Þrátt fyrir að hafa sofið til tólf og vaknað með trönuberjabragð í munni eftir vodkann sem ég drakk í gær, sem er öllu betra en helv..ramm/súra bjórbragðið sem ég vaknaði stundum með í denn, fyrir nú utan það hvað trönuber eru holl fyrir konur, þá hef ég bara náð að eiga góðan dag með mínum nánustu. ÞS kom með mér að vinna og skúraði skrifstofu forsjórans alveg ein. Á leiðinni heim hittum við gamla konu með staf, það var mjög gaman. Svo fórum við alltof seint og gjafarlaus í skírnarveislu, við erum ekki alveg að gera okkur grein fyrir mikilvægi þess konar veislna, enda heiðingjar öll upp til hópa og börnin óskírð. Svo gerðum við piffsur, ég og krakkarnir, við ÞS settum á en AG át jafnóðum pepperóníið af!
En allt fór þetta vel að lokum og átu á sig gat þeir sem það kusu.

Þorbjörg er alltaf að spá í trúmálum og talar þá um Alla og Búdda, þ.e. hún begir nöfnin og segir t.d. að Alli hafi sagt henni að hún ætti að hlusta á hvað Búddi segir!
Ég fer ekkert ofan af því að hún er skemmtilegasta manneskja sem ég þekki, en öllu verra er að hún virðist vera laglaus og því getur ekki verið að hún sé dóttir mín og heimsfræga söngavarans og því verður henni vísað héðan hið fyrsta.  ¶ 8:08 e.h.