Þá er runninn upp stóri dagurinn, átta ára afmælisveisla ÞS. Mér tókst í gær að skrapa saman gestum, hringdi í stelpurnar í bekknum hennar, eða réttara mæður þeirra, og vélaði tvö nágrannabörn með til að fylla í skörðin. Ég vona bara að stúlkukindin verði ánægð. Það verða svo pissur og nammi og kökur og kústadans og stopdans og eggjakapphlaup og ég veit ekki hvað og hvað. Eflaust mjög mikið fjör.
Eftir herlegheitin ætla ég að flýja yfir á meginlandið og liggja þar í leti fram á sunnudag.