Obb bobb obb !!!!
|
Sko ég fer ekkert ofan af því að vinstri hliðin á mér er eitthvað gölluð. Nú er ég komin með risa
bólu inn í vinstra eyrað. Ja, nema einhver hafi gefið mér eyrnafíkju!
Ekker fútt í þessum krökkum, allir bara sofandi. Og þá skiptir engu hvort þau eru tvö eða fjögur. En ég ætla nú ekkert að fara að kvarta yfir því. Hins vegar ætla ég að kvarta yfir því hvað börnin mín geta verið móðursjúk stundum.
Voðalega geta börnin mín verið móðursjúk stundum. Taka svona tímabil þar sem þau þurfa stöðugt að vera hjá mér. Meira að segja þessi litli segir: "mamamama, mamamama" og horfir á mig löngunar augum þangað til ég tek hann. Stelpan vill helst ekki eiga bróðir núna, henni finnst hann taka of mikið pláss og hún vill
bara vera hjá mér.
Ég skil þau ekki, ég er ekki svo skemmtileg ! Svo eiga þau líka alveg fyrirmyndar pabba sem situr bara auðum höndum því þau vilja varla sjá hann núna. Ég hlakka til þegar þau læknast af þessari sýki og ég verð aftur frjáls ferða minna á heimilinu.
Ég er farin úr tölvunni.........
|
Ætti maður ekki bara að drífa sig út, drepa mann eða nauðga konu eða eitthvað álíka og fara svo kaupa sér hreina samvisku einhverstaðar. Best væri líklega að kaupa sér samvisku barns, sem ekki hefur haft tækifæri til að drepa mann sjálft. Það væri örugglega allt í lagi, svo lengi sem maður borgaði vel fyrir það.
Fávitar!!!!
Annars stefnir allt í rosa stuðkvöld. Fjögur börn í húsinu. Vá, ég hef aldrei áður passað fjögur börn í einu. Veit svei mér ekki hvort ég sé með réttindi til þess.
|
Rosalega er ég fegin að nota ekki hed and shólders. Ég væri örugglega voða lengi að þvo á mér axlirnar alltaf!
|
Hvar eru kjólarnir ?
Ég fór í búð í dag, ætlaði að kaupa mér kjól. En nei nei, enginn kjóll. Ekki einn kjóll í heilli pæjubúð. Hvað á það að þýða?
Ég skil þetta bara þannig að annað hvort á ég að vera í gömlum kjól eða í hermannabúningi og támjóum skóm.
Þetta er ansi flókið þetta með tískuna.
Ég held ég verði bara heima.
Af hverju er ekki til einhver hátíðarbúningur á konur sem svarar til jakkafata karla ? Er það kannski dragt ?
Mér finnst dragt hallærisleg, sko.
Ég held ég verði bara heima.
|
Þá ætla danir að taka upp slæma siði íslenskra frænda sinna. Í staðinn fyrir að minnka útblástur koltvísýrings um 21% fyrir 2012 eins og þeir sömdu um í kíótó þá ætla þeir bara að kaupa
"koltvísýrings-kvóta" frá einhverju landi sem ekki á olíu til að brenna. Já , það er nefnilega ódýrara , segir umhverfisráðherran; stoltur yfir að geta sagt kjósendum að þetta leiði til þessa að skattar hækka
ekki út af helv. umhverfismálunum.
Hver í andskotanum er eiginlega meiningin með svona samþykktum ef það er bara hægt að kaupa sig út úr þeim, eða fá undanþágu, eins og íslendingar fengu?
Fávitar!!!!
|
Ég var að setja inn nýjar myndir af mér og mínum. Ég er nú svoltið montin af okkur.
|
Það er ógeðslegt hvað það kemur mikið af rusli frá okkur. Ekkert sérstaklega mér og minni fjölskyldu, heldur bara okkur öllum. En þar sem ég bý ekki með ykkur þá veit ég ekki hversu miklu þið hendið á einum degi. En við hér hjá mér fyllum einn ruslapoka á sólarhring. Mér finnst það ömurlegt. Ég er farin að skammast mín fyrir að fara út með ruslið og ég reyni að fara þegar flestir í blokkinni eru annað hvort sofnaðir eða ekki vaknaðir. Satt best að segja reyni ég æ oftar að koma því yfir á spússa minn að losa okkur við úrganginn.
