Það fer nú ekki mikið fyrir blessuðu sumrinu hér á landi. Úlpuklædd fer ég út í daginn og er oftar en ekki sveipuð trefli. Ef ég er svo úti þegar sólin er hæst á lofti renni ég úlpunni stundum niður og finnst ég þá bara nokkuð sumarleg.
Krísa dagsins var sú að AG fann afmælisgjöfina sína sem ég hafði haganlega "falið" undir rúmi. Allir lögðust á eitt við að dreifa athyglinni á meðan gjöfinni var fundinn nýr felustaður. Núna er ÞS í öngum sínum yfir því að litla bróður hennar finnist rosalega leiðinlegt á afmælisdaginn fyrst hann veit hvað hann fær í gjöf. Annars heldur baráttan áfram og nú er svo komið að ég er búin að véla með mér í alls kona verkefni eiginmenn nágrannakvennanna tveggja ( þeirra sömu og fóru til Íslands um daginn)og held þeim í heljargreipum uns yfir líkur. Eitthvað þarf maður að gera þegar manns eigins menn eru alltaf í skólanum!   ¶ 7:14 e.h.