Obb bobb obb !!!!
|
Það komu rúmlega 80 manns í Jónshús í dag, allt gekk vel, enda ekkert nema snillingar á ferð í veitingasölunni. Nú getur
svallhópurinn Sigrún farið til Vordingborg á krá að éta og drekka fyrir ágóðan. Eftir að við Óli vorum búin í Húsinu komum við beint heim til Sigga í sjúklega góðan sunnudagsmat sem endaði í ananas og dansi. Bara ekkert svo leiðinlegt.
|
Fór í afmæli hjá Sønderbroskole i dag. Það var mætingarskilda fyrir börnin og svo þegar í skólan kom, kom í ljós að það var eininlega líka skilda fyrir foreldrana að vera þarna. Ákaflega illa skipulagt fannst mér og þar sem ég er óvenju mikill félagsskítur þessa dagana, flúði ég heim eftir rúman klukkutíma. Meikaði þetta engan vegin. En skólastelpan var glöð og líklega er það það sem skiptir mestu máli.
Annars erum við með heljarinnar messukaffi í Jónshúsi á morgun. Ég held að það sé engin afsökun fyrir að koma ekki nógu góð, það verða meira að segja brauðtertur á boðstólum...og súkkulaðikökur.....og eplakökur.. og beibírúþþ....og DVD-kökur...og brauð og humus...og túnfisksalat...og marengs....og ...döðlukökur og...............kaffi náttúrulega. Allt þetta fyrir fimmtíukall á kjaft.
|
Mikið rosalega er ég dugleg. Þetta er bara engin hemja..............................
|
Húkkitts að ég er ekki lengur veik og fór í skólan í morgun. Ég var nefnilega búin að gleyma að maður á að borga staðfestingargjald fyrir skólaferðalagið fyrir 1. nóv. Ég hefði sko barasta ekkert komist til Manchester hefði ég verið veik í dag. Annars var AG nú frekar aumur í morgun, sérstaklega eftir að hann kannaði hitan á hellunni sem ég var nýbúin að sjóða hafragraut á með lófanum. En hann var voðalega duglegur og hélt hendinni ofaní vatni í næstum tvo tíma og fór svo með blautan þvottapoka í heldinni til Jette. Var meira að segja nokkuð montin af þvottapokanum þegar þangað kom, hann var líka sá eini sem státaði af svoleiðis í dag.
|
Ég er með ælupest og ógeð. Og ef það er ekki nóg er ég líka með ÞS veika heima. Verð að reyna að leggja mig meira........
|
Í gær fékk ég afmælisgjöf alla leið frá ameríku. Það fannst mér alveg rosalega gaman, bæði að pakkinn skildi hafa komið svona langt að og líka var innihaldið frábært. Ég hef einu sinni áður fengið pakka frá ameríku, mikka mús bolla með slökkviliðshjálm á sem hægt var að setja rör í gegnum. En það er langt síðan og bæði bollinn og hatturinn týndur en endalaust saknað.
Ég ætla aldrei að týna nýja dótinu mínu frá ameríku.
|
Mánudagur og ég rembist við að láta ekki bilaðan rennilás fara í taugarnar á mér.
Mánudagur og ég skil ekkert í því hvernig buxur sem liggja hreyfingalausar upp í hillu í mánuð geta minnkað.
Mánudagur og ég les eins og vindurinn.
Mánudagur og ég er á leiðinni á foreldrafund.
Mánudagur og það verður fiskur í kvöldmatinn.
Mánudagur og ég veit ekki meir.........
|
Ég trúi varla að þessi helgi sé að verða búin. Bara vrúmmm....komið sunnudagskvöld án þess að ég fái ráðið við neitt. Þrátt fyrir hvað þetta er búið að líða fljótt, hefur ekkert markvert verið á seiði. Við, trekvartfjölskyldan, erum bara búin að lufsast um, buðum Ingibjörgu og Rafnari í mat á föstudagskvöld, horfðum á vídeó og sváfum lengi í gær. Svo þvoðum við þvott, dönsuðum ballett við Edit Piaff og lékum úti áður en við átum kvöld mat í gæt. Eftir hann fengum við ís og fórum í bað. Í dag svaf móðirin extra lengi og fylgdi svo ÞS í afmæli til Lunu en sjálf fór hún með AG í Jónshús. Og núna sjóða hrísgrjón í tveimur pottum og í ofninum kraumar kjúklingur og Siggi kemur á eftir.
Svei mér þá ég fer ábyggilega bráðum á eftirlaun.
|
Ég er í þann mund að borða girnilegurstu pizzu sem búin hefur verið til.
Hef engu að bæta við afmælisgjafalistan í dag.
Í kvöld ætla ég að horfa á grenjumynd.
Ég er rasisti.
|
Af því að það eru tvær vikur í afmælið mitt kemur hér fyrsta uppkast að gjafalista. ( athugið að röðin á listanum er ekki endilega í samræmi við ílöngun!)
