Er búin að liggja við mína uppáhaldsyðju síðustu fjóra tímana, eða svo, allavega alveg frá frá því að ég kom frá tannlækninum. Við tannlæknirinn erum að bleikja dauðu framtönnina mína innanfrá, eitthvað trikk sem hann kann, en satt best að segja gerir hann nú meirihlutan af þessu, ég er mest í því að opna munninn.
En uppáhaldsyðjan mín er ekki bara að sofa, nei, nei,nei. Þetta er sko miklu þróaðara en það, inniheldur meira að segja bók. Trikkið er sem sagt að skríða upp í (það er langbest að vera nýkominn inn út kuldanum, með köld læri, það gefur athöfninni aukna vídd) með bókina sem maður er að lesa, lesa og sofna út frá bókinni. Og nú kemur hápunkturinn; þegar maður vaknar svo, endurtekurmaður leikinn, les og sofnar! Eins oft og hugurinn girnist. Og þó að lærin séu löngu búin að ná eðlilegum líkamshita þá er þetta samt gott. Ég tók fjórar umferðir í morgun, er þess vegna alveg að verða búin með bókina og rosalega vel sofin.  ¶ 12:25 e.h.