Obb bobb obb !!!!
|
Á leiðinni í skólann svínaðai ég fyrir konu sem gargaði á mig að ég ætti að líta aftur fyrir mig áður en ég tæki frammúr! Hún var svo nálægt mér að ég var með andadráttinn hennar á eyranu hálfa leiðina í skólann. Þegar í skólan kom henti ég helmingnum af myndinni okkar í ruslatunnuna og tæmdi hana svo. Þar næst eyddi ég þrem tímum í að ná aftur í klippin sem ég þurfti að nota í myndina góðu. Svo fór ég í búðina á leiðinni heim. Keypti ; jógúrt, olíu, uppþvottalög, mjólk, banana og tyggjó. Svo gerði ég
þetta.
|
.......en það kemur örugglega frá ameríku!
Annars er ég búin að vera að taka myndir af hundaskít fyrir dóttur mína, hún ætlar að búa til póstkort og senda til íslands. Ef hún er ekki efni í snilling, þá veit ég ekki hvað.
|
Í Póllandi er til tyggigúmi sem er allveg eins á bragðið og vinstra grænt extra, það er bara í bláum pökkum og heitir airwaves!
|
Internetid er í ólagi heima hjá mér og ég er ad drepast úr fráhvörfum. Magnad hvad madur verdur hádur thessu. Get ekki gert nokkurn skapadan hlut án thess ad vera í netsambandi.
Annars er ég bara í skólanum, brjálad ad gera og ég hef ekkert ad segja frekar en fyrri daginn.
kved bara í bili.
|
Ég þarf annað hvort að láta athuga í mér augun eða fá mér myndatökuvél sem er bara með átófókus. Shitt hvað ég er léleg að fókusa maður.
Þá geri ég heldur mitt margrómaða lasanja!
|
Mamma mín er komin og ligga ligga lá!!!
|
Dóttir mín vill ekki vera lifandi af því að hjartað hennar er alltaf að stríða henni. Það segir henni að hún megi ekki fara að sofa þó svo hún sé þreitt. Hún vill frekar fæðast aftur sem einhver annar.
Hvað nú?
|
Hákarl og saltlakkgrís er nýja upáhaldsið mitt.
|
Gærkvöldið fór bara í að hita kakó fyrir Sigga. Djonní Kass vinur hans lést í gær og ég þurfti að veita honum áfallahjálp. Kakó og teppi.
En Póllands túrinn var mjög fínn. Við Ole gerðum okkar til að reyna að minnka áfengismagnið um borð ( auðvita bara eftir tökur) en það sá ekki högg á vatni. Ég talaði við Pjotr nokkurn, hann spila á trommur í skipsbandinu og virtist bara vera ósköp venjulegur pólverji en þegar ég horfði á hann frá hlið sá ég að hann var með síðasta hárið að aftan. Og hann var ekkert að djóka með það neitt, greinilega búin að safna þessu frá því snemma á níunda áratug síustu aldar. Nú okkur var hent út úr veslanamiðstöðinni sem við ætluðum að taka upp stóran hluta myndarinnar þannig að við verðum að breyta handritinu okkar. Leikstjórinn fór hamförum í túristaleik, keypti og keypti og vann til verðlauna í öllum helstu keppnum sam fram fóru um borð í bátnum. Nema þrístökkinu, ég vann í því og fékk nokkrar skrámur í kaupbæti. Enda mjög hörð keppni. Og svona eitthvað bara!
|
Það er næstum því yfirnáttúrulegt hvað hægt er að hafa mikið áfengi um borð í einu svona skipi!
|
Með buxurnar á hælunum legg ég af stað til Póllands.
Ég finn hvergi beltið mitt!!
|
Allt í einu er ég orðin voða stressuð út af þessari ferð minni til Gdansk. Ég hef ekki hugmynd um hvers vegna. Það er engin ástæða til að vera það, held ég!!
En nú verð ég að fara að drýfa mig af stað.
ferðasaga á föstudaginn
bæ
|
Ahhhhh, ekkert er eins hressandi og að vera kölluð
Ídíót af skapvondum dana í morgunsárið.
|
Ég er með svona heiftarlegt kakkalakkaofnæmi. Hnerra eins og andskotinn sé á hælunum á mér. ( hvernig sem það nú er! Ég held að ef ég væri með andskotan á hælunum, myndi ég gera eitthvað annað en að hnerra til að losna við hann, hmm well!!)
|
Dani eru og verða heimsmeistarar í kjaftæði. Það er allt snakkað í klessu og diskúterað fram og tilbaka. Og niðurstaðan?