Hver pokinn á fætur öðrum fullur af einnota drasli, umbúðum og matarleifum. Sorglegast finnst mér að henda öllum þessum mat. Börnin í bí-afra eru mér enn í fersku minni og ég efast um að þau séu orðin södd!
Ég veit ekki hvernig ég get tekið á þessu. Eflaust gæti ég breytt um lífstíl. Orðið vistvæn, farið að hugleiða og drekka kamillute ( til að komast almennilega í karakter) en ég geri það samt ekki. Ég fæ mér bara annan kaffibolla, jafnvel einnota af því að ég nenni ekki að vaska upp, og held áfram að gera ekki neitt......
...nema skammast mín!
|
Já svei mér þá, ég held að ég sé loksins farin að líta út fyrir að vera kona. Þó að manninum mínum finnist það ekki. Ég hef verið þéruð núna tvisvar með stuttu millibili í verslunum. Maður þérar hér ekki nema fullorðið og virðulegt fólk. Ég er örugglega ekki virðuleg, heldur er ég meira orðin fullorðin og það sérst meira að segja á mér. Ligga ligga lá!
|
Hæ
mig dreymdi að ég væri að hjóla í vondri færð og það var allveg að verða loftlaust í dekkjunum.
Er það ekki örugglegga fyrir peningum?
|
Það er ekki mikill fyrirmyndarbragur á heimilinu þegar litla barnið fer ekki að sofa fyrr en klukkan hálf tíu, kerlingin hámar í sig nammi og karlinn er á leiðinni á barinn. Eða hvað, kannski á þetta að vera nákvæmlega svona, eða sko fyrir utan þetta með svefntíma barnsins. Kallinn fullur og kellingin feit og útbíuð í súkkulaði.
Þorbjörg er hins vegar alveg til fyrirmyndar, hún er að fara í sirkús á morgun með leikskólanum og sofnaði á mettíma. Hún heldur að það verði kannski krókódílar í sirkúsnum sem eru með voða litlar tennur og bíti í hendurnar á krökkunum. En bara laust af því að þeir eru með svo litlar tennur!
|
Æi þetta hjálpar ekkert. Mig langar ekkert í snikkers, mars, læonbar eða tvix. Því síður í eitthvað maribohommadrasl. Mig langar í æði og hraun og lindubuff og nóakropp og lakkrísrúllu og prins póló og krembrauð og eitthvað almennilegt gúmmilaði. Ég held bara svei mér þá að ég sé með bullandi nammiheimþrá!
|
Mig langar svo í súkkulaði!
Mig langar svo mikið í súkkulaði þessa dagana að ég held að líkaminn minn sé að gera uppreysn. Hann veit að ég á ekki að vera "høj og slank". Hann veit að ég er í eðli mínu bolla. Hann er loksins farinn að taka völdin og ég verð að hlusta á líkamann minn. Ég bara verða að láta unda. Ég er farin út í sjoppu...........
|
KONUDAGUR
Í dag ælta ég að gera bara það sem er konulegt. Fæða börn og vera á túr og eitthvað sem aðeins konur gera.
Fékk konudagsgjöf í morgun, svarta termosokka og kinder egg. Já það er gott að eiga góða að!!
|
Þá er pönnukökupartí í uppsiglingu og stjórinn í essinu sínu út af því. Hann er nú einu sinnu pönnukökusnillingur. Núna verða þær með bananadropum og svo setur maður súkkulaðiálegg og sultu á þær. Nammi nammi namm.
