið á veiðimanninum). ÞS er himinglöð með álana sína, reyndar held ég að þessi kvikindi heiti
glærorm upp á dönsku, en við köllum þá ála og þeir eru sko fyrstu gæludýrin hennar og þess vegna er hún svona glöð. Brúðkaupsafmælismaturinn heppnaðist afbragðs vel, smokkfiskur og freiðivín og svo kalkúnasteik og búðingur í eftirmat. Hefði líklega átt að skella búðingnum í ofnin í smá stund og freista þess að gera "krem brúlei", en það verður bara næst.
Nú erum við hjónin farin á kojuna og allir eru velkomnir þangað með okkur sem vilja!
|
Í gærkvöldi festum við hjón uppi í Albertslund. Eiginlega á ekki lakari stað en Albertslund storsenter. Það var ekki skemmtilegt og srætóferðin til Glostrup var enn síðri, yfirfullur vagn af blautu fólki. En tónleikarnir voru ágætir.
Í morgun kom svo fullt af góðu fólki í morgunmat, frens tóst og pönnukökur með sírópi. Svo er bara að finna út hvað vænlegt er að gera í sumarfríinu í dag, sem er bæ ðe vei, brúðkaupsdagurinn okkar Sigga.
|
Nú þarf að kyngreina álinn!
|
Er ekki alveg að hlda þennan sáttmála okkar. Er óttarlega mikið pirrkerling þessa stundina, með höfuð verk dag eftir dag, étandi pillur eins og ég veit ekki hvað. mæðgurnar stefna á sundferð í sólinni en feðgarnir ætla að vera heima að tjilla. Svo fer ég að sjá Phillip Glass vin minn í kvöld með Sigga og Thomasi skólabróður hans.
|
Sumarfrí er voða skemmtilegt. Bakaríferð í bítið, spilaþörf dótturinnar fullnægt að hluta, nestissmurning og nú er ferðinni heitið upp í Jagersborg að leita að hjörtum ( og spöðum og tíglum!) og skoða höll.
|
Þó það sé geggjað stuð að vera úti á landi með gat á hausnum, er alltaf best heima. Laaaangbest. Seldi landanum skrítnar kökur í dag, engin kvartaði svo að þær hafa ekki verið alslæmar. Fjölskyldan kom svo með mér í hina vinnuna og á leiðinni heim gerðum við samning um það að í fríinu ætlum við ekki að tala hátt, ekki rífast, ekki skammast og ekki vera óvinir. Ef það gengur vel framlengjum við sáttmálan eftir frí.
|
Nú er ég í sveitinni, búin ad æla og med gat á hausnum! Er thad ekki alveg eins og thad á ad vera?
|
Ég er svo mikill afglapi stundum. Er í óða önn að baka fjórfalda uppskrift af beibírúþþ í allt of lítilli hrærivélarskál. En ég gleymdi að skilja rauðurnar frá hvítunum, svo á sunnudag verður í boði ný tegund af beibírúþþ í jónshúsi. Annars keypti ég mér bombukjól í dag, á ekki von á öðru en að Siggi verði alsæll með mig í honum.
|
Í dag flytur besta vinkona ÞS til Ísafjarðar. Einhvernvegin er það miklu lengra en til Reykjavíkur. Ofboðslega eigum við eftir að sakna hennar mikið. Þetta er líka í annað sinn sem vinkona flytur frá DK og svo í október flytur sú þriðja. Rosalega erfitt fyrir litlar skóður að skilja að allt sé í heiminum hverfullt.
En við erum að fara í sumarfrí. Tvær og hálf vika, og við vitum eiginlega ekkert hvað við ætlum að gera. Byrjum á því að fara út úr bænum í dag og yfir helgina og svo bara eitthvað. Siggi er búinn að lofa mér besta fríi sögunnar og ég ætla bara að taka hann á orðinu og hafa það svoleiðis. Í kvöld ætlum við að éta sússí uppi í sveitinni ( eða öllu heldur úthverfinu) þ.e.allir nema Siggi, hann ætlar að grilla. En það verður alveg rosalega gaman. Það held ég og sei sei......
|
Ég setti inn nýtt fólk,
Siggu Lísu og
Dóru. Óla granna tók ég bara út, hann er hvort er eð ekkert grannur, reyndar svolítið þibbinn.
Ingibjörg fær einn séns í viðbót. Gef henni viku....
