Jæja, þá er ég búin að þvo og brjóta saman 28 kg af þvotti. Á meðan hef ég drukkið þrjá bjóra. Það eru rúmlega 3,5 cl á kíló ! Maður á ekki að þvo svona mikið.


Á bóndadag gaf ég manninum mínum geisladisk sem hann átti fyrir. Tíu stig til mín. Reyndar er mjög gott að eiga bakk öpp af djonní kass. Svona til vonar og vara. Annars hef ég aldrei viljað viðurkenna að hann sé bóndi. Einu sinni setti hann niður kartöflu í þeirri von um að það myndi gera hann að fullgildum bónda. Það virkaði ekki. Stundum hefur hann fengið bónda-brauð eða bríe í tilefni dagsins. En þá hef ég keypt það og deilt með honum. Það hefur þá bara verið bændum almennt til heiðurs, engum einum frekar en öðrum.
Núna var ég búin að kaupa diskinn og frétti svo að þessi dagur væri daginn eftir og ákvað að reyna að skora nokkur stig. og svona gekk það nú. En hér skal áréttað að það fer ekki á milli mála að ég er KONA og bráðum kemur dagurinn minn.



  ¶ 12:38 f.h.