Það bara hlýtur að vera að koma vor hjá okkur. Leikvöllurinn sem er beint fyrir framan gluggana okkar er nefnilega búin að vera fullur af börnum í allan dag. Stundum er voða gott að hafa hann svona nálægt af því að þá getur maður alltaf séð barnið sitt út um gluggan. Þ.e. ef það hunskast til að vera inni á honum. En á sumardegi þegar er svona c.a. fimmtíu manns beint fyrir utan hjá manni er maður orðinn nokkuð leiður á látunum í lok dags, skal ég segja ykkur.
Norrebrogade er frábær. Robboslega mikið af fólki alltaf, allavega fólki; gulu og grænu og brúnu og rauðu og svörtu og bláu og bleiku og stóru og litlu og feitu og mjóu og ljótu og fögru og ég veit ekki hvað og hvað. Ég væri sko alveg til í að hafa hana fyrir utan gluggan minn í staðin fyrir rólóinn. Þar er endalaust líf. Það finnst mér gott.
Hún Kittý kærastan hans Palla er frá Hollandi. Í Hollandi býr margt margt fólk. Og miklu fleiri en yfirvöld þar vita. Hún verður stundum voða paranoid hér í Köben. Það eru nefnilega of fáir fyrir hana. Henni finnst að það hljóti að vera eitthvað spúkí staðir sem ekki eru fullir af fólki alltaf.
Og svo finnst okkur að við búum í stórborg!
|
Ég er að pæla í að fara að markaðssetja giftingarhringi með innbyggðu GPS-staðsetningartæki. Meira að segja Tinna týndi Janusi í gær og ætlaði að reyna að klína því á mig. Ég get svo svarið það að ég setti hann á sinn stað eftir skóla !
|
Í hádeginu fer herpikkollóflautu/trommusveit með varðmenn og löggur í monttúr um götur miðborgarinnar. Hvers vegna ? Ef herinn er að reyna að minna á sig með þessum hætti þá finnst mér það ekki takast neitt rosa vel, sko. Ef þeir myndu skipta út flautunum og trommunum fyrir skriðdreka og "hrískotabyssur", þá værum við að elda!!!
Ég er að hugsa um að sérhæfa mig í að þýða frasa ýmiskonar yfir á íslensku.
Now we'r cooking = Nú erum við að elda
Alle tiders = Allra stunda
og svona!!!!
|
MIg vantar barnapíu og auglýsi hér með eftir henni!
Hún verður að geta sætt sig við að sofa á sófanum og þiggja þau laun sem kommúnan býður.
Gott væri að hún kynni á harmonikku, en það er ekki skilyrði.
|
Maðurinn minn hins vegar var óþekkur í nótt. Ekkert kinkí sko, bara óþekkur. Ætli ég elski hann of mikið ?
Þetta er nú meira ruglið.
|
Ég vað að pæla í því hvort það geti verið að ég elski Þorbjörgu meira en Arnald. Hann er nefnilega ekkert óþekkur!
|
Ég var að fá góðar fréttir og það var að renna upp fyrir mér að ég er ekki eins vitlaus og ég hélt ég væri.
Það er sko krakki á leikskólanum hennar Þorbjargar Sölku sem heitir Agamjoit. Ég hélt alltaf að Agamjoit væri stelpa. Barnið er með sítt svart hár sem fléttað og sett upp í hnút. En svo sá ég barnið einu sinni bert og þá kom í ljós að það var með typpi. Ég heyrði þemalagið úr "kræing geim" í hvert sinn sem ég sá drenginn og vorkenndi mömmunni voða voða mikið að eiga stelpu með typpi !
Hann er sko útlendingur og pabbi hans er sikhi ( líklega er hann þá frá Pakistan ) og nú var ég að komast að því að samkvæmt trú þeirra ber fólk fornafn sem er
óháð kyni. Konur bera svo millinafnið Kaur, sem merkir prinsessa, og allir karlar bera millinafnið Singh, sem merkir ljón. Svo hefur fólkið líka eftirnafn sem það notar samt helst ekki vegna þess að það setur það í ákveðnar stéttir og þær trúa sikhar ekki á.
