Obb bobb obb !!!!
|
Mikið var gaman í gær. Mikið hlegið, mikið dansað, mikið hlegið og mikið hlegið. Og áður en þetta hláturkast hófst hljóp ég í fyrsta sinn tíu kílómetra og tók á móti konum í heimsókn. Það var líka gaman. Nú ætla ég að fara og kaupa grænmeti og gúmmilaði og elda svo veislumat fyrir okkur Ingunni í kvell. Það verður nú gaman. Hey....það er bara allt gaman núna!
|
Loftið er þykkt eins og hálfbráðnaður vaniluís.
|
Lyklaborðið strækaði og ég hef ekkert getað skrifað, lengi, lengi. Það kemur svo sem ekkert niðri á þessu bloggi, því ég hef ekkert að segja. Ekki einu sinni þótt ég sé búin að fá lánað forláta Compaq lyklaborð hjá Ólafi Rafnari vini mínum og nágranna!
En ég lofa að segja frá ef eitthvað markvert gerist í lífi mínu.
|
Við erum smám saman að skríða saman eftir fríið. Ég er ekki eins angurvær og í gær ( tilvalin setning í dægurlagatexta) og er að skera óhollustuna niður, slapp naumlega með tvær karamellur og einn bjór í gær. Arnaldur fór ekki grátandi á leikskólann en það sló aðeins saman fyrir honum eftir að við höfðum skilað ÞS á frítíðs. Þá sagði ég "jæja, þá förum við í leikskólann!" Hann brosti út að eyrum og sagði undurblítt: "Eigum við bara að fara tvö í leikskóland, mamma?
|
Sumarfríið formlega á enda og það er farið að rigna.
Þetta er svona ljúfsár dagur; gott að fá hafragrautinn sinn og hlaupatúrinn aftur, en voða vont að skilja börnin eftir grátandi og hundfúl á stofnunum. Sjálf er ég angurvær, þarf að hringja í lín og ískápshurðin er endanlega að syngja sitt síðasta held ég.
|
það er svo erfitt að vera í sumarfríi að ég er dauðuppgefin bæði á líkama og sál. En það er samt voða gaman í fríinu.
|
...... og nú er það Lególand....
|
Ég er komin heim. Við veiddum allt kvikt í sveitinni og reyndum að fanga tunglið, en það gekk ekki. Þá er ein vika eftir af sumarfríi og nú þarf að taka á......fara í dýragarð og lególand og vestamager og ég veit ekki hvað og hvað. En ég nenni ekkert að skrifa þó það sé frá mörgu að segja.
|
þá legg ég í hann í fríið. Við ætlum að veiða krabba, rækjur, kanínur, snigla og gíraffa, eftir bestu getu. Kem aftur eftir viku.
|
Vinkona mín á afmæli í dag og ég er ekki búin að kaupa afmælisgjöf handa henni. Það finnst mér alveg glatað, ég er venjulega rosalega dugleg við að kaupa gjafir. Eða búa þær til. En núna er ég bara skömmustuleg heima hjá mér og vonast bara til að hún frétti þetta með gjafaleysið utan að og taki því blíðlega þegar við hittumst.
|
Óþekktarangarnir mínir eru komnir til mín. Mikið er það gott.
|
Ég fór í bío í gær, það var gaman. Myndin missti samt aðeins einbeitinguna undir lokin. En hélt minni alveg, var með öll skilningarvit opin. Það getur komið sér vel í bíó.
|
Heimóttalegt fólk getur alveg verið skemmtilegt. Jájá og gott og allt það, en það er samt heimóttalegt. Don't miss it!
|
Rungsted Kyst var fín að vanda, en kirsuberjarommið sem Birgitte Elgaard býr til er samt betra. Og það er best af öllu að drekka rommið í Rungsted Kyst á heimili Birgitte. Gaman, gaman.
|
Björn Rafnar Ólafsson og mesti fáviti jarðarinnar eiga afmæli í dag. Þeir eru ekki einn og sami maðurinn, það er langt því frá.
|
Ég er greinilega alveg gjörsamlega stjórnlaus þegar að svefni kemur og merkilegt að ég skuli ekki bara sofa útí eitt, loksins þegar ég get það. Níu tímar í nótt og níu þar áður og tíu á undan því! Ég hlýt líka að verða rosalega falleg eftir þetta allt saman. Eru ekki fegurðardrottningar heimsins sífellt að tala um að svefn sé lykilatriði þegar kemur að fegurð?
