Nú gæti vorið verið á næstu grösum. Í dag er allavega mjög vorlegt, sól og fuglasöngur. Svo mætti mér þriðji vorboðinn á leiðinni í þvottahúsið í morgun; partý. Mér finnst alltaf einhver sumarstemming yfir fylleríum sem endast alla nóttina. En það var nú mesti sjarminn farinn af þessu liði, maskarinn löngu runninn niður á kinnar og lykkjufall á öllum sokkabuxum, enda klukkan að verða tíu þegar ég rakst á fólkið.