Mig langar upp í Bláfjöll á skíði. Hef ekki farið þangað í mörg mörg ár, en í dag langar mig voða mikið. Það er ekta svona Bláfjallaveður; frost, stilla og glampandi sól. Mig langar alltaf á skíði í svona veðri. Fer samt ekki í dag frekar en aðra svona daga síðust árin. Af hverju ekki eiginlega? Ókey, ég veit af hverju ég fer ekki í dag, er í órafjarlægð frá bláfjöllum. En afhverju fór ég ekki á meðan ég bjó á Íslandi? Ég fann alltaf einhverja afsökun, ÞS var svo lítil, ég var ekki á bíl og rútan nýfarin, gæti verið svo stutt að það tæki því ekki að fara og bla bla bla. Asnalegt að finna afsakanir til að gera ekki það sem mann langar til. Ætti heldur að vera á hinn veginn. Finna afsakanir fyrir að gera það sem mann langar. Alltaf. Í dag ætla ég að fara í göngutúr, af því mig langar, láta klippa mig, af því mig langar, krúsídúllast allan dagin með sjálfri mér, af því mig langar.
Svo reyni ég bara að senda AG með Sigga í leikhúsferð til Berlínar um páskana og fer til Físjóðar á skíði með ÞS. Gott plan.   ¶ 8:19 f.h.