Ja hérna. Ég er búin að lita hárið á mér appelsínugult! Það er minnir á rauðbröndóttan fresskött sem er búinn að vera á kvennafari í viku.
Ég veit svei mér ekki hvernig ég á að taka á þessu. Verst er þó að vera ein heima, það er alltaf betra að hafa einhvern hjá sér þegar maður fer út í svona æfingar. Þá getur maður komið einhverju af ábyrgðinni yfitr á hann. Djö.... ég veit ekki hvort ég þori út úr húsi. Vona bara að þetta verði betra á morgun.
Ég er samt enn þá ógurlega sæt, með hvíta trégólfshúð, svartar nýlitaðar augnabrúnir og appelsínugult hár!