Þannig að Agamjoit hefði sko alveg getað verið stelpa, bara ef hann hefði ekki haft typpið !
|
Þetta er nú meira pakkið þessi ríkisstjórn hérna, það skársta við hana er að hafa ekki haft tækifæri eða leyfi til að kjósa hana yfir sig. Nú eru þau farin að rukka fólk fyrir að sækja um skólavist, a.m.k. í listaskólana. Hvað er nú það? Vilja þau ekki að fólk sæki um eða vilja þau bara að ríkari nemendur læri listir? Ég skil þetta ekki enda kannski ekki von frá stjórn sem er samansett af fasistum og hægrimönnum sem kalla flokkinn sinn venstre !!!!!
Annars var ég að lesa grein um óþekkt barna. Núna er einhver fræðingurinn búinn að finna það út að börn sem eru óþekk eru örugg. Örugg með sig, örugg um umhverfi sitt og síðast en ekki síst örugg um ást foreldra sinna á sér. Hvort á þetta að kenna fólki að elska börnin sín ekki svona mikið (eða svo augljóslega að börnin verði vör við það) eða vera uppövun til þeirra sem eiga óþekk börn ?
Eru ekki bara sum börn óþekk önnur ekki?
Elska ég börnin mín meira en nágrannarnir sín??????
|
Á ballinu var ég hluti af besta lúftgítarkvartett í heimi. Við vorum svolítið lík ABBA en samt betri. Ekkert rauðhærð eða sænsk eða neitt glatað. Bara ýkt kúl gengi; það vorum við Siggi og The Elgaards. Svo komu session spilararnir Ingunn og Gunni putti sterk inn. Hljómsveitin átti ekkert í okkur.
|
Bloggi, bloggi, blogg!
Óskírður Ólafsdóttir fær nafnið Arnaldur Goði Sigurðarson í dag. Til hamingju með það.
Annars skín bara sól í augun á mér.
|
Balldagur
1. Drengur veikur
2. Túrverkir
3. Hálsbólga og hósti
4. Spariskórnir þröngir
|
Já, auðvítað keypti ég heilan helling annað en kósettpappírinn, var bara heppin að gleyma honum ekki. En mig sár vantaði það allt, líka Marsísinn og bjórinn!
Ég held ég nenni ekkert að blogga meira í dag, enda föstudagur. Ég má líka ekkert vera að þessu, ég er nefnilega í óða önn að ganga til spariskóna, það er sko ball á morgun.
|
Mér er runnið æðið, nú langar mig ekki í neitt lengur. Finnst ég meira segja eiga of mikið af dóti eins og er. Samt veit ég vel að ég á ekkert að ráði. Ég lofa því að kaupa bara klósettpappír á morgun og ekkert annað.
Venjulega þegar ég fer út til að kaupa kannski einn hlut eins og t.d. klósettpappír, kem ég heim með a.m.k. eitthvað þrennt annað. Og ég veit bara ekkert af hverju. Ef vörunum í búðinni er stillt upp út frá einhverjum fræðum sem byggjast á því að láta fóklk kaupa sem mest þá eru þau alveg að virka á mig. Og djöfull fer það í taugarnar á mér. Það er bara eins og ég ráði mér ekki sjálf þegar ég fer í búðina; geng um hummandi: " bara'kaupa'klósettpappír, bara'kaupa'klósettpappír" aftur og aftur og svo alltí einu er ég komin með fullt fangið af einhverjum óþarfa. Kexi og einhverjum fjáranum öðrum sem ég hef ekkert við að gera.
EN NÚ ER ÉG HÆTT
Annars nenni ég ekkert að vera andvaka neitt að ráði, er meira að segja farin að geispa eða geyspa........ Oh ég hata stafsetningu................. stundum lángar mér bara að skryfa allt eynkvernvegin eyns og jég vil og fokkjú barrasta og láttu myg vera og þá láta þaug þyg vera í fryði.......