1. Saga dagana, eftir laumukærastan minn; Sölva Sveinsson.
2. Camper(s) skór, ekki alveg viss um hvernig, svo það er vissara að hafa mig með í ráðum.
3. Svört alpahúfa.
4. Inniskór, einhverja sem maður svitnar ekki mikið í, eru töff en sígildir þannig að maður geti notað þá helst í tvo vetur.
5.Kápa/úlpa/úlpukápa... er ekki alveg viss, ekki páka samt, kannski réttara að segja bara yfirhöfn og hafa mig með í ráðum.
6. Svartur Flaugelisjakki.
7. Rauður varalitur, ekki eldrautt, ekki dimmrautt, bara nákvæmlega eins rautt og mig vantar.
8. Sólarpúður.
9. Prjónar í öllum númerum.
10. Garn í öllum litum.
11. Prjónauppskriftir sem ég skil, ef þær eru fáanlegar.
12. Siggu Lísu aftur út.
13. Mat, má vera matur til að setja í ískápinn, matarboð, út að borða-boð, ostabakki...
14. Sundbol.
15. A Contrastive Gammar textbook & workbook ( Hjulmand).
16. Kínaskyrtu, veit ekki hvaða lit, vissara að hafa mig með í ráðum.
|
Jæja, ætli að verði einhver djöfulgangur í veðrinu í dag?
Sigginn fer til Íslands í stjörnuleiðangur ( ath, ekki stjörnuskoðunarferð) í dag og verður fram á sunnudagskvöld. Áhugasamir geta barið hann augum á Grand rokk á laugardagskvöldið upp úr miðnætti. Ég ætla hinsvegar að vera heima um helgina og áhugasamir geta barið mig augum á heila og hálfatímanum í gegnum stofugluggan minn.
|
Hahaha, Híhíhí, jibbíkajej moðerfokker!
Fékk A fyrir bókmenntaritgerðina, ligga ligga lá........
|
Las mikið, svaf lítið, vaknaði hress og nokkuð kát. Ætli dagurinn beri þá með sér einhverja kæti? Það er aldrei að vita, fæ bókmenntaritgerðina mína aftur í dag. Spennó spennó spennó!
|
í dag er ég að reyna að slá heimsmetið í letikasti án atrinu. Ég held það takist ekki, er þegar búin að skrifa fjögurra lína bréf til opinberrar stofnunar og ef heldur áfram sem horfir, set ég það líklega i póstkassan á eftir. Er kannski bara ekki mjög mikil keppnismanneskja.
|
Heimkoman hefur vakið hjá mér eftirfarandi spurningar:
1. Hvað gætu menn með kælibox verið að vilja hingað á kollegeið, á mánudagsmorgni í október, annað en að kaupa líffæri úr einhverjum óheppnum kollegebúa?
2. Af hverju held ég alltaf að ófrítt fólk sé gáfað?
3. Eru einhver tengsl á milli ljótleika og gáfna?
4. Er til aflúsandi, dítoxíkerandi föstukúr?
5. Á ég einhvertíma eftir að fljúga í loftbelg í atvinnuskini.
6. Er ufsilon í atvinuskini?
|
lambakjöt, rauðvín, kaffi, kaka, partý, Jóda, Stína, Lára, Sverrir, Palli, Ingunn, Siggi, ég og tuttug´og tveir.
|
Við erum bún að veiða margar margar slögnur á Íslandi, hvort sem þið trúið því eða ekki. Jájá og svo er búið að kassta öllum lausum steinum úr fjörunni við Gróttu út á haf og éta ógeðslega, ógeðslaga mikið. Hins vegar er ég ekki búin að skrifa neitta af ritgerðinni minni en hei, ég er búin að éta. Þegar ég kem heim þá fer ég í aðhald og viðhald og öll helstu höld barasta.
|
Ég get þó alla vega glaðst yfir því á hverjum degi að vera ekki Bubbi Morteins.
En er einhver á Íslandi sem getur hugsanlega lánað okkur kerru (eða reyndar ekki okkur , heldur bara Arnaldi) á meðan við erum á landinu?
|
Áður en ég legg af stað í kvöld, þarf ég að þvo þvott, skrifa eina ritgerð, pakka niður, sannfæra konu uppi á sjöundu hæð um að hún eigi ekki að flytja með fjölskyldunni sinni til Íslands, heldur vera hér hjá mér og drekka fullt fullt af kaffi.
Best að fara að koma sér að verki.
|
Fyrir svona sirka þremur vikum fór ég á fund í skemmtinefd 0.x í Sønderbroskole. Fundurinn varði frá kl 19:00 til 20:00. Þegar ég kom svo heim, eftir að hafa drukkið kaffi hjá nágrannakonunni, kl:20:30 var Arnaldur með sár á kinninni og glóðuraugu á báðum. þau sögðu að hann hafi hlaupið á borðhornið. Í kvöld var svo foreldrafundur hjá dagmömmujúnitinu og þegar ég kom heim af honum lá drengurinn alblóðugur í rúminu sínu með gat á enninu. Núna sögðu þau að hann hefði hoppað á borðhorn ( ekki sama borðið samt).
