Jesss, tæpir fimm á hálftíma. Mér finnst það bara svolítið gott hjá mér, ég kemst í maraþon eftir svona fimm ár. Gott að hafa fimm ára plan, finnst mér sósíalistanum.
En að öðru. Ég er búin að taka ákvörðun um blómin, ég ætla að kaupa þau í dag. Stóð með tvö gullfalleg eintök um daginn og beið eftir afgreiðslu þegar mér var litið á leiðbeingarnar og það þyrmdi yfir mig. Mér fannst ég alls ekki vera tilbúin að bera ábyrgð á blessuðum plöntunum. Það þarf að vökva þau voða oft og nostra við þau til að fá þau til að tala og svoleiðis. En ég er búin að hugsa um þetta nótt sem dag í þrjá daga og læt nú slag standa. Ég er nógu þroskuð til að hugsa um blóm!