Þetta er enn einn af góðu dögunum. Börnin eru yndisleg og ég sæl. Þreytt, en sæl. Núna eru krakkarnir úti með popp í poka, djús í brúsa, tómata ( það verður að vera eitthvað holt með segir Þorbjörg) og smá kex. Ég fæ mér kaffibolla og vaska upp á meðan. Það er orðinn svona "spari"athöfn hjá mér að vaska upp. Nýt þess mikið að fá frið til þess. Annars væri ég alveg til í að vera sjö ára eða fimm, eða þriggja og hálfs, úti með djús í brúsa. En ég fer bara í fullorðins útilegu í eldhúsið mitt, fæ mér rauðvínsglas (kannski bara plastglas til að fá réttu stemminguna), bý til góðan mat og hlusta á eitthvað skemmtilegt.