¶ 6:51 e.h. 7 comments

  jæja, ætli sé ekki bara að koma matur hér í vinnunni?
Já, maður er ekki lengi að komast inn í rythmann...  ¶ 11:29 f.h. 1 comments

  Ég er að búa til námskeið.
Ætti kannski að rifja upp hvernig svoleiðis virkar áður en lengra er haldið.
Kannski...  ¶ 5:15 e.h. 4 comments

  þá er ég byrjuð að göfga mig.
Það er ágætt. Merkilegt hvað ég er samt þreytt eftir að hafa varla gert neitt annað en að bíða eftir aðgangsorði í tölvuna í allan dag.  ¶ 8:50 e.h. 6 comments

  Jibbí, ég er búin að kaupa marga flugmiða fyrir mikla peninga...  ¶ 1:20 e.h. 5 comments

  Ég er búin að breyta heimilinu í hjallastefnustofnun; strákarnir eru inni í herbergi að dansa og hlusta á Pál Óskar á meðan stelpurnar ræða heimsmálin í eldhúsinu. Forstöðukonan bakar skonsur og setur í þvottavélina.  ¶ 12:48 e.h. 0 comments

  Jájá, þá erum við búin að fara á Úlfarsfell og í sund með Danann okkar...  ¶ 7:38 e.h. 0 comments

  Billeder for Lotte, Bo og Ditte
  ¶ 9:57 f.h. 0 comments

    ¶ 9:55 f.h. 2 comments

    ¶ 9:54 f.h. 0 comments

  Ég fékk ekkert páskaegg, svo ég stal einu nr. 1 sem Salka átti að fá í matarboði um daginn en af einhverjum ákaflega flóknum ástæðum hún fékk ekki. Flýtisverk er lýtisverk er þannig ekki alveg minn málsháttur, enda flýti ég mér oftast hægt, en ég læt hann alveg duga þangað til eitthvað annað gefst.  ¶ 9:38 f.h. 0 comments

  Ég elska svona morgna, þegar allt er stillt og tíminn líður ofboðslega hægt. Kaffið helst óvenjulengi heitt og morgunverðurinn er fullkominn, alveg sama hver hann er. Krakkarnir rífast ekki, af einhverri óskiljanlegri ástæðu og sólin meira að segja skín. Hárið tekur uþb. helminginn af svæðinu sem maður skilgreinir sem "sig" og kötturinn kemur stoltur inn með hvert ný veidda laufblaðið af öðru. Kannski maður vaski upp og helli sér upp á einn til...  ¶ 10:06 f.h. 1 comments

  Við fórum í Paradísarhelli með Lærke af því að hún átti afmæli. Auðvitað hafði stúlkubarnið aldrei upplifað nokkuð í líkingu við þennan afmælisdag. "Fosshagl" sem ég vissi ekki að væri til, fyrr en í dag, barði okkur eins og harðfisk hvar sem við fórum út úr bílnum á ferð okkar, nema á Hvolsvelli, þar var bara rok, enda enginn foss í nágrenninu.
En allir komu þeir aftur og enginn þeirra dó, þrátt fyrir að tveir hafi fest skóna sína í mýri og sá þriðju hundsað mömmu sína, sem að vanda var einstaklega vel skóuð, og vaðið á eftir skóm vinkonunnar. Þetta varð auðvitað til þess að allir, nema einn, fóru á ullasokkunum út að borða. En það má líka alveg...
  ¶ 10:10 e.h. 0 comments

    ¶ 10:10 e.h. 0 comments

    ¶ 10:08 e.h. 0 comments

 
Seljalandsfoss var í miklum ham í dag. Rauk og fauk, skvettist og frussaðist á okkur. Frostið var svo mikið í rokinu að við vorum öll íshúðuð eftir að hafa reynt að nálgast hann.
Reyndar var allt í nágrenni við hann íshúðað; gras, klettar, tré...hvað sem var bara. En þrátt fyrir kuldann skemmtum við okkur hið besta.  ¶ 10:05 e.h. 1 comments

  Þá er hún Lærke okkar komin. Hún ætlar að vera hjá okkur yfir páskana og gott betur en það. Eðlilega voru miklir fagnaðarfundir hjá vinkonunum sem hafa ekki sést frá því í desember og aumingja AG sem auðvitað var orðin heiftarlega smitaður af spenningi stóru systur, vissi ekkert hvernig hann átti að vera. Var búinn að hlakka svo mikið til að fá vinkonu sína, sem auðvitað er bara vinkona stóru systu, mátti svo varla vera með þeim og heldur ekki sofa í sama herbergi og þær.
Rétt fyrir háttatímann endaði þetta svo í alheimsdrama þar sem hann átti enga vini og það myndi aldrei koma neinn að heimsækja hann og heldur aldrei neinn gista. Voða var það sárt. Ég verð að fara að muna það að hann er ekkert lítill lengur. Þegar ÞS var jafngömul honum gisti hún um allar jarðir og dróg endalast af liði heim með sér. Mission "taka vini heim með AG" hefst um leið og frúin fer að vinna.