Ég held svei mér að ég hætti að fara út þegar drengurinn er ekki kominn öruggur í rúmið og pakkaður inn í bómull.
|
andskotans, helvítis, helvítis, helvíti.
djöfull og djöfull.
árans
mig langar ekkert í skóladruslulufsuskítaruslatunnuna.
|
Ég þarf að láta setja í mig stafsettningarforrit. Ég þoli þetta ekki, en stafsettning bara hangir alls ekki inni í hausnum á mér. Stundum finnst mér það bara allt í lagi, ég fæ bara einhvern til að lesa yfir. En svo eins og núna, finnst mér þetta bara ekkert í lagi og ætla bara að skrópa í tíma hjá kennaranum sendi mér póst í morgun sem hljóðaði upp á að inngangurinn væri ónýtur af stafsettningarvillum. Best að fara bara að skæla. Og skæla og skæla og skæla........
|
Við fengum voða skemmtilega heimsókn í gærkvöldi. Jón Ágúst, Raggí og Yrja komu til okkar og ekki er annað hægt að segja en að það hafi tekist miklar ástir með þeirri síðarstnefndu og ÞS minni. Ég verð víst að vanda mig voða mikið þegar ég tala um tengdafjölskylduna hér. Frétti nefnilega að mákona og dóttir hennar ættu það til að lesa þessa síðu. Hæ Inga og Kristín María!
Svo kem ég til Íslands ekki á morgun heldur hinn og er loksins farið að kvíða almennilega fyrir. Mér finnst þetta alltaf erfitt og ég veit eiginlega ekki fyrir hvern ég er að gera það. Ef það er fyrir mig og ég geri bara það sem mér sýnist meðan á dvölinni stendur, þá er ég tillitslaus skepna ( eða svo gott sem). En ef ég eltist bara við heimsóknir og alla sem "verða" að hitta mig, verð ég bara ógeðslega stressuð og pirruð og þreytt og fúl. ohhhh er í kvíðakasti.......
|
Skárri eru það nú draumfarirnar. Kettlingar, ungabörn útúrfullir ruslapokar, brauð, brauð, brauð, gosdrykkir og fólk. Alls konar fólk; Sigrðíður Hagalín,Guðmundur Steingrímsson, Regína á efri, Þorbjörg mín og ein sem var að vinna í sendiráðinu og ég veit ekki hvað heitir. Er það furða að ég sé uppgefin á morgnana þegar ég vakna?
|
...og ekki er hún enn út hvíld.
Átti yndislegan dag með börnunum í gær. Gáfum öndum og svönum, átum kökur í Jónshúsi, lékum okkur í kongens have og bjuggum til veiðistöng. Fyrir utan allt hitt sem fólk gerir á sunnudögum. Þegar við vorum svo búin að borða frábæra súpu með frábærum nágrönnum fórum við öll heim að sofa, líka ég. Svaf heilt kvöld og heila nótt og af því að það var ekki alveg nóg þá er ég búinað dotta yfir bókunum í allan morgun. Svo nú ætla ég í skólan og koma svo heim, læra og fara svo snemma að sofa. Tek enga sénsa með þetta, verð að hvíla mig.
Siggi kemur heim og ligga ligga lá.
|
Jónshús, Jónshús.
Opið í dag
Jónshús.
|
Þetta er nú ljóta sukkið. Ekki nóg með að ég úði í mig hvítlauk í skjóli hálsbólgu og kvefs, heldur er ég líka farin að staupa mig á víni með sömu hálsbólguna að yfirskini. Krakkarnir fá svo bara ís og popp og Línu Langsokku af því að mamman er svo slæm.........já það er bara gott að vera grasekkja.
|
Hálsbólgan er á undanhaldi, enda lykta ég eins og snigill í hvílaukssmjöri. Át tvö rif í gærkvöldi og fór snemma að sofa. Annars ekkert nema morgunsjónvarp barnanna.
|
Já....Regína og Hörður, hún heitir:
Ilmur af manni
|
arg....ég er komin með djös.., helv..hálsbólgu skít.
|
Hann er varla farinn út úr dyrunum og strax er hann orðinn svolítið sætari. Enda var hann rakaður, strauaður, greiddur, þrifinn og strokinn. Sjaldan sem þetta hittir svona allt á í einu. Vona bara að Ríkarnir kunni að meta það.
Efir að ég var búin að þrífa allt hátt og lágt í gærkvöldi settist ég barasta niður með saltstangir ( ekki að það skipti einhverju máli) og kláraði söguna sem átti að hreppa annað sætið í keppninni. Held nú samt að hún lendi bara í því þriðja út af tímaskorti. En það er þá bara allt í lagi, verst bara að þetta tekur náttúrulega tíma frá lærdómnum, en ég hlýt að geta keypt mér nokkra klukkutíma fyrir verðlaunapeningana sem ég lofa að nota bara í lærdóm. Orræt.
