Jájá, þá er maður búinn að baka eina "sort". Eða kannski er réttara að segja hálfa, ég átti bara eitt egg og smá smjörklípu þegar ég hófst handa við verkið, en ofgnótt af súkkulaði bætti það upp og úr urðu "bestu jólakökur í heimi" að sögn barna minna. Eitt það skemmtilegasta við að vera foreldri, finnst mér, er þegar maður getur galdrað eitthvað fram, eins og smákökurnar í gær. Ég var eitthvað að bjástra með egg og sykur og svo eru bara allt í einu komnar kökur! Mikið sem maður er magnaður, einmitt þá.
En hvað þarf maður að baka margar sortir í dag til að teljast til fyrirmynda húsmæðra?