Nú líður mér betur og ætla að fara að lesa bók sem er fallega stafsett, bók sem ég hef keypt í búð....Nammmmmmmm!!
|
Ég er með kaupæði. Ég er með kaupæði. Ég er með kaupæði. Mig langar svo til að kaupa allt í heiminu. Af hverju ? Nú til að vera búin að kaupaða !!!!
Annars er ég bara búin að vera lasin í dag og hef ekkert keypt í allan dag. Hins vegar horfði ég smá á TV-shop og mig langaði í
allt en ég keypti samt ekki baun. Hins vegar er ég búin að sofa nóg fyrir heila viku svo ég stefni á andvökunótt. Hvað ætti ég að taka mér fyrir hendur á meðan hitt fólkið sefur ?
bæ
|
Ég var að lesa í blaði, bréf frá manni sem á við það leiða vandamál að stríða að han fær aðeins kynferðislega örvun við það að horfa á tvær konur gera hitt. Það er kannski ekkert vandamál í sjálfu sér enda nær hann að svala sínum fýsnum á hverju kvöldi með því að horfa á vídeospólur með myndum af dónakonum. En hitt er verra , konan hans harðneitar að sofa hjá annari konu og leifa honum að horfa á, ÞRÁTT fyrir að hann hafi marg beðið hana. Já , heimur versnandi fer!!!!
|
Fyrir næstu Óplimpíuleika fatlaðra ætla ég að vera búin að koma mér upp góðri gyllinæð og keppa í 200m grindahlaupi fyrir fólk með 5-20cm gyllinæð. Ég held að það sé kynningargrein !!
|
Ég er farin úr tölvunni........................................................
|
Ég er þrjátíu og eins árs og ef ég segist vera stelpa, er eins og ég vilji ekki verða fullorðin. En ef ég segist vera kona þá finnst mér ég vera að tala um einhverja aðra en mig.
Hvernig á ég að snúa mér í þessu?
|
Ég er ekki dauð. Stúlkubarnið var samt alveg til í að verða munaðarleysingi, bara ef hún fengi að ráða. Mikið hlakka ég til þegar hún verður unglingur!
Annars er bara allt of mikið að gera hjá mér í þessu fríi. Ég er nebblega að undirbúa byltingu og því veitir víst ekki af. Þeir sem kunna að fara með efnavopn,sprengiefni eða miltisbrand eru hér méð beðnir um að hafa samband. Einnig vantar fólk til að sjá um kaffið.
|
Það er óvíst hvort ég bloggi nokkurn tíma aftur. Dóttir mín ætlar að fara með mig út og henda mér í vatnið. Hún er mjög reið núna.
|
Nú er ekkert gaman. Buddan er líklega tínd og svo ég er voða leið.
|
Hafiði nokkuð séð budduna mína?
|
SUNNUDAGUR FRÁ HELVÍTI
Ég ætlaði að ganga niður að Reykjavíkurtjörn með börnin í dag, var sko alveg í stuði og vildi svo gjarnan gleðja hana Stínu mína með smá heimsókn í leiðinni. En við urðum fyrir hrottafenginni svanaárás við Christianshavns-vold og treystum okkur ekki til að standa augliti til auglitis við fleiri fjaðraða fjandvini í dag. Fram að þessu hefur mér tekist að halda alltaf kúlinu hvað hræðslu varðar þegar börnin mín eru með mér, en í dag var það ég sem hrópaði: "Flýum, flýum!! þeir ætla að éta Arnald !!! og svo hljóp ég af stað, burt frá þessum furðuskeppnum. Hefur bæ ðe vei einhver lifandi maður heyrt Svanasöng? Þetta er bara bölvað garg. ( kannski ætti ég að fara varlega í að tala illa um fugla???) Á leiðinni heim trúði Þorbjörg mér svo fyrir því að svanirnir hafi ætlað að éta úr henni hjartað. Kannski að ég feli bókina um líkaman í einhvern tíma, lestur hennar getur eflaust haft í för með sér rosa martraðir þegar maður er bara ný orðin fjögurra. Allt í blóði og bakteríum ínní okkur, ógeð.