Annars er bara allt ágætt. Er að rembast við að leysa úr eigin sálarflækjum, samfara því að ég held friðinn á heimilinu. Það hlýtur að takast fyrir rest, hvoru tveggja.  ¶ 10:52 e.h. 3 comments

  Börn, bróðir, mágkona, frændur tveir, vinkona og sonur, vinir og nágrannar, pönnukökur, kókómalt og kaffi = gott.  ¶ 6:36 e.h. 0 comments

  Já, eins og ég vissi dró til tíðinda í gær; Nú sit ég og býð eftir símtali og hugljómun, hvorki meira né minna!  ¶ 11:01 f.h. 2 comments

  Allir þurfa að hjálpast að við að aflýsa byggingu umferðarskrímslis í hlíðunum. Nú þegar er mengunin hér hjá okkur yfir hættumörkum og með aukinni umferð í gegnum hverfið, sem fyrirhuguð mislæg gatnamót eiga að gera mögulega, verður hún óneitanlega meiri. Einn, tveir og allir mótmæla hér  ¶ 2:11 e.h. 5 comments

  Stóri snillingurinn minn   ¶ 11:54 f.h. 0 comments

  jæja, nú kemur að því að eitthvað gerist. Ég finn það á mér, svei mér þá...  ¶ 9:11 f.h. 0 comments

  Ég er líka að fara í fjallgöngu; ligga ligga lá...  ¶ 12:03 e.h. 0 comments

  Mig langar að hafa singstar partý. Anyone?  ¶ 11:02 f.h. 10 comments

  Mér skilst á helstu lagnasérfræðingum borgarinnar að ég beri ábyrgð á helv... niðurfallsófétinu sem er fyrir utan dyrnar mínar.
Ég sem get varla borið ábyrgð á sjálfri mér!  ¶ 9:23 f.h. 0 comments

  Æi, mér leiðist svo. Þarf að gera ótal hluti en kem engu í verk. Glápi bara út í loftið og læt mig dreyma. Um ekki neitt svo sem. Er óþreyjufull. Langanafull. Full löngunar í eitthvað sem ég veit ekki hvað er. Óþolinmóð. Móð. Óð. Mig langar svo....
Langar að fara í blómakjól og spariskó og dansa heila nótt. En er eitthvað svo kallt, treysti mér ekki alveg í kjólinn. Gæti samt örugglega dansað mér til hita.
Ó, örlagadísir látið þið eitthvað fara gerast!  ¶ 2:44 e.h. 2 comments

  Nýr dagur.
Við Lúna erum heima að sækja um vinnur. Fyrst hún fær ekki að ganga menntaveginn með ÞS er best að hún fari að vinna eitthvað...  ¶ 9:22 f.h. 0 comments

  ÞS stalst með köttinn í skólann í morgun.
Sagði að hann hefði laumast inn í skólatöskuna og bara hoppaðu upp úr, henni að óvörum, þegar hún var komin í skólann. Ég kaupi það svo sem ekki, en skil alveg að hún hafi viljað fara með köttinn með sér.
Öllu verra er að kennarinn hringdi í mig þegar ÞS og vitorðsmaður hennar, ÞP, voru búnar að vera klukkutíma á leiðinni "heim" aftur með kisu og bað mig að fara út að gá að þeim. Ég fann svo kattarþjófana með köttinn í fanginu ca. 3 metra frá skólalóðinni á leiðinni í áttina að skólanum. Ég veit ekki hvað þeim gekk til. Spurði ekkert. Varð hins vegar á að skammast verulega í þeim. Hef mér það reyndar til afsökunar að kennarinn skammaði mig og sagði mér að skamma þær. Og auðvitað svaraði dóttirin mér með fullum hálsi, eins og henni einni er lagið, sagði að ég skildi aldrei neitt. Sem er að mörgu leiti rétt. Stundum skil ég ekki hvaðan hún hefur þessa heift og ókurteisi. Ég skil ekki af hverju hún þarf svona mikið að rífast við mig. Skil ekki stjórnleysið.

En svo tók ég kisu og bar hana heim og sendi ÞS og kó með harði hendi og skömm aftur í skólann.
Síðan hefur bara ekkert til hennar spurst, sem er kannski ágætt, því ég veit ekkert hvernig ég á að taka á þessum hálfvitaskap.
Veit bara að ég þarf að ná í tauminn á henni og rykkja vel í. Þarf að ná stjórninni.
Vona að hún skili sér einhvertíma heim...

Efnisorð: 1

  ¶ 3:25 e.h. 3 comments

  Djös.. hvað er lítið að gerast eitthvað. Ég ennþá hálf veik annan hvern dag og lít út eins og alger aumingi. Langar að gera eitthvað skemmtilegt, en verð víst að finna mér vinnu, finnst það ekkert skemmtilegt. Kannski ég auglýsi mig bara hér með:
Mig vantar vinnu, er rosalega dugleg og get næstum því allt.
Sá sem vill fá mig til starfa er beðinn um að hafa samband á heidruno@gmail.com.
Get byrjað strax  ¶ 2:31 e.h. 3 comments

  Ég er að fara að vinna alvöru vinnu í fyrsta skipti í langan tíma og hlakka bara til. Kvíði samt líka smá fyrir; sérstaklega út af heilsufarinu; lungnaþemba og tognaður háls er ekkert endilega málið þegar maður er að fara að vera á hlaupum að bera hluti heilan dag. En ég hlít að geta harkað þetta af mér eins og mér inni er lagið.

Ég sendi baráttu kveðjur til Brelínar; það þýðir ekkert að hætta núna, stelpur, koma svo!

Svo hvet ég alla sem ekki eru í berlín né verða lokaðir inni í frímúrarahúsinu í allan dag að fara út að leika; það er svo gott.  ¶ 11:20 f.h. 4 comments

  þá er ég farin á vit örlaganna. Það verður spennandi að sjá hvað kemur út úr þeim fundi.  ¶ 9:34 f.h. 9 comments

  ...annars er ég bara að drepast úr leti og mér finnst það bara gott hjá mér...  ¶ 3:21 e.h. 1 comments

  Þetta eru voða skemmtilegir og ágætir tímar. Best að njóta þeirra á meðan þeir vara...  ¶ 2:46 e.h. 0 comments