Engin.
Eftir að vera búin að bíða og tala og tala og bíða erum við loksins búin að fá miða sem við getum breytt í peninga á morgun. Þá getum við svo notað til að borga miðana til Gdansk. Ætli borgi sig samt ekki að tala aðeins um það og halda að minstakosti einn fund.......nei djók. Fara til Póllands á morgun. jammmm
|
Við erum nú meiri perrarnir hjónin. Nú situm við bæði hér í buxum af Christiani Elgaardi og getum ekki annað.
Eða hvað????
|
Jibbbíííí
Loksins er ég komin með staðfestingu á að ég bý í útlöndum. Kakkalakkar í krydd og kaffiskápnum.
|
Ég elska svona sunnudaga sem maður er bara eitthvað að druslast en kemur samt heilmiklu í verk. Við erum meira að segja búin að smíða skóhillu ( við þýðir allt svo, að Siggi smíðar og ég passa börnin á meðan)
Ég nenni samt ekki að segja ykkur frá meiru, jú nema kannski bara að við erum búin að fá nýja nágranna. The Elgaards eru barrasta flutt á kollegeið. Fyrst voru þau voða montin í 90 fermetrum í Christianshavn, svo í 60 á Fredriksberg en nú eru þau komin í 30 fermetra hjá okkur hinum í slömminu. Mér finnst það bara ágætt.
bæ.....
|
Ég var að borða strút. Hann var bara mjög góður og ekki var/er rauðvínið verra. Annars er ég búin að vera að þrýfa gestaskít í allan dag. Ekki að ég hafi verið með óþrifalega gesti, langt því frá, en ég hef einhverja þörf til að þrýfa allt hjá mér þegar ég er búin að vera með næturgesti.
Ég er að pæla í að skrifa Davíð Oddsyni bréf og benda honum á að námslánin séu of há. Ég auglýsti nefnilega eftir barnabössun fyrir rúmri viku ( á íslensku NB) og hef ekki fengið svo mikið sem eitt svar.
|
Sá heimildarmynd í dag sem fékk mig til að hugsa mikið til vinkonu minnar einnar. Hún fæddi dreng sem var dáinn. Hún er ótrúleg kona. Ég dáist að henni á alla vegu. Maður þarf að vera ótrúlega sterkur til að gera bara haldið áfram; Eignast tvo drengi til, átt mann sem vinnur voða mikið, orðið sjúkraliði, sungið í kór, heklað sjöl, farið í endurmenntunardeildina, orðið rekstrarfulltrúi, brosað, hlegið, og bara allt.
Ég fer stundum alveg í klessu ef það kemur lykkjufall á sokkabuxurnar mínar. Djöfullsins aumingi sem ég get verið!
|
Best að fá bara bödjett í skólanum til að fara til Póllands að gera bíó.
Ég á það til að vera bara nokkuð helvíti snjöll!
|
jamm, ég er líka að pæla. En ég er að spá í það hvað sé kvennlegt. Mér finnst ég vera kvennleg en kannski er það bara af því að ég er kvenkyns.
Í viðtalinu í dag var ég nefnilega spurð hvort ég myndi vera fáanleg til að bera kassa.
" bera kassa" hváði ég .
"Jú sjáðu til, ég er alltaf í háum hælum og með nagglalakk og ég geri aldrei neitt svona líkamlegt. Þess vegna vorum við að pæla í að ráða karlmann í starfið vegna þess að það þarf stundum að bera kassa og svona"
"ha jú ég get alveg borið kassa og svona"
" já, þú lítur út fyrir að vera svoleiðis týpa"
Og þá leið mér eins og ég væri antikvenmaðurinn holdi klæddur.
Kona sem ber kassa Og skiptir um ljósaperur og gerir við sprungin dekk og leggur vasslagnir og, og...
Þarf maður að vera algerlega bjargarlaus til að vera kvenlegur?
Já,nú spyr ég bara!!!
|
Ég er að fara í viðtal út af samningi á morgun hjá auglýsingarstofu. Ég var bara voða róleg yfir þessu öllu, allveg þangað til kennararnir uppi í skóla sögðu með stórum augum: "nohhh" þegar ég sagði þeim hvaða fyrirtæki þetta væri. Allir svaka imponeraðir yfir þessu og ég hugsa bara um í hvaða fötum ég á að vera.
Lifi hégóminn!
|
Óþolandi svona dagar sem fara meira eða minna í að eiga samskipti við stofnanir og banka. Ætli símtöl til skattayfirvalda séu frádráttarbær?