Við komumst hins vegar á frábæra listasýningu , sem var hönnuð fyrir börn og höfðaði kannski þess vegna svona vel til mín. Hún er í Nicolaj kirkju sétt neðan við strikið, ef einhver á leið þar um. Svo fengum við okkur kaffi og kökur og svona. Og svo hamborgara og franskar og popp og kók og súkkulaði og mér er orðið bumbult.
farin að horfa á Lalla djóns......
|
Bloggi, bloggi blogg. Klukkan er farin að ganga tíu og endurnar eru líklega farnar að bíða. Stjórinn liggur meðvidundar-lítill inni í rúmi og okkur hin er sárlega farið að vanta frískt loft. Þorbjörg er eins og úfinn hænurass og Arnaldur er búinn að éta frá því að hann vaknaði og ætti að vera búinn að koma sér upp nægum forða til stuttrar gönguferðar!
Ég er bara í rosa stuði eins og við er að búast á sunnudagsmorgni. Sólin skín og lífið brosir við okkur.
Hastala bæ
|
Ég var alveg ákveðin í að svara
HEL. Segja henni að ég tali bara víst illa um konur þegar þær eiga það skili. Konur geta nefnilega verið alveg eins óþolandi og karlar. Ég er ekkert endilega með öllum konum í liði, þó ég sé líka kona. Það eru nú einu sinni rúmlega þrír miljarðar kvenna í heiminum og langt frá því að þær séu allar góðar.
Ég þekki líka alveg konur sem fara ekkert í taugarnar á mér, kannski svona þrjátíu! Þær eru líka alveg meiriháttar, eins og tyggjó sem aldrei missir bragðið. Svo ætlaði ég að segja henni að mér finndist vanta hjá konum jákveðni í garð hverrar annarar og samstöðu þeirra á milli og ég veit ekki hvað og hvað. En ég nenni því ekki. Hún verður bara að eiga það við sig hvort hún lætur mig eitthvað fara í taugarnar á sér. Frá mér fær hún hins vegar baráttukveðjur í stórum stíl.
Og hana nú!
|
Sko í dag er ég búin að; sofa lengi, fara í magadans og kaffiboð, baka kökur og vera pirruð og allt með EINARI!
|
Mér er illa við ALLA túra ! Ja, nema göngutúra!!!!
|
Jæja, hendin er orðin aðeins skárri. Ef ég hefði vitað að þetta myndi verða svona vont hefði ég ekki látið gera þetta. Tómur hégómi.
Annars er ég farin að halda að vinstri hlið líkamans míns sé bara meingölluð; stór hrukka við vinstra auga, "handakúlumein" (sem ég var að láta fjarlægja) og til að toppa þetta er vinstra brjóstið minna en það hægra.
Ég get ekki annað en tekið undir með Rut Reginalds: ÉG ER FURÐUVERK
|
var að koma úr uppskurði á hendinni, blogga meira á morgun eða í kvöld.
bæ
|
HEL var að skamma mig fyrir að tala illa um konur. Ætli hún sé líka skotin í mér?
|
Flosi Fellibylur geriðisvovel !!!!!!
Hann er stundum reiður, stundum góður, stundum ljótur og stundum fagur og stundum segir hann ekki neitt, þá líður honum illa. Og þá sendi ég honum fallegar hugsanir.
|
Hvað ætli sé að frétta af honum Jóni gröfumanni?
Vonandi hefur hann það gott og er á lífi. Mér þykir vænt um Jón göfumann og það er pottþétt gagnkvæmt. Kannski var hann pínulítið skotinn í mér, hann skammaðist allavega heil ósköp í mér, sértaklega þegar ég kom einu sinni á verkstað með vasahníf einn verkfæra. Vá hvað hann varð reiður!
