Í morgun var ég löt. Jók það enn þá á leti mína að fá ekki gott kaffi í kroppinn með morgunmatnum. Það er fátt verra en vont kaffi að morgni dags. Ég átti þess vegna engra annarra kosta völ en að fara upp í rúm og safna í mig kjarki til þess að betla smá kaffilús hjá nágrannanum. Eftir tveggja tíma kjarksöfnun, tókst mér með naumindum að hafa mig alla leið yfir ganginn og til allrar hamingju aumkaði granninn sig yfir mig og lánaði mér kaffi.
Eða...
Í morgun var ég löt. Fór uppí rúm að leggja mig eftir að hafa komið krökkunum í skólann. Ingibjörg lánaði mér svo kaffi, af því að mitt er vont!