Þetta er harður heimur!
|
Veðurfræðingurinn í morgunfréttunum á P1 kallaði veðrið gleðipilluveður. Kannski ættu veðurfræðingar að hafa leyfi til að gefa reseft á geðlif þegar veðrið er vont. Annars er ég bara að komast í jólaskap í öllum þessum gráma. Líklegt að sumarfríið fari í að seta upp jólaseríur. Eitthvað verður maður að gera til að bugast ekki. Undanfarna daga er ég búin að skreyta mig með blómum til að halda í geðheilsuna. Í dag fann ég svo upp á því að setja á mig rosa mikinn varalit. Vona bara að þetta virki.
|
Hvað gerir maður við vanþakkláta stelpu, leiðar húsmæður sem ekki finna æt blóm, mígrenisþjáða eiginnmenn og ofvirkan kjaftask?
|
Stundum get ég allt. Þá flögra inni í mér hamingjufiðrildi. En svo er eins og eitthvað klikki, þau kannski fljúga öll á vegg, og ég verð mesti auli sem jörðina hefur gengið. Alger helvítis aumingi, sem ekkert getur gert af viti og er öllum til ama. Núna er ég einhverstaðar mitt á milli; Auli fullur af áttavilltum hamingjufiðrildum!
|
....Já eða fýlu, pílu, grýlu, eða eitthvað helvíti.....
|
Ég er i fílu og hausinn á mér myndi passa á 10 - 12 ára krakkaskratta.
|
Bara þrír morgnar eftir fyrir sumarfrí. Jibbbíííí. Annars er það eina sem mig langar að gera núna er að setjast niður með töfratening. Ætli maður geti leigt svoleiðis á bókasafninu?
|
Jæja, þá er ég komin aftur.
Við fengum Snorra í heimsókn og hann sagði skemmtisögur og lagaði tölvuna um leið. Vona bara að það haldi. Það er búið að vera voða mikið að gera hjá okkur og allt skemmtilegt. Afmæli hjá Birni Rafnari, haldið í háfaða roki úti ú garði, fjúkandi diskar og glös út um allt, voðalega hátíðlegt og AG fann upp nýyrði; Nammæli. Ekki slæmt fyrir tveggja ára nýyrðasmið.
Svo kom fjölskylda frá Norge í mat, það var líka skemmtilegt, þó ég þekki fólkið lítið.
Afmæli hjá Ingibjörgu Hrefnu á laugardag. Hún varð þrítug, ég er nú ekki viss um að ég hefði nennt að leika mikið við hana þegar hún var þriggja og ég næstum sex, en núna er það mjög gaman! Það stóð reyndar til að halda það úti líka, en klukkan fimm var komið alvöru slagveður svo veislan var flutt inn og gestirnir rúmuðust snilldarvel, hver á sínum hálfa fermetra. Nágrannarnir höfði orð á því á sunnudag að tónlistin hafi verið svolítið hátt spiluð og kenni ég mér og eiginmanni mínum algerlega um það. Svo eru það aðal fréttirnar.....
Óli er orðinn gallabuxnagæi.
|
Hæ
Tölvan mín er biluð.
Bara kasta smá kveðju, er í vinnunni.
síjú.........
|
Ég verð svo skapvond þegar ég er lasin að það er bara engu lagi líkt. Svo verður mér svo illt í sálinni þegar ég er búin að vera skapvond að þetta er bara tómt rugl. Kaffið er meira að segja vont á bragðið! Ætli dagurinn fari ekki að mestu leiti í snítingar og horhreinsun. Göfugt starf sem ég á fyrir hendi þar!
|
Með hálsbólgu og hita og tvo sofandi roskildefara í sófanum langar mig bara aftur upp í rúm. Reyni nú samt að hressa mig við með tei og toffíköku, það þarf nefnilega að fara í banka, ná í börn, elda mat, hugsa um kaníu, vinna og margt margt fleira. Döhhhhh, nennisikki!
|
Það er hálfgerð rosskille stemming hjá mér í dag. Ekki það að ég sé moldug upp á læri, helur að ég var eiginlega full þegar ég vaknaði!
Fór samt með krakkana til læknis og þreif allt. Er núna bara að bíða eftir mákonu og svila og sonaum þeirra.
|
við sváfum svo vel með bláa gluggatjaldið ( sem var komið upp kl 21:30 í gærkvöldi) að við krakkarnir sváfum yfir okkur. Kannski var það rigningin sem barði rúðuna sem hafði svona róandi áhrif á okkur, það er svo gott að sofa í rigningu. Annars er ég farin að hafa mikinn húmor fyrir þessu veðri. Vitandi það að a.m.k. fimm miljónir manna eru búin að vera með sandalana og bikíníin í viðbragðsstöðu frá því um miðjan maí og veður stofan spáir bara enn meiri vætu og vosbúð.