Gildir ekki það sama um það að skammast í og að taka húfuna af?
|
ATRIÐI: þrjár stúlkur sitja og eru í þann mund að fara að kynna lokaverkefnið. Heiðrún ofurkúl situr svolítið frá. Þær opna síðuna, verða hissa: " hva, hvor er de ændringer vi lavede i morges?????? Heidrrrrunn hvor er de henne, kan du ikke bara lige hjelpe os?"
-Lagde I dem ikke i den nye mappe jeg sagde til jer at jeg havde lavet til færdigproduktet?
-Nej altså, nu er det....
Ljósin slokkna, reykur fyllir stofuna,sprengingar og eldtungur og loks kastari á Heiðrúnu sem stekkur upp á borð í korseletti, netasokkabuxum og latexstígvélum með donnu sommer hárkollu. Tónlistin byrjar og samnemendurnir fylgjast agndofa með......
Stúlkurnar þrjár færa sig og krjúpa framan við ofurstelpuna og hún syngur dimmri röddu: I ER NOGLE DUMME SVIN; I ER NOGLE DUMME SVIN og slær nokkur svipuhögg út í loftið til að leggja áherslu á orð sín.
Kennarinn gefur í kjölfarið Heiðrúnu hæstu einkunn og stelpurnar lofa að gera svona nokkuð aldrei aftur!!!!!!!
Það gott að vera komin í vetrarfrí
|
Hey, tékkidi á Sverri besta thar má medal annasr finna Prinsessubókina okkar Sigga og Sölku
|
Ó hvad thad er SKEMMTILEGT ad vera komin í skólan thegar hópfélagarnir hlusta ekki á thad sem madur segir. Núna eru thær ad vinna med sídu sem ég er búin ad kópera og flytja annad, thad er ad segja endanlegu úgáfuna af henni. Thannig ad núna eru thær bara ad fokka eitthvad út í loftid. Konur eru fífl upp til hópa!!!
Tip: Hlustidi á thad sem ég segi, ég er ekki asni.
Æi, en leidinlegt ad thær skilji ekki íslensku thessar elskur.
|
Hva! það hefur einhver í Finnlandi álpast inn á síðuna mína og tveir í bandaríkjunum (NB með litlum staf til að mótmæla stríðspælingum búss og kó). Nú fer ég alveg að ná heimsyfirráðum. Ha,Ha, ha.....
En nú er ég leið, PROJECT X þarf að bíða fram á föstudag. Ég verð alltaf svo voðalega leið þegar fólk hættir við að gera eitthvað sem það hefur ákveðið að gera með mér. Þó svo að ég viti kannski að það sé ekkert við því að gera , t.d. ef fólk hefur lent í slysi eða eitthvað álíka, verð ég samt leið. Ekkert sár eða reið eða fúl. Bara ósköp leið.
Samt er ekkert betra ef fólk getur ekki tekið ákvarðanir og segist ætla að hringja á morgun og sjá eitthvað til. Það HATA ég.
Æi ætli það sé nokkur leið að gera mig ánægða????
|
Nú er aldeilis verid ad undirbúa stórvirki á heimilinu. En audvitad má ekkert segja strax. Ólöf kemur aftur í kvöld og thá byrjum vid. Ég kýs ad kalla thad: PROJECT X.
Annars er ég ad leita ad gullinu sem ég átti ad fá í mund í morgun. Ég get svarid ad ég vaknadi voda snemma, en ég finn ekkert gull.
Thad er alltaf verid ad snuda mann!!
Ég er farin ad bída eftir vorinu. Mér finnst thad allaf vera ad koma. Á morgnana thegar ég fer út syngja fuglar og ég veit ekki hvad. En svo fer bara ad snjóa svona upp úr hádegi. Ekki mikid vor í thví.
