Ég er með hugan við skólann, aldrei þessu vant. Það er gott, því að af honum hef ég viðurværi mitt, eða þannig. En ég verð að viðurkenna það að þó ég sé nú búin að vera í þessum skóla í rúmlega tvö ár, hef ég aldrei verið með hugan við hann fyrr en rétt fyrir próf. Vonandi er ég eitthvað að þroska með mér ábyrgð.
Annars erum við að fara í haustbústað (ÞS finnst fráleitt að kalla þetta sumarbústað af því að við verðum þar í haustfríinu) og þegar ég er ekki að hugsa um ritgerðirnar sem ég er að fara að skrifa, hugsa ég um matinn og gotteríið sem ég ætla að éta í sveitinni.