En málið er bara að ég er ekki alveg að njóta þessa sem skildi. Í fyrsta lagi er rúmið mitt ekkert sérstaklega gott þannig að ég er aum í bakinu eftir þessar löngu legur. Og í öðru lagi fæ ég svona líka svakalegan móral ef ég drullast ekki á lappir klukkan átta. Ekki spyrja mig af hverju. það er ekkert sem ég ætti að vera að gera annað en að sofa ef út í það er farið.
Í kvöld er ég búin að bjóða mér í mat hjá nágrönnum Blixen og þangað ætla ég að taka með mér tannbursta og náttföt og gera allt sem í mínu valdi stendur til að missa af síðustu lestinni heim, svo ég geti sofið í almennilegu rúmi næstu nótt.
|
Mikið var gaman að fá Láru svona í mýflugumyndarheimsókn. Svo gaman að ég var bara að skríða á lappir. Var það þá kannski bara þreytandi??
Nei djók, bara gaman!
|
Í dag fékk ég tvö væmin póstkort með myndum af bleikum rósum sem dóttir mín tók sér laaaangan tíma til að velja áður en hún fór í kólóní. Annað hljómaði svona: "kære mor. I går var vi på stranden hvor jeg var i vandet. Det var dejligt varmt." Og svo var mynd af kvenveru í pilsi, veit ekki hvort það á að vera ég eða hún. En ég fékk allavega tár í bæði augun og kött í hálsinn.
|
Per, sem var afleysingarmaður í skólagarðinum í dag, hefur greinilega fengið lánuð fötin hans Bents. Stuttbuxurnar voru eins, hvítu sportsokkarnir, klossarnir, þvældur stuttermabolurinn og vestið sem hann var í yfir bolinn. Allt alveg eins. Per kallaði mig dömu og það rann upp fyrir mér að ég man ekki til þess að hafa verið kölluð það áður. Ég kunni vel við það. Svo kom Per og talaði aðeins við mig, sagði mér að vökva tómatplöntuna og reif svo upp fína "blómið" sem var í gulrótarbeðinu. Sagði að þó það væri fínt þá myndi það taka alla næringu frá gulrótunum. Þá komst ég að muninum á Bent og Per. þeir eru alls ekki eins. Það er sápulykt af Per en súr bjórlykt af Bent. Ég kann betur við Per.
Svo kom enginn í húsið nema Guðmar og einhver kona með barnabarn sitt og hún sagði barninu að spyrja "stelpuna" hvort það væru til ísmolar. Þá fauk örlítið í mig og ég vildi ekki einu sinni fara inn í eldhús og þykjast athuga með ísmolana, sem ég vissi að voru ekki til. Sagði barnabarninu að ég ætti enga ísmola og komst að því að ég er hætt að vera stelpa. það er örugglega svoltið síðan það gerðist.
Á leiðinni heim hjólaði ég í framhjá Kongens have. Þar var verið að spila jass, allt var yfirfullt af fólki og ég velti því fyrir mér af hverju ég væri ein.
|
Nú ætti ég að vera vel hvíld fyrir fríið sem í vaændum er. Sofnaði með AG í gærkvöldi og svo vakti hann mig í morgun. Mig rámar reyndar aðeins í það að hafa farið fram úr til að slökkva ljós og læsa hurð einhvertíma í nótt, en það gæti alveg hafa verið draumur. En, fljótt, fljótt, tíminn líður, tíminn líður!