Bæ!
|
Úff hvað það er gott að losna við svona lag sem maður er búinn að vera með á heilanum allan daginn. Nú megið þið taka við.
|
Ég heiti Magnús, ég á mér snjóhús. Við skulum syngja lag !
|
Ein ég sit og blogga inní litlu húsi, engin kemur ad sjá mig............
Ég er bara svolítd leid eftir ad ég fékk mér thetta teljaradrasl. Af einhverjum völdum hélt ég ad allur heimurinn væri ad lesa bloggid mitt.
En nei nei, bara vodalega fáir. Ò hvers á ég ad gjalda?????
|
Já, já, Sören sagði að ég væri skökk. SKÖKK. Hvað heldur hann eiginlega að hann sé, segjandi mér eitthvað svona. Hann er nú bara hommískur jókakennari. Þá vil ég nú heldur vera skökk.
Nei það borgar sig ekki að tala illa um Sören, hann á ekkert illt skilið og er voða sætur. Ekkert skakkur. Bara geislandi og skínandi og ber þess glögglega merki að vera með ristilstarfsemina í fullkomnu lagi. Pottþéttur.
Ég var að slökkva á imbanum. Ég þoli ekki fáránlega sjónvarpsþætti um krísur.
Núna var að byrja þáttur um lífið á barnakrabbameinsdeild. Kommon, er ekki lífið alveg nógu súrt í sjálfu sér. Hvernig í ósköpunum ætti maður að hafa áhuga á að horfa á viðtöl við foreldra og börn þeirra sem eiga kannski enga von um bata. Ég veit það svei mér ekki. Það er allavega fullt af einhverju svona sjónvarpsefni hér hjá mér; "Fyrirburadeildin" þáttur um fyrirbura. Fylgst er með foreldrum og börnum þeirra gegnum súrt og sætt: Læknirinn" Jæja ,Jón og Gunna, barnið ykkar er alvarlega heilaskaðað. Hvað segiði þá ?
Gunna liggur enn í fæðingarrúminu og grætur, Jón lítur undan....... Klipt yfir á kaffistofu ljósmæðranna!!!!!!!!
Er einhver furða að fólk sé eitthvað hálf ömurlegt horfandi á svona lagað og fleira álíka.
Frekar ætla ég að teikna mynd af gulu blómi og stóru tré. Það er ekki neitt voða dapurlegt.
Ýkt heppin ég í gær, haldiði bara ekki að netið hjá mér hafi legið niðri einmitt þegar ég ætlaði að fara að blogga af tómri skildurækni.
En nú fer ég að teikna, bæ
|
Í dag er ég engill. Ég svíf um heiminn og fylgist med ykkur. Af hverju eru thid ekki ad vinna?
Skammisti ykkar !!!!
|
Hversu margir ætli taki eftir því ef maður fer tvö kvöld í röð út í sömu fötunum?
Ef ef maður er ekki að fara hitta sama fólkið? Tekur þá nokkur eftir því nema maður sjálfur?
Er ekki bara öllum nákvæmlega sama í hvaða búningi maður er.
Það er auðvitað aðalmálið að manni verði ekki kalt og sé hress og haldi hópinn!!!
|
Hvernig í ósköpunum geta krakkar lifað á einni tyggjóplötu heilan dag. ( Ekki það að mín börn geri það nokkurn tíma. Hér er alltaf passað uppá að allir fái þrjár aðalmátíðir á dag og mat úr öllum fæðuflokkunum. jé ræt!!!!)
|
Það er skrítið hvernig sumir dagar bara líða án þess að maður geri nokkuð. Maður bara einhvernvegin lufsast áfram og finnst fáránlegt að einhverstaðar úti í veröldinni séu jafnvel börn að fæðast eða menn að undirbúa stríð.
Í mínum heimi gerist ekkert markvert, maður bara dundar sér við að sópa upp brauðmylsnu, fær sér stöku kaffibolla og horfir löngunaraugum á alla fleti sem maður gæti lagst flatur á.
Enn skrítnara er að svona dagar virðast oftast koma daginn eftir að maður er búinn að vera að drekka brennivín!
